Kan Lêvi 12:3 - Nau Brah Ndu Ngơi 2023

³ Tât nar tal pham ăn bu ƀư nau rƀŭn koh ntâu kon bu klâu nây.

Kan Lêvi 12:3 ပူးပေါင်းရင်းမြစ်များ

Nau Ngluh Êjipt 22:30

Ăn khân may ƀư kơt nĕ đŏng ma biăp jêh ri ndrôk khân may. Ăn hom kon dak bôk gŭ ndrel me păng tâm pơh nar, tât ta nar tal pham khân may mra nhhơr păng ma Gâp.

Kan Lêvi 12:4

Bu ur nây mra gŭ ta ngih ntop pe jât mpe nar đŏng gay ma lôch nau ƀư kloh. Păng mâu dơi pah ndơ kloh ueh ôh, mâu lĕ dơi hăn tâm ntŭk kloh ueh, kŏ tât ma nau ƀư kloh păng nơm.

Kan Lêvi 15:3

Nau ƀơ̆ ƀơch yor nau ji kren ƀư, nđâp lah săk jăn dôl luh ndâng mâu lah săk jăn păng rhân nau luh, nơm nây ăt jêng ƀơ̆ ƀơch.

Luka 1:59

Tâm nar rơh pham, khân păng văch koh ntâu ma kon se jê̆ jêh ri tâm amoh Y-Sakari tĭng amoh mbơ̆ păng.

Luka 2:21

Tât pham nar, dôl bu koh ntâu kon se jê̆, khân păng tâm amoh jêng Yêsu, jêng amoh tông mpăr mbơh jêh êlor nôk kon se jê̆ geh tâm trôm ndŭl mê̆.

Kôranh Oh Mon 15:1

Geh ƀaƀă bunuyh văch tă bơh n'gor Yuđa nti ma phung oh nâu pô aơ: “Tơlah khân may mâu koh ntâu tĭng nâm nau vay Y-Môis, khân may mâu dơi geh nau tâm rklaih ôh.”

Samƀŭt Pôl Njuăl Ăn Ma Phung Nsing Ta Ƀon Rôm 3:19

He gĭt lĕ nau vay lah, jêng lah ma phung gŭ tâm dâng nau vay gay ma lĕ rngôch trôm mbung gŭ rklăk da dê, jêh ri lĕ rngôch bunuyh ta neh ntu dơn nau tih tanăp Brah Ndu;

Galati 3:17

Gâp ŭch lah pô aơ: Nau vay, jêng nau văch pakơi nau tâm rnglăp puăn rhiăng pe jât năm, mâu dơi chalơi nau tâm rnglăp Brah Ndu ƀư jêh bơh lor, tâm ban đŏng ƀư roh nau brah nau ton.

Galati 5:3

Gâp mbơh tay ma lĕ rngôch bunuyh tuy dơn nau koh ntâu pô aơ khân păng nchâp djôt prăp lĕ rngôch nau vay.

Nau Vay Nkah Tay 30:6

Yêhôva Brah Ndu khân may mra koh ntâu nuih n'hâm khân may jêh ri nuih n'hâm tâm noi deh khân may, gay khân may yơk rŏng ma Yêhôva Brah Ndu khân may ma lĕ nuih n'hâm jêh ri lĕ huêng jêh ri tă bơh nây dĭng khân may dơi rêh.

Philip 3:5

Gâp dơn nau koh ntâu nar rơh pham, jêng noi deh Israel, ndŭl mpôl Benjamin, jêng phung Hêbrơ, kon bunuyh Hêbrơ; ma nau vay, gâp jêng du huê bunuyh Pharisi;

Kôlôh 2:11

Tâm Păng, khân may đŏng dơn nau koh ntâu, mâu di ti kon bunuyh ƀư, ƀiălah jêng nau koh ntâu bơh Brah Krist, nâm bu ntĭt doh lơi nau ŭch tâm nglay săk he.