Kan Lêvi 16:21 - Nau Brah Ndu Ngơi 2023

²¹ Y-Arôn lĕ bar ti păng pah ta klơ bôk be nkuăng hôm rêh nây, jêh ri mbơh lĕ rngôch nau djơh mhĭk phung ƀon lan Israel, jêh ri lĕ rngôch nau ƀư tih jêh ri nau tih khân păng, jêh ri dơm lĕ rngôch nau tih nây ta bôk be, jêh nây jao păng ma du huê bunuyh bu hŏ jao kan gay têk njŭn păng leo tâm bri rdah jêh ri mƀơk păng luh.

Kan Lêvi 16:21 ပူးပေါင်းရင်းမြစ်များ

Êsra 10:1

Tâm nôk Y-Êsra mbơh sơm, nhĭm n'ho mbơh nau tih jêh ri chon mon panăp ngih Brah Ndu, geh du phung ƀon lan Israel, nđâp phung bu ur jêh ri bu klâu jêh ri phung kon se jê̆ tâm rƀŭn du ntŭk gŭ jŭm păng, tâm ban đŏng nhĭm rngot da dê.

Nau Mprơ Ơm 32:5

Gâp mbơh jêh nau tih ma May, Gâp mâu pôn ôh nau djơh mhĭk gâp; Gâp lah: “Gâp mra mbơh lĕ nau gâp ƀư tih ma Brah Yêhôva, Jêh ri May yô̆ an nau tih gâp.” (Sêla)

Nau Mprơ Ơm 51:3

Yorlah gâp năl lĕ nau gâp ƀư tih, Jêh ri nau tih gâp gŭ tanăp gâp ƀaƀơ.

Nau Ngluh Êjipt 29:10

Ăn may njŭn ndrôk nkuăng rah panăp Ngih Bok Nau Tâm Rƀŭn. Y-Arôn jêh ri phung kon bu klâu păng pah ti ta klơ bôk ndrôk

Nau Hôr 28:13

Mbu nơm pôn mo nau tih păng nơm mâu mra geh ôh nau chăt jêng, Ƀiălah mbu nơm mbơh păng jêh ri chalơi păng mra dơi geh nau yô̆ nđach.

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Kan Lêvi 1:4

Bunuyh nhhơr ndơ nhhơr mra dơm ti păng ta klơ bôk mpa ƀư ndơ ƀư brah gŭch jêh ri mpa nây mra dơi dơn nâm bu du mpa ƀư brah gay chuai nau tih ntang an ma bunuyh nây.

Kan Lêvi 16:20

“Tơlah păng ƀư lôch jêh nau rƀŭn chuai nau tih ma Ntŭk Dŭt Kloh Ueh, ma Ngih Bok Nau Tâm Rƀŭn jêh ri ma nơng ƀư brah, ăn Y-Arôn djôt be nkuăng hôm rêh tât,

Kan Lêvi 16:22

Be nây mra tuy tâm păng lĕ rngôch nau tih mhĭk phung Israel jêh ri bu mƀơk păng ta ntŭk rngot rklăk tâm bri rdah.

Kan Lêvi 26:40

Ƀiălah tơlah khân păng mbơh nau tih khân păng nơm jêh ri nau tih phung chô yau khân păng hŏ ƀư tih, jêng nau tih chuêl nau Gâp yô̆ jêh ri tâm rđâng đah Gâp,

Kan Lêvi 5:5

Pôri mbu nơm ƀư tih ma du ntil nau tâm lĕ nau ta klơ aơ, ăn păng mbơh nau tih păng hŏ ƀư jêh,

Samƀŭt Pôl Njuăl Ăn Ma Phung Nsing Ta Ƀon Rôm 10:10

Yorlah mbu nơm chroh tâm nuih n'hâm dơi kơp sŏng srăng, mbu nơm mbơh ma bâr mbung geh nau rklaih.

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.