Kan Lêvi 13:6 - Nau Brah Ndu Ngơi 2023

⁶ Tât nar tal pơh, kôranh ƀư brah mra sek uănh tay păng. Tơlah ntŭk sôt nây jĭr đê̆, mâu bĭk ôh tâm ntâu, kôranh ƀư brah mra nter mbơh păng jêng kloh; nĕ knŏng jêng du ok eh nau vay. Ăn păng pih bok ao păng jêh ri dơi kloh.

Kan Lêvi 13:6 ပူးပေါင်းရင်းမြစ်များ

I Phung Hađăch 8:38

tơlah geh du huê bunuyh mâu lah lĕ rngôch phung ƀon lan Israel Kôranh Brah lĕ nuih n'hâm gĭt năl ma nau rêh ni khân păng nơm, jêh ri yơr ti rle mpeh ma ngih brah aơ gay mbơh sơm, vơh vơl ma lĕ rngôch nau,

I Phung Hađăch 8:45

pôri dăn Kôranh Brah klơ trôk rkêng tôr iăt lĕ nau khân păng mbơh sơm jêh ri nau vơl dăn gay ƀư nau di ma khân păng.

Nau Mprơ Ơm 19:12

Mbu nơm dơi gĭt rbăng lĕ nau tih păng? Dăn Kôranh Brah yô̆ an lĕ nau tih gâp mâu gĭt.

Nau Hôr 20:9

Mbu dơi lah: “Gâp hŏ ƀư kloh jêh nuih n'hâm gâp nơm; Gâp hŏ kloh jêh nau tih”?

Nơm Nti 7:20

N'hêl nanê̆, mâu geh du huê bunuyh sŏng srăng ta klơ neh Ƀư nau ueh ƀaƀơ mâu mâp tih ôh.

Êsai 42:3

Păng mâu mra nkê̆ch lơi ôh tơm rpho hŏ nchah jêh, Jêh ri mâu khôm ôh brai ŭnh kađen dăch nhhât jêh. Păng mra sŏk nau răp jăp mpơl nau di.

Kan Lêvi 11:25

Mbu nơm djôt săk jăn khĭt khân păng mra pih kho ao păng jêh ri jêng ƀơ̆ ƀơch tât kêng măng.

Kan Lêvi 11:28

jêh ri mbu nơm djôt săk jăn khĭt khân păng mra pih kho ao păng jêh ri mra jêng ƀơ̆ ƀơch tât kêng măng; lĕ rngôch mpa nây jêng mpa mâu kloh ma khân may.

Kan Lêvi 11:40

Mbu nơm mra sa puăch săk jăn khĭt nây, ăn păng pih kho ao păng nơm jêh ri jêng ƀơ̆ ƀơch tât kêng măng; mbu nơm hôm tung săk khĭt nây ăt păng pih đŏng kho ao păng jêh ri jêng ƀơ̆ ƀơch tât kêng măng.

Kan Lêvi 13:2

“Tơlah du huê bunuyh saơ ta ntâu păng môr, mâu lah geh nau ok eh mâu lah geh ƀlak nglang mra jêng ji phŭng, ăn bu njŭn nơm nây tâm mâp kôranh ƀư brah Y-Arôn mâu lah du huê tâm phung kôranh ƀư brah jêng phung kon sau Y-Arôn.

Kan Lêvi 13:5

Tât ta nar tal pơh kôranh ƀư brah mra sek uănh tay păng. Tơlah saơ ntŭk sôt nây mâu bĭk ôh tâm ntâu, kôranh ƀư brah mra krŭng păng ntop tâm pơh nar đŏng.

Kan Lêvi 13:7

Ƀiălah tơlah hŏ tâm mpơl măt tanăp kôranh ƀư brah gay ma mbơh păng jêng nơm kloh ƀiălah nau ok eh jêng bĭk tâm ntâu păng, ăn păng mâp tay kôranh ƀư brah du tơ̆ đŏng.

Kan Lêvi 14:8

Nơm ŭch geh nau kloh mra pih kho ao, poih ăn kloh lĕ sŏk, soar păng, ŭm tâm dak jêh ri păng mra jêng kloh. Jêh nây, ăn nơm nĕ gŭ padih ngih bok tâm pơh nar, jêh nây păng dơi lăp ta ngih bok.

Samƀŭt Pôl Njuăl Ăn Ma Phung Nsing Ta Ƀon Rôm 14:1

Rom hom nơm rdja tâm nau chroh, lơi tâm rlăch đah khân păng ma nau mĭn êng êng.

II Kôrintô 7:1

Hơi phung oh nâu gâp rŏng, yorlah geh lĕ nau ton aơ, he ƀư kloh hom he nơm bơh lĕ rngôch nau ƀơ̆ ƀơch tâm nglay săk jêh ri huêng, ƀư rah vah hom nau kloh ueh he tâm nau klach yơk ma Brah Ndu.

Nau Vay Nkah Tay 32:5

Khân păng hŏ ƀư nau mƀruh nklă đah Păng Du noi deh nau ƀơ̆ ƀơch, rôih ko jêh ri nau tih mhĭk, Mâu hôm dơi di ƀư kon Păng.

ហេឞ្រើ 10:22

pôri ăn he sŏk hom nuih n'hâm nanê̆ ngăn ndrel ma nau chroh nâp, nuih n'hâm ăn dơi kloh jêh tă bơh nuih n'hâm djơh mhĭk, săk jăn rao kloh ma dak rsang văch dăch Brah Ndu.

ហេឞ្រើ 9:10

ƀiălah jêng knŏng tât ma ndơ sông sa, ndơ nhêt jêh ri lĕ nau rƀŭn ƀư kloh êng, jêng lĕ nau vay nchâp nglay săk djôt prăp kŏ tât rnôk nau tâm rgâl.

Yakơ 3:2

Lĕ rngôch he tih da dê tâm âk ntil nau. Mbu nơm mâu tih ôh tâm nau ngơi, păng jêng bunuyh rĭng jêh, mra dơi chiă uănh lĕ săk jăn păng nơm.