Kan Lêvi 14:3 - Nau Brah Ndu Ngơi 2023

³ kôranh ƀư brah mra luh padih ngih bok gay sek uănh. Tơlah bunuyh khan ji phŭng hŏ bah jêh

Kan Lêvi 14:3 ပူးပေါင်းရင်းမြစ်များ

II Phung Hađăch 5:14

Pônây, păng ntrŭnh tâm dak krong Yurdan, ŭm pơh tơ̆, tĭng nâm nau bunuyh Brah Ndu ngơi jêh. Păng jêng kloh ro jêh ri nglay săk păng plơ̆ tay nâm bu saơm, nâm bu nglay săk du huê kon se jê̆.

II Phung Hađăch 5:3

Geh du nar, păng lah ma kôranh bu ur păng: “Ơ! Ueh lơn kôranh gâp hăn tât ma nơm mbơh lor gŭ ta ƀon Samari! Nơm nây mra sâm ƀư bah nau ji phŭng ma kôranh gâp.”

Ndrom Samƀŭt bơh Yôp 5:18

Yorlah păng ƀư ăn sôt, ƀiălah Păng put tay; Păng lơh ji, ƀiălah ti Păng ƀư bah tay.

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Kan Lêvi 13:2

“Tơlah du huê bunuyh saơ ta ntâu păng môr, mâu lah geh nau ok eh mâu lah geh ƀlak nglang mra jêng ji phŭng, ăn bu njŭn nơm nây tâm mâp kôranh ƀư brah Y-Arôn mâu lah du huê tâm phung kôranh ƀư brah jêng phung kon sau Y-Arôn.

Kan Lêvi 13:46

Moh nar păng hôm khan nau ji păng ăt hôm jêng ƀơ̆ jêh ri ăn păng gŭ êng tâm du ntŭk padih rmlak.

Kan Lêvi 14:48

Tơlah lôch jêh nau lĭr tay ngih nây, kôranh ƀư brah hăn sek uănh jêh ri saơ lĕ têl nây mâu jêng bĭk ôh tâm ngih, kôranh ƀư brah mra mbơh ngih nây jêng kloh, yorlah lĕ têl mbrĭng nây hŏ bah jêh.

Mathay 10:8

Ăn khân may ƀư bah bunuyh ji kuet, ƀư ăn ma bunuyh khĭt dâk rêh tay, ƀư kloh bah ma phung bunuyh geh phŭng sa, jêh ri mprơh brah mhĭk. Khân may hŏ dơn jêh dơm dam, ăn hom ma bu dơm dam đŏng.

Mathay 11:5

Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, jêh ri bunuyh o ach dơi tăng Nau Mhe Mhan Ueh.

Luka 4:27

Tâm nôk nơm mbơh lor Y-Êlisê, ta n'gor Israel geh đŏng âk bunuyh phŭng sa; ƀiălah mâu du huê tâm phung khân păng dơi ƀư kloh, knŏng Y-Naaman, bunuyh Siri.”

Luka 7:22

Păng plơ̆ lah ma phung nây: “Plơ̆ sĭt nkoch tay hom ma Y-Yôhan lĕ nau khân may hŏ saơ jêh ri hŏ tăng jêh: Bunuyh chieh măt dơi saơ ang, bunuyh rvĕn dơi hăn, bunuyh phŭng sa dơi kloh, bunuyh tê̆k dơi tăng, bunuyh khĭt dơi dâk rêh tay, bunuyh o ach dơi tăng Nau Mhe Mhan Ueh.