Kan Lêvi 14:45 - Nau Brah Ndu Ngơi 2023

⁴⁵ Ăn bu rơih lơi ngih nây; lĕ rngôch lŭ, tơm si jêh ri lĕ klo ngih nây, nkhŭt tâm du ntŭk ƀơ̆ ƀơch ta padih ƀon toyh.

Kan Lêvi 14:45 ပူးပေါင်းရင်းမြစ်များ

II Phung Hađăch 10:27

Khân păng ƀư rlâm lơi n'gâng mbah brah Baal jêh ri ƀư rai ngih brah Baal, plăch jêng du ntŭk ek chrach tât ma nar aơ.

II Phung Hađăch 18:4

Păng ƀư rai lĕ ntŭk prêh klơ, mbang nchah lơi lĕ n'gâng mbah, kăl lơi lĕ rup brah Asêra, jêh ri nchah hăch rhên bêh ma kông Y-Môis ƀư jêh. Yorlah ma tât nôk nây, phung ƀon lan Israel ăt gŭch ndơ ƀâu kah ma ndơ nây; bu ntơ păng jêng Nêhustan.

Yêrêmi 52:13

Păng ntrŭnh su rai ngih brah Brah Yêhôva, ngih hađăch jêh ri lĕ rngôch ngih tâm ƀon Yêrusalem, jêh ri su lĕ rngôch ngih toyh phung ndrŏng.

Êsêkiêl 5:4

May sŏk đŏng bar pe brai sŏk nây mƀăr lơi tâm ŭnh jêh ri ăn ŭnh sa. Tă bơh nây, ŭnh mra trêng tât ma lĕ rngôch ngih Israel.”

Kan Lêvi 14:41

jêh nây đă bu poih kloh tâm trôm ngih, nkhŭt lơi klo bu mhe poih nây tâm du ntŭk ƀơ̆ ƀơch ta padih ƀon toyh,

Kan Lêvi 14:46

Dôl ngih nây hôm nchăng, mbu nơm lăp ngih ta nây mra jêng ƀơ̆ ƀơch kŏ tât kêng măng.

Mathay 22:7

Hađăch hao ji nuih, đă phung tahan ƀư rai phung nkhĭt bunuyh nây jêh ri su ƀon khân păng.

Mathay 24:2

Păng lah: “Khân may saơ lĕ rngôch ndơ nây di ƀơh? Nanê̆, Gâp lah ma khân may, ntŭk aơ mâu mra hôm geh du mâm lŭ tâm dăp gŭ ta klơ mlâm lŭ êng mâu mra tŭp.”

Nau Tâm Mpơl 11:2

Ƀiălah ndring padih nây om, lơi veh; yorlah bu jao jêh păng ma phung bu năch, jêh ri khân păng mra jot plên ƀon kloh ueh tâm puăn jât ma bar khay.