Kan Lêvi 15:13 - Nau Brah Ndu Ngơi 2023

¹³ Dôl du huê bunuyh geh nau ji kren dơi bah, ăn kơp ntop tay pơh nar đŏng, rĭ mơ dơi ƀư kloh. Ăn bunuyh nĕ pih lơi kho ao, ŭm tâm tu dak, jêh ri mra dơi kloh.

Kan Lêvi 15:13 ပူးပေါင်းရင်းမြစ်များ

Nau Ngluh Êjipt 29:35

Pônây may ƀư hom ma Y-Arôn jêh ri ma phung kon bu klâu păng di nâm nau Gâp hŏ ntĭnh jêh ăn ma may, jêh ri may mra n'hao kan ma khân păng tâm pơh nar.

Nau Ngluh Êjipt 29:37

Tâm pơh nar, may ƀư hom rƀŭn chuai nau tih jêh ri ƀư kloh nơng ƀư brah. Pônây nơng ƀư brah mra jêng kloh ueh ngăn, lĕ ndơ nđĭl ta nơng ƀư brah mra jêng kloh ueh.”

Yêrêmi 33:8

Gâp mra ƀư kloh lĕ rngôch nau mhĭk khân păng hŏ ƀư tih jêh ma Gâp, yô̆ an lĕ rngôch nau tih khân păng hŏ ƀư tâm ban ma nau tih uh ah tâm rdâng đah Gâp.

Kan Lêvi 14:10

Ta nar tal pham, păng mra nhŭp bar mlâm biăp nkuăng mâu têl khap ôh, du mlâm biăp me du năm mâu têl khap, pe kilô rnih môi tâm pot dak ngi ƀư ndơ ƀư brah rnih môi jêh ri du kô̆ tâm pe lit dak ngi.

Kan Lêvi 14:8

Nơm ŭch geh nau kloh mra pih kho ao, poih ăn kloh lĕ sŏk, soar păng, ŭm tâm dak jêh ri păng mra jêng kloh. Jêh nây, ăn nơm nĕ gŭ padih ngih bok tâm pơh nar, jêh nây păng dơi lăp ta ngih bok.

Kan Lêvi 15:28

Lah mham rhân nau luh, ăn păng kâp ntop tâm pơh nar đŏng, rĭ mơ dơi uănh păng jêng kloh.

Kan Lêvi 15:5

Mbu nơm geh pah ta sưng nơm nĕ bê̆ch, ăn păng pih kho ao, ŭm tâm dak, jêh ri jêng ƀơ̆ ƀơch tât kêng măng.

Kan Lêvi 8:33

Tâm pơh nar, nâu jêh ri phung kon bu klâu nâu mâu dơi du luh ôh bơh mpông Ngih Bok Nau Tâm Rƀŭn, kŏ tât nar n'hao kan khân may lôch jêh, yorlah rƀŭn n'hao kan nâu jêh ri phung oh mon mra thoi jong tâm pơh nar.

Kan Lêvi 9:1

Tât ta nar tal pham, Y-Môis jă Y-Arôn jêh ri phung kon bu klâu păng n'hanh phung bu ranh Israel văch tât

Nau Kơp Bunuyh 12:14

Brah Yêhôva lah ma Y-Môis: “Tơlah mbơ̆ păng soh jêh dak diu tra muh măt păng, mâu hĕ păng mra prêng dôl tâm pơh nar? Ăn bu krŭng păng padih rmlak tahan dôl pơh nar, jêh nây păng mra dơi bu njŭn tay tâm rmlak tahan.”

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Yakơ 4:8

Văch dăch hom ma Brah Ndu ri mơ Păng mra văch dăch ma khân may. Hơi phung tih, rao kloh hom ti khân may; hơi phung geh bar nuih n'hâm, ƀư kloh hom nuih n'hâm khân may;

Nau Tâm Mpơl 1:5

jêh ri bơh Brah Yêsu Krist jêng Nơm mbơh nkoch ma nau răp jăp, Nơm deh lor lơn tă bơh nau khĭt jêh ri Kôranh Brah ma phung hađăch ta klơ neh ntu! Nơm rŏng ma he sŏk jêh mham Păng nơm tâm rklaih jêh he bơh nau tih,