Kan Lêvi 16:2 - Nau Brah Ndu Ngơi 2023

² “Ăn may lah hom ma Y-Arôn, nâu may pô aơ, mâu geh lah dah ŭch lăp tâm Ntŭk Dŭt Kloh Ueh tâm trôm blah bok, tanăp ndrŭp nau yô̆ an ta klơ Hip Nau Tâm Rnglăp, tơlah mâu tông mra khĭt yơh, yorlah Gâp mra tâm mpơl tâm ndâr tŭk ta ndrŭp nau yô̆.

Kan Lêvi 16:2 ပူးပေါင်းရင်းမြစ်များ

I Phung Hađăch 6:16

Hađăch nchăng rgăn jât met kô̆ nglĕ dŭt tâm ngih brah ma kađar tơm si sêdar ntơm bơh mbon tâm dâng tât ma dra klơ, gay ƀư Ntŭk Dŭt Kloh Ueh.

I Phung Hađăch 8:6

Phung kôranh ƀư brah tung Hip Nau Tâm Rnglăp Brah Yêhôva n'gân tâm ntŭk ta trôm dŭt ngih brah, jêng Ntŭk Dŭt Kloh Ueh, tâm dâng nting năr chêrubim.

II Nau Rêh Jêng 5:14

kŏ tât phung kôranh ƀư brah mâu dơi dâk pah kan ôh ta nây, yorlah nau chrêk rmah Brah Yêhôva lĕ bêng ma ngih Brah Ndu.

Nau Ngluh Êjipt 30:10

Ăp năm du tơ̆, Y-Arôn mra rƀŭn chuai nau tih ta klơ nke nơng ƀư brah. Tâm ăp rô̆, mham mpa ƀư brah chuai nau tih ăn dŏng tâm nau rƀŭn chuai nau tih ăp năm. Nây jêng du nau rƀŭn kloh ueh lơn ma Brah Yêhôva.”

Kan Lêvi 16:13

Ăn Y-Arôn dơm ndơ ƀâu kah tâm ŭnh tanăp Brah Yêhôva, gay ma ndâr tŭk nhhŭk ndơ ƀâu kah dơi nkŭm ndrŭp nau yô̆ an ta klơ Hip Nau Tâm Rnglăp, yor ri yơh Y-Arôn mâu geh nau khĭt.

Kan Lêvi 16:34

Aơ jêng nau vay dăp n'ho ro ma khân may: Du tơ̆ tâm ăp năm mra ƀư nau rƀŭn chuai nau tih ma phung ƀon lan Israel gay ƀư kloh lĕ rngôch nau tih khân păng.” Y-Arôn hŏ ƀư di nâm nau Brah Yêhôva ntăm jêh ma Y-Môis.

Kan Lêvi 23:27

“Lơ jât khay pơh jêng nar rƀŭn chuai nau tih, mra geh gưl tâm rƀŭn kloh ueh ăn ma khân may; ăn khân may ât sông sa jêh ri nhhơr lĕ ndơ nhhơr ăn ŭnh sa ma Brah Yêhôva.

Kan Lêvi 8:35

Kơt nây, tâm pơh nar, ăn nâu jêh ri phung kon bu klâu nâu gŭ ta mpông Ngih Bok Nau Tâm Rƀŭn lĕ nar nđâp măng, mât mray lĕ nau Brah Yêhôva ntĭnh ntăm jêh gay ma nâu jêh ri phung kon bu klâu nâu mâu khĭt ôh; yorlah nĕ jêng nau Brah Ndu hŏ ntăm jêh ma gâp.”

Nau Kơp Bunuyh 17:10

Brah Yêhôva lah ma Y-Môis: “Sŏk tay hom mâng jra Y-Arôn dơm tay panăp Hip Nau Tâm Rnglăp gay prăp jêng du nau tâm mbên mbơh ma nau tâm rdâng. Ăn may ƀư mlo lĕ nau ngơi ƀrôk khân păng tâm rdâng đah Gâp, klach lah khân păng khĭt.”

Nau Kơp Bunuyh 18:7

Ƀiălah may jêh ri phung kon bu klâu may njrăng pah kan kôranh ƀư brah khân may ma lĕ rngôch nau di ma nơng ƀư brah jêh ri ndơ tâm trôm bok nching. Gâp ăn ma may ƀư nau pah kan kôranh ƀư brah nâm bu du ndơ ăn. Bunuyh êng văch dăch pah kan nây bu mra nkhĭt păng.”

Nau Kơp Bunuyh 4:19

Aơ jêng nau khân may ƀư ma khân păng gay ma khân păng dơi gŭ rêh, mâu geh khĭt ôh tơlah khân păng hăn dăch lĕ ndơ dŭt kloh ueh: Y-Arôn jêh ri phung kon bu klâu păng mra lăp ntŭk kloh ueh, tâm pă nau kan ma ăp nơm jêh ri lĕ ndơ dŏng khân păng tung hom.

Nau Kơp Bunuyh 4:5

Tơlah rmlak tahan trơn ntŭk, Y-Arôn jêh ri phung kon bu klâu păng mra tât rơih lơi bok nching jêh ri nkŭm klơ Hip Nau Tâm Rnglăp,

Mathay 27:51

Jêh ri, ri bok nching tâm ngih brah nkhêk jêng bar ntơm bơh klơ jŭr tât tâm dâng, neh n'gơ n'găr, lŭ klêr đang;

ហេឞ្រើ 6:19

He djôt prăp nau kâp gân nây nâm bu glo loih nkân ma huêng, dơi nâp, nanê̆ ngăn jêh ri lăp tâm trôm bok nching,

ហេឞ្រើ 9:25

Păng mâu đŏng nhhơr Păng nơm âk tơ̆ nâm bu kôranh ƀư brah toyh lơn lăp ăp năm tâm Ntŭk Dŭt Kloh Ueh nhhơr mham mâu di mham păng nơm.

ហេឞ្រើ 9:3

Pakơi bok nching tal bar, geh ntŭk bu rnha Ntŭk Dŭt Kloh Ueh,

ហេឞ្រើ 9:5

Ta klơ Hip Nau Tâm Rnglăp geh phung chêrubim chrêk rmah nkŭm ma ndrŭp nau yô̆. Ƀiălah aƀaơ mâu hôm dơi nkoch bri ăp ntil lĕ ndơ nây.

Nau Tâm Mpơl 15:8

Ngih brah bêng ma nhhŭk ŭnh tă bơh nau chrêk rmah Brah Ndu jêh ri nau brah Păng; mâu geh ôh du huê klăp dơi lăp tâm ngih brah kŏ tât pơh ntil nau rêh ni tă bơh pơh nuyh tông mpăr lĕ lôch jêh.