Kan Lêvi 12:6 - Nau Brah Ndu Ngơi 2023

⁶ Tơlah lôch jêh nar ƀư kloh păng nơm, nđâp lah deh kon bu klâu mâu lah kon bu ur, ăn bu ur nây djôt tât ma kôranh ƀư brah ta mpông Ngih Bok Nau Tâm Rƀŭn du mlâm biăp kon du năm gay ƀư ndơ ƀư brah gŭch jêh ri du mlâm sĭm plŭk mâu lah du mlâm sĭm ntơp jêng ndơ ƀư brah chuai nau tih.

Kan Lêvi 12:6 ပူးပေါင်းရင်းမြစ်များ

Nau Ntơm 15:9

Păng lah: “May djôt hom ma Gâp du mlâm ndrôk me pe năm, du mlâm be me pe năm, du mlâm biăp nkuăng pe năm, du mlâm ntơp jêh ri du mlâm plŭk kon.”

Kan Lêvi 12:2

“May lah hom ma phung ƀon lan Israel: ‘Tơlah du huê bu ur ntreo jêh ri deh du huê kon bu klâu, păng mra jêng ƀơ̆ ƀơch tâm pơh nar, nâm bu rnôk păng geh săk bu ur.

Kan Lêvi 12:5

Ƀiălah tơlah păng deh ma du huê kon bu ur, păng mra jêng ƀơ̆ ƀơch tâm bar pơh nâm bu rnôk păng geh săk bu ur. Jêh nây, ăn păng gŭ ta ngih ntop prao jât mprao nar đŏng gay lôch rnôk nau ƀư kloh.

Kan Lêvi 12:7

Kôranh ƀư brah mra nhhơr mpa ƀư brah nây tanăp Brah Yêhôva gay ƀư nau rƀŭn ƀư kloh ma păng, jêh ri păng mra dơi geh kloh lôch ma nau suăt mham. Nây jêng nau vay ma bu ur deh kon bu klâu mâu lah kon bu ur,

Kan Lêvi 14:22

bar mlâm sĭm ntơp mâu lah du kôp sĭm plŭk, tĭng nâm nau dơi, du mlâm dŏng ƀư ndơ ƀư brah chuai nau tih, du mlâm êng dŏng ƀư ndơ ƀư brah gŭch.

Kan Lêvi 15:14

Tât ta nar tal pham, nơm nây mra nhŭp bar mlâm sĭm ntơp mâu lah bar mlâm plŭk, hăn tanăp Brah Yêhôva ta mpông Ngih Bok Nau Tâm Rƀŭn jêh ri ăn ma kôranh ƀư brah.

Kan Lêvi 15:29

Tât ta nar tal pham păng mra sŏk bar sĭm ntơp mâu lah bar mlâm plŭk jêh ri djôt leo khân păng ma kôranh ƀư brah ta mpông Ngih Bok Nau Tâm Rƀŭn.

Nau Kơp Bunuyh 6:10

Ta nar tal pham, păng mra djôt leo bar mlâm ntơp mâu lah bar mlâm plŭk kon ma kôranh ƀư brah ta mpông Ngih Bok Nau Tâm Rƀŭn.

Luka 2:22

Nôk lĕ nar ƀư kloh tĭng nâm nau vay Y-Môis ƀư lôch jêh, mbơ̆ mê̆ păng njŭn leo kon se jê̆ ta ƀon Yêrusalem gay nhhơr ma Kôranh Brah,

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

ហេឞ្រើ 7:26

N'hêl nanê̆ ngăn, Păng jêng kôranh ƀư brah toyh jêng Nơm he ŭch: kloh ueh, mâu geh nau tih, mâu geh nau ƀơ̆, tâm nkhah jêh đah phung tih, geh nau n'hao prêh rlau lơn ma lĕ ndâr trôk.