Kan Lêvi 14:12 - Nau Brah Ndu Ngơi 2023

¹² Kôranh ƀư brah mra nhŭp nguay tâm bar biăp nkuăng nhhơr jêng ndơ ƀư brah chuai nau ƀư tih ndrel ma du kô̆ tâm pe lit dak ngi jêh ri ƀư nau vay ƀư ndơ̆ đah aơ ndơ̆ đah ri tanăp Brah Yêhôva.

Kan Lêvi 14:12 ပူးပေါင်းရင်းမြစ်များ

Nau Ngluh Êjipt 29:22

Yor nây jêng du mlâm biăp nkuăng dŏng ăn nau rƀŭn n'hao kan yor ri ăn may sŏk hom ngi, chiăng, ndâr ngi nkŭm tâm trôm ndŭl, ndâr ngi klơm, bar ơ̆ leh nđâp ndâr ngi klơ nây, jêh ri nglik pa ma;

Nau Ngluh Êjipt 29:24

jêh nây may dơm lĕ ndơ nây tâm mpang ti Y-Arôn jêh ri tâm mpang ti phung kon bu klâu păng jêh ri ăn may ƀư nau kan nhhơr ndơ ƀư brah ndơ̆ đah aơ ndơ̆ đah ri tanăp măt Brah Yêhôva.

Nau Ngluh Êjipt 29:26

May sŏk đŏng ntang ntơh biăp nkuăng dŏng tâm nau rƀŭn n'hao kan Y-Arôn jêh ri nhhơr nâm bu du nau ƀư brah ndơ̆ đah aơ ndơ̆ đah ri tanăp măt Brah Yêhôva; nây mra jêng kô̆ prăp ma may.

Êsai 53:10

Brah Yêhôva maak nuih n'hâm ăn Păng ji, Jêh ri dơn nau rêh ni. Tơlah jêh nhhơr nau rêh Păng jêng ndơ ƀư brah chuai nau tih, Păng mra saơ phung kon sau Păng; Lĕ nar Păng gŭ rêh mra ntop jong, Jêh ri nau Brah Yêhôva ŭch dơi jêng ngăn tâm ti Păng.

Kan Lêvi 14:10

Ta nar tal pham, păng mra nhŭp bar mlâm biăp nkuăng mâu têl khap ôh, du mlâm biăp me du năm mâu têl khap, pe kilô rnih môi tâm pot dak ngi ƀư ndơ ƀư brah rnih môi jêh ri du kô̆ tâm pe lit dak ngi.

Kan Lêvi 14:11

Kôranh ƀư brah nơm ƀư nau rƀŭn ƀư kloh mra djôt bunuyh dơi geh nau ƀư kloh jêh ri lĕ ndơ nhhơr aơ tanăp Brah Yêhôva ta mpông Ngih Bok Nau Tâm Rƀŭn.

Kan Lêvi 14:19

Kôranh ƀư brah mra nhhơr ndơ ƀư brah chuai nau tih gay chuai nau tih ma nơm nây dơi ƀư kloh bơh lĕ rngôch ƀơ̆ ƀơch. Jêh nây, kôranh ƀư brah mra nkhĭt mpa ƀư ndơ ƀư brah gŭch.

Kan Lêvi 5:15

“Tơlah geh du huê mâu răp jăp ôh, lăn ƀư tih yorlah mâu nhhơr drăp ndơ prăp ma Brah Yêhôva, yorlah nau tih păng ƀư tih jêh, ăn păng nhhơr ma Brah Yêhôva du mlâm biăp nkuăng mâu têl khap ôh nhŭp tă bơh mpô mpa rong, kơp rnoh ma sêkel prăk tĭng nâm sêkel di ngăn ta Ntŭk Kloh Ueh. Nĕ jêng ndơ ƀư brah chuai nau ƀư tih.