Kan Lêvi 15:31 - Nau Brah Ndu Ngơi 2023

³¹ Khân may mât phung ƀon lan Israel tâm nkhah khân păng nôk geh nau ƀơ̆ ƀơch; lah mâu, khân păng mra khĭt tâm nau ƀơ̆ ƀơch khân păng nơm, yorlah hŏ ƀư ƀơ̆ ƀơch jêh Ngih Bok Gâp hôm gŭ ta nklang khân păng.”

Kan Lêvi 15:31 ပူးပေါင်းရင်းမြစ်များ

Nau Mprơ Ơm 66:18

Tơlah nuih n'hâm gâp n'gĭl uănh nau mĭn mhĭk Kôranh Brah mâu mra iăt nau gâp ôh.

Êsêkiêl 23:38

Khân păng ăt hôm ƀư nau aơ đŏng: Ndrel tâm du nar khân păng hŏ ƀư ƀơ̆ jêh ntŭk kloh ueh Gâp jêh ri ƀư tih lĕ rngôch nar saƀat Gâp!

Êsêkiêl 36:17

“Hơi kon bunuyh, tơlah ngih Israel gŭ jêh tâm bri khân păng nơm, khân păng hŏ ƀư ƀơ̆ ƀơch bri nây yor tă trong hăn jêh ri kan khân păng nơm ƀư. Trong khân păng gŭ ngao panăp măt Gâp jêng nâm bu nau ƀơ̆ ƀơch bơh du huê bu ur rnôk păng geh săk bu ur.

Êsêkiêl 44:23

Khân păng mra nti ma phung ƀon lan Gâp gĭt rnglah moh ntil ndơ jêng kloh ueh đah moh ntil ndơ neh ntu, ntĭm ăn ma phung ƀon lan Gâp gĭt rnglah ntil nau kloh đah nau ƀơ̆ ƀơch.

Êsêkiêl 5:11

Yêhôva Brah Ndu lah: “N'hêl nê̆ tĭng nâm Gâp gŭ rêh mro mrăng, yor may hŏ ƀư ƀơ̆ ƀơch jêh ntŭk kloh ueh Gâp tă bơh lĕ nau mhĭk Gâp tâm rmot yor ri Gâp mra ƀư rai may mâu mra nhhuach. Măt Gâp mâu mra yô̆ may đŏng ôh.

Daniel 9:27

Kôranh nây mra ƀư nau tâm rnglăp nâp đah âk bunuyh tâm du pơh. Ƀiălah tât ta n'gul pơh nây, păng mra rlu lơi nau nhhơr mpa ƀư brah jêh ri nau nhhơr ndơ ƀư brah rnih môi. Nơm ƀư rai mra tât klơ năr lĕ nau ƀơ̆ ƀơch kŏ tât nau gưl ƀư rai nglĕ dŭt hŏ nal jêh klơ phung ƀư rai.”

Kan Lêvi 11:47

gay tâm nkhah mpa mâu kloh đah mpa geh nau kloh, lĕ rngôch mpa bu dơi sa đah lĕ rngôch mpa bu mâu dơi sa ôh.’”

Kan Lêvi 13:59

Nây jêng nau vay ma têl mbrĭng ta kho ao ƀư ma brai răm mâu lah ma bok mhay, ta brai mhay, brai ek ndrŭng, mâu lah ta moh ndơ ƀư ma ntâu, tă bơh nĕ gay bu mbơh ndơ nây jêng kloh mâu lah ƀơ̆.

Kan Lêvi 15:32

Nây jêng nau vay ma nau ƀơ̆ ƀơch nơm geh nau ji kren mâu lah ma nơm luh dak ntăk,

Kan Lêvi 19:30

Ăn khân may djôt prăp lĕ nar saƀat Gâp jêh ri yơk mbah ma ngih brah kloh ueh Gâp. Gâp jêng Brah Yêhôva.

Kan Lêvi 20:3

Bi Gâp, Gâp mâu mra uănh măt nơm nây đŏng ôh jêh ri nsot lơi păng tă bơh phung ƀon lan păng, yorlah păng hŏ nhhơr jêh du huê tâm phung kon sau păng ma Môlek, ƀư ƀơ̆ jêh ngih brah kloh ueh jêh ri ngơi sưr amoh kloh ueh Gâp.

Kan Lêvi 21:23

ƀiălah păng mâu dơi hăn dăch bok nching mâu lah hăn dăch nơng ƀư brah ôh, yorlah păng geh ntŭk kuet ji. Kơt nây păng mâu ngơi sưr ôh ta lĕ ntŭk kloh ueh Gâp, yorlah Gâp jêng Brah Yêhôva, Nơm ƀư kloh ueh lĕ ntŭk nây.’”

Nau Kơp Bunuyh 19:13

Mbu nơm pah bi săk jăn du huê bunuyh lĕ khĭt jêh, jêh ri mâu ƀư kloh ôh păng nơm, mra ƀư ƀơ̆ Ngih Bok Brah Yêhôva jêh ri nơm nây ăn bu mra nsot lơi bơh phung Israel. Yorlah dak jut tho nau ƀơ̆ mâu mâp nsrih ôh ta klơ păng, păng mra jêng ƀơ̆; nau ƀơ̆ păng ăt hôm e gŭ ta păng.’”

Nau Kơp Bunuyh 19:20

Bi bunuyh jêng ƀơ̆ jêh, mâu dơi ƀư kloh, nơm nây ăn bu nsot lơi păng bơh nklang phung tâm rƀŭn, yorlah păng lĕ ƀư ƀơ̆ Ntŭk Kloh Ueh Brah Yêhôva. Yorlah bu mâu mâp nsrih ôh ta klơ păng ma dak jut tho nau ƀơ̆, pôri păng ăt hôm jêng ƀơ̆.

Nau Kơp Bunuyh 5:3

Mprơh lơi hom khân păng luh bơh rmlak tahan nđâp lah bu klâu mâu lah bu ur, gay khân păng mâu mra ƀư ƀơ̆ ôh rmlak tahan jêng ntŭk Gâp gŭ ta nây.”

I Kôrintô 3:17

Tơlah du huê ƀư rai ngih brah Brah Ndu, Brah Ndu mra ƀư rai păng; yorlah ngih brah ma Brah Ndu jêng kloh ueh, jêh ri ngih brah nây jêng khân may nơm.

Nau Vay Nkah Tay 24:8

Njrăng hom nau tâm tưp ji phŭng sa. Ăn khân may blau njrăng ngăn jêh ri djôt prăp lĕ ntil nau bơh phung kôranh ƀư brah noi deh Lêvi mra ntĭm nti khân may; ƀư moh nau gâp hŏ ntĭm jêh ma khân păng.

ហេឞ្រើ 10:29

Rlau lơn ma phung jot plên Kon Brah Ndu, mưch rmot mham nau tâm rnglăp, nâm bu ntĭt mham ƀư kloh ueh jêh khân păng nơm, jêh ri hôm ngơi djơh ma Brah Huêng Ueh nau yô̆, pôri khân may mĭn bunuyh nây mâu khư geh nau rmal jâk jêr rlau lơn lĕ ƀơh?

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.

I Samuel 3:14

Yor ri, Gâp sơm ton ma ngih Y-Êli pô aơ nau tih ngih nây mâu mra dơi chuai ma mpa ƀư brah mâu lah ma ndơ nhhơr ôh.”