Kan Lêvi 16:18 - Nau Brah Ndu Ngơi 2023

¹⁸ Jêh ri păng hăn luh tât ta ntŭk nơng ƀư brah tanăp Brah Yêhôva gay ƀư nau rƀŭn chuai nau tih ma nơng ƀư brah; păng mra sŏk djê̆ mham ndrôk nkuăng kon jêh ri mham be nkuăng mhĭng ta lĕ nke nơng ƀư brah,

Kan Lêvi 16:18 ပူးပေါင်းရင်းမြစ်များ

Nau Ngluh Êjipt 30:10

Ăp năm du tơ̆, Y-Arôn mra rƀŭn chuai nau tih ta klơ nke nơng ƀư brah. Tâm ăp rô̆, mham mpa ƀư brah chuai nau tih ăn dŏng tâm nau rƀŭn chuai nau tih ăp năm. Nây jêng du nau rƀŭn kloh ueh lơn ma Brah Yêhôva.”

Êsêkiêl 43:20

Ăn may sŏk mham păng mhĭng ta klơ puăn mlâm nke nơng ƀư brah, ta puăn njônh năp jêh ri ta ndor văr jŭm gay ƀư kloh nơng ƀư brah jêh ri ƀư brah chuai nau tih ma nơng ƀư brah.

Êsêkiêl 43:22

Ta nar năng bar, ăn may nhhơr du mlâm be nkuăng mâu geh sôt ƀư ndơ ƀư brah chuai nau tih, jêh ri nơng ƀư brah mra dơi geh nau kloh nâm bu ƀư kloh jêh ma ndrôk nkuăng.

Êsêkiêl 45:19

Kôranh ƀư brah mra sŏk mham mpa ƀư brah chuai nau tih mhĭng mham ta lĕ jrŏng mpông ngih brah, ta puăn njônh ndơ ndor năp nơng ƀư rah jêh ri ta lĕ jrŏng mpông pêr tâm ndring ta trôm.

Kan Lêvi 16:16

Pôri, Y-Arôn ƀư nau rƀŭn chuai nau tih ma Ntŭk Dŭt Kloh Ueh yorlah nau mâu kloh ueh bơh phung ƀon lan Israel, nau ƀư tih jêh ri nau tih khân păng. Păng ăt ƀư kơt nĕ ma kô̆ hôm e Ngih Bok Nau Tâm Rƀŭn dôl gŭ ndrel ma khân păng, tâm nklang nau mâu kloh ueh khân păng.

Kan Lêvi 16:17

Tâm nôk kôranh ƀư brah lăp tâm Ntŭk Dŭt Kloh Ueh gay ƀư nau rƀŭn chuai nau tih, lơi ăn geh du huê ôh gŭ tâm trôm Ngih Bok Nau Tâm Rƀŭn kŏ tât păng luh du. Tâm ban pônây, păng ƀư nau rƀŭn chuai nau tih ma păng nơm, ma ngih păng jêh ri ma lĕ rngôch phung Israel tâm rƀŭn.

Kan Lêvi 4:18

Kôranh ƀư brah toyh lơn mra mhĭng mham ta klơ lĕ nke nơng ƀư brah tâm Ngih Bok Nau Tâm Rƀŭn tanăp Brah Yêhôva, jêh ri nkhŭt mham hôm e tâm dâng jâng nơng ƀư brah nhhơr ndơ ƀư brah gŭch n'gân tanăp mpông Ngih Bok Nau Tâm Rƀŭn.

Kan Lêvi 4:25

Kôranh ƀư brah mra dŏng nglau ti păng sŏk djê̆ mham tă bơh mpa ƀư brah chuai nau tih jêh ri mhĭng ta lĕ nke nơng ƀư brah nhhơr ndơ ƀư brah gŭch, jêh nây nkhŭt mham hôm e tâm dâng jâng nơng ƀư brah.

Kan Lêvi 4:7

Kôranh ƀư brah mra mhĭng mham ndrôk ta lĕ nke Nơng ƀư brah gŭch ndơ ƀâu kah dơm tâm Ngih Bok Nau Tâm Rƀŭn, tanăp Brah Yêhôva, jêh nây nkhŭt lĕ rngôch mham hôm e tâm dâng jâng nơng ƀư brah nhhơr ndơ ƀư brah gŭch n'gân tanăp bôk mpông Ngih Bok Nau Tâm Rƀŭn.

Nau Kơp Bunuyh 28:22

Ndrel ma du mlâm be nkuăng jêng ndơ ƀư brah chuai nau tih gay ƀư nau rƀŭn chuai nau tih ma khân may.

Yôhan 17:19

Kon jao săk Kon ma khân păng, gay ma khân păng geh nau kloh ueh tâm nau ngăn.

ហេឞ្រើ 2:11

Yorlah Nơm ƀư kloh ueh jêh ri phung jêng kloh ueh jêh luh tă bơh du huê Mbơ̆. Yor nau nây, Brah Yêsu mâu bêk prêng ôh kuăl khân păng jêng phung oh nâu,