Kan Lêvi 16:15 - Nau Brah Ndu Ngơi 2023

¹⁵ Jêh nây, Y-Arôn nkhĭt be nkuăng dŏng ƀư ndơ ƀư brah chuai nau tih ma phung ƀon lan, jêh nây djôt mham lăp tâm trôm blah bok, jêh ri sŏk đŏng mham păng mbrih ta mpeh luh nar ta ndrŭp nau yô̆ an, ntĭt jêng panăp ndrŭp nau yô̆ an, nâm bu lĕ dŏng jêh mham ndrôk.

Kan Lêvi 16:15 ပူးပေါင်းရင်းမြစ်များ

Kan Lêvi 16:2

“Ăn may lah hom ma Y-Arôn, nâu may pô aơ, mâu geh lah dah ŭch lăp tâm Ntŭk Dŭt Kloh Ueh tâm trôm blah bok, tanăp ndrŭp nau yô̆ an ta klơ Hip Nau Tâm Rnglăp, tơlah mâu tông mra khĭt yơh, yorlah Gâp mra tâm mpơl tâm ndâr tŭk ta ndrŭp nau yô̆.

Kan Lêvi 4:21

Jêh nây, ăn păng njŭn ndrôk luh padih rmlak tahan jêh ri su păng tâm ban ma păng hŏ su jêh ndrôk tal lor. Nĕ jêng ndơ ƀư brah chuai nau tih ăn ma phung tâm rƀŭn.

Kan Lêvi 4:5

Kôranh ƀư brah toyh lơn bu hŏ tŏ jêh dak ngi mra sŏk du kô̆ mham ndrôk nây njŭn ta trôm Ngih Bok Nau Tâm Rƀŭn,

Nau Kơp Bunuyh 17:11

Y-Môis ƀư di tĭng nâm nau Brah Yêhôva hŏ ntĭnh jêh ma păng nơm.

Nau Kơp Bunuyh 28:15

Padih ma ndơ ƀư brah gŭch nhhơr mro mrăng jêh ri ma ndơ nhhơr nhêt, ăn may nhhơr đŏng ma Brah Yêhôva du mlâm be nkuăng jêng ndơ ƀư brah chuai nau tih.”

ហេឞ្រើ 2:17

Pôri, Păng jêng tâm ban ma phung oh nâu Păng tâm lĕ rngôch ndơ, gay ma jêng kôranh ƀư brah toyh nuih n'hâm bêng ma nau yô̆ nđach jêh ri răp jăp tâm nau pah kan ma Brah Ndu, gay tâm chuai nau tih ma lĕ rngôch bunuyh.

ហេឞ្រើ 5:3

Yor nau nây, ăn păng nhhơr mpa ƀư brah ma nau tih păng nơm, nâm bu yor nau tih phung ƀon lan lĕ.

ហេឞ្រើ 6:19

He djôt prăp nau kâp gân nây nâm bu glo loih nkân ma huêng, dơi nâp, nanê̆ ngăn jêh ri lăp tâm trôm bok nching,

ហេឞ្រើ 7:27

Păng mâu tâm ban ma phung kôranh ƀư brah toyh êng, Păng mâu hôm nhhơr mpa ƀư brah ăp nar, lor lơn ma nau tih khân păng nơm, jêh ri ma nau tih phung ƀon lan. Păng nhhơr Păng nơm jêng mpa ƀư brah knŏng du tơ̆ rĭng jêh.

ហេឞ្រើ 9:12

Păng lăp jêh tâm Ntŭk Dŭt Kloh Ueh du tơ̆ rĭng jêh, mâu dŏng ma mham be nkuăng jêh ri kon ndrôk ôh, ƀiălah dŏng ma mham Păng nơm gay djôt leo tât nau tâm chuai n'ho ro ma he.

ហេឞ្រើ 9:13

Yorlah tơlah mham be nkuăng jêh ri ndrôk nkuăng ndrel ma buh ndrôk me druh bu djrah ta klơ phung ƀơ̆, ƀư kloh ueh ma khân păng gay ma khân păng geh nau ƀư kloh ma nglay săk,

ហេឞ្រើ 9:3

Pakơi bok nching tal bar, geh ntŭk bu rnha Ntŭk Dŭt Kloh Ueh,

ហេឞ្រើ 9:7

Ƀiălah tâm jrô tal bar, knŏng kôranh ƀư brah toyh lơn lăp ta nây du tơ̆ du năm, jêh ri djôt leo mham gay nhhơr ndơ ƀư brah chuai nau tih ma păng nơm jêh ri ma phung ƀon lan.