Kan Lêvi 11:8 - Nau Brah Ndu Ngơi 2023

⁸ Khân may mâu dơi sa puăch lĕ mpa nây, săk jăn khĭt khân păng khân may mâu dơi pah ôh, khân păng jêng mpa mâu kloh ma khân may.

Kan Lêvi 11:8 ပူးပေါင်းရင်းမြစ်များ

Êsai 52:11

Du hom, du hom, luh hom bơh ntŭk nây! Lơi pah tât ndơ ƀơ̆ ƀơch, luh hom bơh tă ntŭk nây. Khân may jêng phung djôt ndơ yơk mbah Brah Yêhôva, Ƀư kloh hom khân may nơm!

Ndrom Samƀŭt bơh Ôsê 9:3

Khân păng mâu mra gŭ tâm bri Brah Yêhôva ôh Ƀiălah Êphraim mra plơ̆ sĭt ma n'gor Êjipt Jêh ri mra sa ndơ sa ƀơ̆ ƀơch tâm bri Asiri.

Kan Lêvi 11:7

sŭr, yorlah jâng păng geh nchop tâm nkhah ƀiălah mâu blau njuah tay ôh, pôri păng jêng mpô mpa mâu kloh ma khân may.

Kan Lêvi 11:9

Tâm lĕ mpa gŭ tâm dak, aơ jêng lĕ mpa khân may dơi vay sa: Lĕ mpa gŭ tâm dak, nđâp lah tâm dak rlai mâu lah tâm dak krong, tơlah geh rsâng jêh ri nsiap, khân may dơi sa.

Kan Lêvi 5:2

Lah du huê pah ta ndơ ƀơ̆ ƀơch, nâm bu săk mpô mpa bri mâu kloh, mâu lah săk du mlâm mpô mpa rong mâu kloh, mâu lah ta săk ndrŭng mâu kloh, nđâp lah mâu gĭt kđôi, nơm nây ăt geh nau ƀơ̆ ƀơch jêh ri khan nau tih.

Mathay 15:11

Mâu di ndơ lăp tâm trôm mbung ôh ƀư ƀơ̆ bunuyh; ƀiălah ndơ luh tă bơh mbung, ndơ nây yơh ƀư ƀơ̆ bunuyh.”

Mathay 15:20

Nây jêng lĕ nau ƀư ƀơ̆ bunuyh; ƀiălah nau sa mâu rao ti, mâu ƀư ƀơ̆ bunuyh ôh.”

Markôs 7:15

Mâu geh ôh du ntil ndơ tă bơh padih lăp tâm bunuyh jêh ri dơi ƀư ƀơ̆ păng; ƀiălah lĕ ndơ luh tă bơh bunuyh, ndơ nây yơh ƀư ƀơ̆ păng.”

Markôs 7:18

Brah Yêsu lah: “Mâm ƀư khân may ê hŏ gĭt rbăng đŏng? Khân may mâu gĭt rbăng pô aơ mâu geh ndơ tă bơh padih lăp tâm trôm bunuyh dơi ƀư ƀơ̆ păng ƀơh?

Markôs 7:2

khân păng saơ ƀaƀă oh mon Brah Yêsu gŭ sông sa ma ti mâu kloh, nâm bu ntĭt jêng ê hŏ rao ti.

Kôranh Oh Mon 10:28

Păng lah ma phung nây: “Khân may gĭt phung Yuđa mâu dơi vay ôh tâm rnglăp đah phung bu năch mâu lah lăp ngih păng; ƀiălah Brah Ndu hŏ tâm mpơl ma gâp jêh, lơi ăn uănh du huê bunuyh ƀơ̆ ƀơch mâu lah mâu kloh.

Kôranh Oh Mon 15:29

Ăn khân may ver sa ndơ ƀư brah ma rup brah, mham, mpô mpa khĭt măp, jêh ri lơi văng tĭr. Khân may djôt prăp lĕ rngôch nau nây jêng ueh. Nĕ khân may yơ̆!”

Samƀŭt Pôl Njuăl Ăn Ma Phung Nsing Ta Ƀon Rôm 14:21

Ueh lơn jêng lơi sa puăch, mâu nhêt ndrănh mâu lah ƀư moh nau ƀư chêh prah ma oh nâu he nơm.

I Kôrintô 8:8

Ndơ sông sa mâu ƀư ma he dăch lơn đah Brah Ndu ôh; tơlah mâu sa mâu đŏng mhĭk, bi lah sa mâu đŏng ueh lơn.

II Kôrintô 6:17

“Yor nây, Kôranh Brah lah: Luh du hom tă bơh khân păng, Tâm nkhah hom tă bơh khân păng, Lơi pah tât ndơ ƀơ̆ ƀơch, Gâp mra rom dơn khân may.

Êphêsô 5:11

Lơi pah ndrel ôh lĕ nau kan mâu khlay bơh nau ngo; ueh lơn, ăn khân may nduyh khân păng;

Êphêsô 5:7

Yor ri, lơi tâm rnglăp đah khân păng.

Kôlôh 2:16

Pôri, lơi ăn bu phat dôih khân may ma ndơ sông sa, ma ndơ nhêt, ma nar rƀŭn, ma nar khay mhe, mâu lah nar saƀat,

ហេឞ្រើ 9:10

ƀiălah jêng knŏng tât ma ndơ sông sa, ndơ nhêt jêh ri lĕ nau rƀŭn ƀư kloh êng, jêng lĕ nau vay nchâp nglay săk djôt prăp kŏ tât rnôk nau tâm rgâl.