Kan Lêvi 12:8 - Nau Brah Ndu Ngơi 2023

⁸ Tơlah bu ur mâu tŏng nau dơi nhhơr du mlâm biăp kon, ăn păng nhhơr du kôp sĭm ntơp mâu lah du kôp plŭk kon, du mlâm prăp ma ndơ ƀư brah gŭch, du mlâm êng prăp ma ndơ ƀư brah chuai nau tih. Kôranh ƀư brah mra ƀư nau rƀŭn ƀư kloh ma păng jêh ri păng mra dơi kloh.’”

Kan Lêvi 12:8 ပူးပေါင်းရင်းမြစ်များ

Kan Lêvi 1:14

Tơlah ndơ nơm nây nhhơr ma Brah Yêhôva jêng du ndơ ƀư brah gŭch ma sĭm, ăn păng nhhơr sĭm ntơp mâu lah sĭm plŭk kon.

Kan Lêvi 12:7

Kôranh ƀư brah mra nhhơr mpa ƀư brah nây tanăp Brah Yêhôva gay ƀư nau rƀŭn ƀư kloh ma păng, jêh ri păng mra dơi geh kloh lôch ma nau suăt mham. Nây jêng nau vay ma bu ur deh kon bu klâu mâu lah kon bu ur,

Kan Lêvi 13:1

Brah Yêhôva lah tay ma Y-Môis jêh ri Y-Arôn:

Kan Lêvi 14:21

Ƀiălah tơlah păng o ach, mâu tŏng nau dơi nhhơr lĕ ndơ nhhơr nây ôh, ăn păng nhŭp du mlâm biăp nkuăng dŏng ƀư ndơ ƀư brah chuai nau ƀư tih tĭng nau vay ƀư ndơ̆ đah aơ ndơ̆ đah ri gay chuai nau tih ma păng nơm ndrel ma du kilô rnih môi pot dak ngi jêng ndơ ƀư brah rnih môi jêh ri du kô̆ tâm pe lit dak ngi,

Kan Lêvi 14:22

bar mlâm sĭm ntơp mâu lah du kôp sĭm plŭk, tĭng nâm nau dơi, du mlâm dŏng ƀư ndơ ƀư brah chuai nau tih, du mlâm êng dŏng ƀư ndơ ƀư brah gŭch.

Kan Lêvi 15:14

Tât ta nar tal pham, nơm nây mra nhŭp bar mlâm sĭm ntơp mâu lah bar mlâm plŭk, hăn tanăp Brah Yêhôva ta mpông Ngih Bok Nau Tâm Rƀŭn jêh ri ăn ma kôranh ƀư brah.

Kan Lêvi 15:15

Kôranh ƀư brah mra nhhơr du mlâm jêng ndơ ƀư brah chuai nau tih, du mlâm êng jêng ndơ ƀư brah gŭch. Pônây, kôranh ƀư brah mra ƀư nau rƀŭn chuai nau tih tanăp Brah Yêhôva ma nơm geh nau ji kren.

Kan Lêvi 15:29

Tât ta nar tal pham păng mra sŏk bar sĭm ntơp mâu lah bar mlâm plŭk jêh ri djôt leo khân păng ma kôranh ƀư brah ta mpông Ngih Bok Nau Tâm Rƀŭn.

Kan Lêvi 4:26

Păng ăt su lĕ rngôch ngi ta klơ nơng ƀư brah tâm ban ma nau gŭch ngi mpa ƀư brah tâm ndơ ƀư brah đăp mpăn. Tâm ban pônây, kôranh ƀư brah mra ƀư nau rƀŭn chuai nau tih ăn ma kôranh chiă uănh jêh ri nau tih păng mra dơi yô̆ an.

Kan Lêvi 5:11

Tơlah păng mâu geh du kôp sĭm ntơp mâu lah du kôp plŭk kon, ăn păng njŭn leo du kilô rnih môi ba ƀlê gay ƀư ndơ ƀư brah chuai nau tih yor kan tih păng hŏ ƀư jêh; mâu dơi chê̆ dak ngi jêh ri mâu dơi dơm ndơ ƀâu kah ta klơ rnih nây, yorlah nĕ jêng du ndơ ƀư brah chuai nau tih.

Kan Lêvi 5:7

Ƀiălah tơlah păng mâu dơi tŏng nau nhhơr du mlâm kon biăp me mâu lah du mlâm kon be me gay ntrok nau tih păng hŏ ƀư jêh, ăn păng nhhơr ma Brah Yêhôva du kôp sĭm ntơp mâu lah du kôp plŭk kon: du mlâm dŏng ƀư ndơ ƀư brah chuai nau tih, du mlâm êng dŏng ƀư ndơ ƀư brah gŭch.

Mathay 21:12

Brah Yêsu lăp tâm ngih brah Brah Ndu. Păng mprơh lĕ rngôch bunuyh tăch, bunuyh rvăt ndơ tâm ngih brah, nklơ̆ sưng phung tâm rgâl prăk jêh ri nklơ̆ rnơl phung tăch plŭk.

II Kôrintô 8:9

Yorlah khân may gĭt jêh nau yô̆ Kôranh Brah he jêng Brah Yêsu Krist, Păng ndrŏng ngăn, ƀiălah plơ̆ jêng o ach yor khân may, gay yor nau o ach Păng, khân may plơ̆ jêng ndrŏng.