Kan Lêvi 13:57 - Nau Brah Ndu Ngơi 2023

⁵⁷ Tơlah têl mbrĭng nây luh geh ta kho ao, ta brai mhay, brai ek ndrŭng, mâu lah ndô ndơ ƀư ma ntâu, nây jêng du têl mbrĭng bĭk rơ̆, ăn khân may su ndơ nây.

Kan Lêvi 13:57 ပူးပေါင်းရင်းမြစ်များ

Êsai 33:14

Tâm ƀon Siôn, Phung ƀư tih klach krit, Phung mâu chroh ôh ma Brah Ndu râm sâr; khân păng lah: “Mbu tâm phung he dơi gŭ tâm ŭnh hit? Mbu tâm phung he dơi gŭ tâm mpiăt ŭnh hit n'ho ro?”

Kan Lêvi 13:48

ta klơ brai mhay, ndơ tanh ma bok mhay mâu lah ma brai răm, ta klơ ntâu mâu lah moh ndơ ƀư ma ntâu,

Kan Lêvi 13:56

Ƀiălah tơlah lôch pih jêh, ntŭk têl mbrĭng nây roh đê̆, ăn kôranh ƀư brah plôk lơi ntŭk têl o nây luh bơh kho ao, ta ntâu mâu lah brai mhay, mâu lah brai tanh.

Kan Lêvi 13:58

Ƀiălah kho ao, brai mhay, brai ek ndrŭng mâu lah moh ndơ ƀư ma ntâu, jêng ndơ khân may hŏ pih jêh ri têl mbrĭng roh jêh ăn bu djôt plơ̆ pih tal bar jêh ri ndơ nây mra jêng kloh.”

Mathay 22:7

Hađăch hao ji nuih, đă phung tahan ƀư rai phung nkhĭt bunuyh nây jêh ri su ƀon khân păng.

Mathay 25:41

Jêh nĕ, Păng lah ma phung bunuyh mpeh pa chiau pô aơ: ‘Hơi phung bu rak rtăp jêh, du hom tă bơh Gâp, hăn tâm ŭnh n'ho ro hŏ ndrăp nkra jêh ma kôranh brah mhĭk jêh ri ma phung brah mhĭk oh mon păng.

Mathay 3:12

Păng djôt dông nsiăng kloh plên ba Păng nơm, jêh nây rgum ba tâm jay; bi njŏk rhe su lơi tâm ŭnh mâu blau nhhât.”

Nau Vay Nkah Tay 24:8

Njrăng hom nau tâm tưp ji phŭng sa. Ăn khân may blau njrăng ngăn jêh ri djôt prăp lĕ ntil nau bơh phung kôranh ƀư brah noi deh Lêvi mra ntĭm nti khân may; ƀư moh nau gâp hŏ ntĭm jêh ma khân păng.

Nau Tâm Mpơl 21:27

Lĕ rngôch phung ƀơ̆ ƀơch, nơm ƀư nau mưch rmot, nơm ngơi mƀruh mâu dơi lăp ƀon ôh, knŏng phung geh amoh nchih jêh tâm ndrom samƀŭt nau rêh Kon Biăp.

Nau Tâm Mpơl 21:8

Bi ma phung ƀlao, phung mâu chroh, phung ƀơ̆, phung nkhĭt bunuyh, phung văng tĭr, phung ƀư nau blau rƀên, phung mbah rup brah, jêh ri lĕ rngôch phung ngơi mƀruh, nau nkhôm khân păng jêng nglao ŭnh mô ŭnh dôl hit. Nau nây jêng nau khĭt rơh bar.”