Kan Lêvi 14:17 - Nau Brah Ndu Ngơi 2023

¹⁷ Kôranh ƀư brah mra sŏk dak ngi hôm e tâm mpang ti păng mhĭng ta chiau tôr ma nơm dơi ƀư kloh, ta nglau me ti ma jêh ri nglau me jâng ma, jêng ta klơ mham ndơ ƀư brah chuai nau ƀư tih.

Kan Lêvi 14:17 ပူးပေါင်းရင်းမြစ်များ

Êsêkiêl 36:27

Gâp mra dơm Huêng Brah Gâp tâm khân may jêh ri ăn khân may chuat tĭng nau vay ntăm bơh Gâp, pôri khân may mra djôt prăp nau vay ƀư bơh Gâp jêh ri tĭng ƀư.

Kan Lêvi 14:14

Kôranh ƀư brah mra sŏk mham mpa nhhơr chuai nau ƀư tih mhĭng ta chiau tôr ma, nơm dơi ƀư kloh, ta nglau me ti ma jêh ri ta nglau me jâng ma păng;

Kan Lêvi 14:16

mbŭk nglau ti ma păng tâm dak ngi ăn tâm ti chiau păng jêh ri nsrih pơh tơ̆ tanăp Brah Yêhôva.

Kan Lêvi 14:18

Bi dak ngi hôm e tâm mpang ti, kôranh ƀư brah mra mhĭng ta bôk nơm dơi ƀư kloh. Kôranh ƀư brah mra ƀư nau rƀŭn chuai nau tih ăn ma nơm nĕ tanăp Brah Yêhôva.

Kan Lêvi 8:23

Y-Môis nkhĭt păng, sŏk mham mhĭng ta chiau êp tôr pa ma Y-Arôn, ta nglau me ti pa ma păng jêh ri ta nglau me jâng ma păng.

Kan Lêvi 8:30

Jêh nĕ tât, Y-Môis sŏk dak ngi mhĭng jêh ri mham ta klơ nơng ƀư brah nsrih ta klơ Y-Arôn jêh ri ta klơ bok ao păng, ta klơ phung kon bu klâu jêh ri ta klơ bok ao khân păng. Kơt nĕ, Y-Môis hŏ prăp êng Y-Arôn jêh ri bok ao păng ăn kloh tâm ban phung kon bu klâu păng jêh ri ta bok ao khân păng.

Yôhan 1:16

Jêh ri tâm Păng jêng tu nau rmeh ler, lĕ rngôch phung he sŏk dơn nau yô̆ da dê, lơ hâu ntop nau yô̆.

I Pêtrôs 1:2

tĭng nau gĭt lor tă bơh Brah Ndu jêng Mbơ̆, jêh ri geh nau ƀư kloh ueh tă bơh Brah Huêng Ueh, gay tông bâr Brah Yêsu Krist jêh ri geh kô̆ tâm nau mbrih mham Păng. Mbơh sơm dăn nau yô̆ jêh ri nau đăp mpăn lơ hô n'hao ma khân may!