Kan Lêvi 11:40 - Nau Brah Ndu Ngơi 2023

⁴⁰ Mbu nơm mra sa puăch săk jăn khĭt nây, ăn păng pih kho ao păng nơm jêh ri jêng ƀơ̆ ƀơch tât kêng măng; mbu nơm hôm tung săk khĭt nây ăt păng pih đŏng kho ao păng jêh ri jêng ƀơ̆ ƀơch tât kêng măng.

Kan Lêvi 11:40 ပူးပေါင်းရင်းမြစ်များ

Nau Ngluh Êjipt 22:31

Phung khân may jêng bunuyh kloh ueh ma Gâp, yor nây mâu dơi sa ôh puăch mpa tă mpô mpa bri sa hêk tâm mir, ăn may mƀăr păng ma so sa.

Êsai 1:16

Rao ƀư kloh hom khân may nơm! Mƀăr lơi hom lĕ nau mhĭk bơh măt Gâp; Lơi hom ƀư nau mhĭk.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Êsêkiêl 4:14

Gâp lah: “Ơ Yêhôva Brah Ndu! Huêng gâp mâu mâp ƀư ƀơ̆ ôh. Ntơm bơh jê̆ tât aƀaơ ri, gâp mâu mâp sa ôh mpô mpa khĭt măt mâu lah mpô mpa bri hêk sa, jêh ri mâu lĕ geh ndơ ƀơ̆ lăp jêh tâm trôm mbung gâp.”

Êsêkiêl 44:31

Phung kôranh ƀư brah mâu dơi sa ôh puăch du ntil mpô mpa, nđâp lah sĭm och mâu lah mpô mpa khĭt êng mâu lah mpô mpa geh bu kăp hêk.”

Kan Lêvi 11:25

Mbu nơm djôt săk jăn khĭt khân păng mra pih kho ao păng jêh ri jêng ƀơ̆ ƀơch tât kêng măng.

Kan Lêvi 11:28

jêh ri mbu nơm djôt săk jăn khĭt khân păng mra pih kho ao păng jêh ri mra jêng ƀơ̆ ƀơch tât kêng măng; lĕ rngôch mpa nây jêng mpa mâu kloh ma khân may.

Kan Lêvi 11:39

Tơlah du mlâm mpa khân may dơi vay sa puăch, ƀiălah păng khĭt, jêh ri mbu nơm pah săk jăn khĭt păng mra jêng ƀơ̆ ƀơch tât kêng măng.

Kan Lêvi 14:46

Dôl ngih nây hôm nchăng, mbu nơm lăp ngih ta nây mra jêng ƀơ̆ ƀơch kŏ tât kêng măng.

Kan Lêvi 15:15

Kôranh ƀư brah mra nhhơr du mlâm jêng ndơ ƀư brah chuai nau tih, du mlâm êng jêng ndơ ƀư brah gŭch. Pônây, kôranh ƀư brah mra ƀư nau rƀŭn chuai nau tih tanăp Brah Yêhôva ma nơm geh nau ji kren.

Kan Lêvi 15:27

Mbu nơm pah ta ndơ nây mra jêng ƀơ̆ ƀơch, ăn pih lơi kho ao, ŭm tâm dak jêh ri jêng ƀơ̆ ƀơch tât kêng măng.

Kan Lêvi 16:26

Mbu nơm djôt be nkuăng prăp ma Asasel, ăn păng pih lơi kho ao, ŭm păng nơm tâm dak jêh nây mơ dơi lăp ta ngih bok.

Kan Lêvi 16:28

Nơm gŭch lĕ ndơ nây mra pih kho ao, ŭm păng nơm tâm dak jêh nây mơ dơi lăp tâm ngih bok.

Kan Lêvi 22:6

nơm nây mra jêng ƀơ̆ tât kêng măng jêh ri mâu dơi sa ôh ndơ nhhơr kloh ueh, lah păng ê hŏ ŭm tâm dak.

Kan Lêvi 22:8

Păng mâu dơi ôh sa puăch mpô mpa khĭt mâu lah mpa bri janh hêk sa, gay bah ƀư ƀơ̆ păng nơm. Gâp jêng Brah Yêhôva.

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Nau Kơp Bunuyh 19:19

Ta nar tal pe jêh ri nar tal pơh, du huê bunuyh geh nau kloh nsrih hom dak nây ta klơ bunuyh ƀơ̆ jêh ri nar tal pơh bunuyh geh nau kloh mra ƀư kloh ma păng. Bunuyh geh nau kloh mra pih kho ao, ŭm tâm dak jêh ri dăch kêng măng păng mra geh nau kloh.

I Kôrintô 10:21

Khân may mâu dơi nhêt kachok Kôranh Brah jêh ri nhêt đŏng kachok phung brah mhĭk. Khân may mâu dơi râng nhêt sông Kôranh Brah jêh ri râng nhêt sông phung brah mhĭk.

I Kôrintô 6:11

Nôk alor tâm khân may geh ƀaƀă bunuyh tâm ban pônây. Ƀiălah tâm amoh Kôranh Brah jêng Brah Yêsu Krist jêh ri tâm Brah Huêng Ueh Brah Ndu he, khân may geh nau ƀư kloh, nau ƀư kloh ueh jêh ri dơi kơp sŏng srăng.

Nau Vay Nkah Tay 14:21

Lơi ta sa ôh puăch du mlâm mpa lĕ khĭt jêh. Khân may dơi djôt păng ma phung bu năch gŭ tâm ƀon toyh khân may, gay ăn khân păng sa, mâu lah khân may dơi tăch păng ma phung bu năch. Yorlah khân may jêng du phung ƀon lan kloh ueh ma Yêhôva Brah Ndu khân may. Lơi ôh gâm puăch be kon tâm dak toh me păng.”

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.