Kan Lêvi 11:42 - Nau Brah Ndu Ngơi 2023

⁴² Lĕ ntil mpô mpa vơr ma ndŭl, hăn ma puăn jâng mâu lah geh âk jâng, lah nsum ma lĕ rngôch mpa vơr bêng ler ta klơ neh, khân may mâu dơi sa ôh, yorlah lĕ mpa nây jêng mpa geh nau ƀơ̆ ƀơch.

Kan Lêvi 11:42 ပူးပေါင်းရင်းမြစ်များ

Nau Ntơm 1:20

Brah Ndu lah: “Dak ăn geh âk râk ăp ntil ndơ rêh, jêh ri geh ăp ntil sĭm mpăr klơ neh tâm dâng đôr trôk.”

Êsai 65:25

So bri jêh ri kon biăp mra sa gơ̆ ndrel, Yau mŭr mra sa rhe nâm bu ndrôk, Bêh mra sa ndruyh neh. Mra mâu hôm geh nơm phă mâu lah ƀư rai Ta lĕ yôk kloh ueh Gâp.” Brah Yêhôva lah pônây.

Kan Lêvi 11:41

Lĕ rngôch ndrŭng vơr ta neh jêng geh nau ƀơ̆ ƀơch da dê, bu mâu dơi sa mpa nây ôh.

Kan Lêvi 11:43

Lơi ta khân may ƀư ƀơ̆ ƀơch ma khân may nơm yorlah bơh lĕ mpô mpa nây, lơi dĭng yorlah lĕ mpa nây khân may jêng ƀơ̆ ƀơch.

Mika 7:17

Khân păng mra ler neh muy nâm bu bêh, Jêh ri râm sâr luh tă bơh trôm ntu păng Nâm bu mpa vơr ta klơ neh. Khân păng mra klach krit văch ma Yêhôva Brah Ndu he Jêh ri klach ngăn panăp măt Păng.

Mathay 23:23

Rêh ni yơh ma khân may, phung kôranh nchih samƀŭt jêh ri phung Pharisi, jêng phung geh nuih n'hâm nklă! Yorlah khân may nhhơr du kô̆ tâm jât klôih, ndơ ƀâu kah, trau gir, ƀiălah khân may chuêl lĕ nau khlay lơn tâm nau vay jêng nau sŏng, nau yô̆ nđach jêh ri nau chroh. Ăn khân may ƀư lĕ nau nây, ƀiălah mâu dơi đŏng chuêl lĕ nau ri.

Mathay 3:7

Dôl saơ âk phung Pharisi jêh ri phung Sađusê văch dơn nau ƀaptem, Y-Yôhan lah ma khân păng pô aơ: “Hơi mpôl ntil bêh rmâng, mbu mbơh jêh ma khân may gĭt gay nchuăt du nau ji nuih dăch tât?

Yôhan 8:44

Khân may luh tă bơh mbơ̆ khân may jêng brah mhĭk, jêh ri khân may ŭch ƀư tĭng nau kơnh ŭch ma mbơ̆ khân may. Bơh ntơm saơm păng jêng nơm nkhĭt bunuyh, jêh ri mâu gŭ tâm nau ngăn ôh, yorlah nau ngăn mâu geh tâm păng ôh. Lah păng ngơi nau mƀruh jêng ngơi tĭng nuih n'hâm djơh păng nơm, yorlah păng jêng nơm mƀruh jêh ri mbơ̆ nau mƀruh.

II Kôrintô 11:13

Yorlah phung kơt nây jêng kôranh oh mon nklă, phung pah kan ndơm jan lah ƀư jêng tâm ban ma kôranh oh mon Brah Krist.

II Kôrintô 11:3

Ƀiălah gâp klach, nâm bu bêh dŏng tâm nchră ndơm mƀruh H'Êva, nau mĭn khân may geh đŏng nau mhĭk, roh nau nanê̆ ngăn jêh ri nau kloh rsang đah Brah Krist nâm pônây.

Titus 1:12

Du huê tâm phung khân păng, du huê nơm mbơh lor khân păng nơm, lah jêh: “Phung Kret jêng phung mƀruh ƀaƀơ, phung mpa janh, lĕ bunuyh vay nhêt sa ƀiălah kơr ƀlao.”