Kan Lêvi 11:44 - Nau Brah Ndu Ngơi 2023

⁴⁴ Yorlah Gâp jêng Yêhôva Brah Ndu khân may; pôri prăp hom khân may nơm ăn kloh ueh jêh ri kloh ueh hom, yorlah Gâp nơm jêng kloh ueh. Lơi yor ăp ntil ndrŭng vơr ta klơ neh ƀư ma khân may nơm geh nau ƀơ̆ ƀơch.

Kan Lêvi 11:44 ပူးပေါင်းရင်းမြစ်များ

Nau Mprơ Ơm 99:5

Mbah yơk hom ma Yêhôva Brah Ndu he Jêh ri yơk mbah tâm dâng rnơl chrong jâng Păng. Păng jêng kloh ueh!

Nau Mprơ Ơm 99:9

Yơk hom ma Yêhôva Brah Ndu he Jêh ri yơk mbah ta klơ yôk kloh ueh Păng; Yorlah Yêhôva Brah Ndu he jêng kloh ueh!

Nau Ngluh Êjipt 16:12

“Gâp hŏ tăng jêh nau phung ƀon lan Israel nduyh. Yor ri, ăn may lah ma khân păng pô aơ: ‘Kêng mhaơ khân may mra sa puăch, kêng ôi khân may mra sa piăng let kŏ tât hơm; jêh ri khân may mra gĭt Gâp jêng Yêhôva Brah Ndu khân may.’”

Nau Ngluh Êjipt 19:10

Brah Yêhôva lah ma Y-Môis: “Hăn hom ma phung ƀon lan, prăp êng khân păng ăn kloh ueh ta nar aơ jêh ri ôi taơ. Đă khân păng pih lơi kho ao khân păng;

Nau Ngluh Êjipt 19:6

Khân may mra dơi jêng du ƀon bri hađăch phung kôranh ƀư brah jêh ri du phung mpôl kloh ueh ma Gâp.’ Nĕ jêng lĕ nau may mra ngơi ma phung ƀon lan Israel.”

Nau Ngluh Êjipt 20:2

“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Nau Ngluh Êjipt 22:30

Ăn khân may ƀư kơt nĕ đŏng ma biăp jêh ri ndrôk khân may. Ăn hom kon dak bôk gŭ ndrel me păng tâm pơh nar, tât ta nar tal pham khân may mra nhhơr păng ma Gâp.

Nau Ngluh Êjipt 22:31

Phung khân may jêng bunuyh kloh ueh ma Gâp, yor nây mâu dơi sa ôh puăch mpa tă mpô mpa bri sa hêk tâm mir, ăn may mƀăr păng ma so sa.

Nau Ngluh Êjipt 23:25

Yơk mbah hom ma Yêhôva Brah Ndu khân may; Păng mra ăn nau ueh uĭn tâm piăng let may sa, tâm dak khân may nhêt, jêh ri sŏk lơi nau ji kuet der ngai bơh khân may.

Nau Ngluh Êjipt 6:7

Gâp mra dơn khân may jêng phung ƀon lan Gâp, jêh ri Gâp mra jêng Brah Ndu khân may. Khân may mra gĭt Gâp jêng Yêhôva Brah Ndu khân may, Nơm hŏ djôt khân may luh bơh kan jâk jêr tă bơh phung Êjipt.

Êsai 43:3

Yorlah Gâp jêng Yêhôva, Brah Ndu may, Nơm Kloh Ueh Israel, Nơm Tâm Rklaih may. Gâp ăn jêh Êjipt jêng rnoh tâm chuai may, Bri Kus jêh ri Sêba ntrok may.

Êsai 51:15

Yorlah Gâp jêng Yêhôva Brah Ndu khân may, Jêng Nơm ăn dak mƀŭt rbuh, jêh ri rbuh tap djhu djhut. Brah Yêhôva ma phung tahan jêng amoh Gâp.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Kan Lêvi 11:43

Lơi ta khân may ƀư ƀơ̆ ƀơch ma khân may nơm yorlah bơh lĕ mpô mpa nây, lơi dĭng yorlah lĕ mpa nây khân may jêng ƀơ̆ ƀơch.

Kan Lêvi 18:2

“Lah hom ma phung ƀon lan Israel pô aơ Gâp jêng Yêhôva Brah Ndu khân may.

Kan Lêvi 19:10

Lơi pĕ lĕ đang krăk ƀâu mâu lah dônh lĕ play krăk ƀâu tŭp tâm neh; om play nây ma phung o ach jêh ri ma phung bu năch. Gâp jêng Yêhôva Brah Ndu khân may.

Kan Lêvi 19:2

“Ntăm hom ma lĕ rngôch phung ƀon lan Israel tâm rƀŭn: ‘Ăn khân may jêng kloh ueh, yorlah Gâp jêng Yêhôva Brah Ndu khân may, jêng kloh ueh.

Kan Lêvi 19:3

Ăp nơm bunuyh ăn yơk ma mbơ̆ mê̆ jêh ri kah gĭt prăp nar saƀat Gâp. Gâp jêng Yêhôva Brah Ndu khân may.

Kan Lêvi 19:4

Lơi n'gĭl ma rup ndah jêh ri mâu dơi đŏng tŏ rup brah ma kông ăn ma khân may. Gâp jêng Yêhôva Brah Ndu khân may.

Kan Lêvi 20:26

Ăn khân may jêng kloh ueh đah Gâp; yorlah Gâp jêng Brah Yêhôva, jêng kloh ueh; Gâp hŏ tâm nkhah jêh khân may bơh lĕ phung ƀon lan êng gay ma khân may jêng phung Gâp nơm.

Kan Lêvi 20:7

Khân may prăp hom khân may nơm tâm nau kloh jêh ri dơi jêng nau kloh ueh, yorlah Gâp jêng Yêhôva Brah Ndu khân may.

Kan Lêvi 21:8

Yor ri ăn khân may uănh kôranh ƀư brah nâm bu kloh ueh yorlah păng nhhơr ndơ sông sa ma Brah Ndu khân may. Khân păng jêng kloh ueh đah khân may, yorlah Gâp, Brah Yêhôva jêng kloh ueh, jêng Nơm ƀư kloh ueh khân may.

Amôt 3:3

Tơlah bar hê mâu du ai nau mĭn, Pôri mâm dơi hăn nsum tâm du trong?

Nau Kơp Bunuyh 15:40

Pônây, khân may mra kah gĭt tay jêh ri ƀư tĭng kơt lĕ rngôch nau vay ntăm bơh Gâp jêh ri tâm ban pônây khân may mra prăp êng jêng kloh ueh ma Brah Ndu khân may.

Mathay 5:48

Pôri ăn khân may jêng bunuyh ueh n'hêl nanê̆ nâm bu Mbơ̆ khân may klơ trôk jêng ueh nanê̆ ngăn.”

Nau Vay Nkah Tay 14:2

yorlah khân may jêng du phung ƀon lan kloh ueh ma Yêhôva Brah Ndu khân may. Brah Yêhôva hŏ săch jêh khân may tă bơh ta nklang phung ƀon lan klơ neh gay khân may dơi jêng du phung ƀon lan jêng ndơ ma Păng.

I Têsalônik 4:7

Yorlah Brah Ndu mâu kuăl ôh he ma nau ƀơ̆ ƀơch, ƀiălah ma nau kloh ueh.

Yôsuê 24:19

Y-Yôsuê lah ma phung ƀon lan: “Khân may mâu dơi tŏng nau dăng pah kan ma Brah Yêhôva, yor lan Păng jêng Brah Ndu kloh ueh, Brah Ndu gĭt ntôn, Păng mâu yô̆ an ôh ma nau kue jêh ri nau tih khân may.

I Pêtrôs 2:9

Ƀiălah khân may jêng phung Brah Ndu săch jêh, jêng phung kôranh ƀư brah ta ngih hađăch, jêng phung mpôl kloh ueh, jêng phung ƀon lan sŏk prăp ma Brah Ndu, gay ma khân may mbơh nkoch nau ueh dŭt toyh Nơm kuăl jêh khân may luh bơh ntŭk ngo, njŭn lăp ntŭk ang khlay Păng.

Nau Tâm Mpơl 22:11

Mbu nơm mâu sŏng, ăn păng ăt ƀư nau mâu sŏng srăng, mbu nơm ƀơ̆ ăt jêng ƀơ̆, mbu nơm sŏng srăng ăt ƀư nau sŏng srăng, bunuyh jêng kloh ueh ăt jêng kloh ueh!”

I Samuel 2:2

Mâu geh ôh nơm kloh ueh nâm bu Brah Yêhôva; Mâu hôm geh Brah êng ôh rlau ma May! Mâu geh ôh lŭ toyh nâm bu Brah Ndu he.

I Samuel 6:20

Nôk nây, phung Bet-Sêmes lah: “Mbu nơm dơi dâk tra năp Brah Yêhôva jêng Brah Ndu kloh ueh aơ? Tơlah Hip Nau Tâm Rnglăp luh du tă bơh he, ma mbu nơm păng mra hăn?”