Kan Lêvi 10:15 - Nau Brah Ndu Ngơi 2023

¹⁵ Khân păng mra djôt nglik hŏ nhhơr jêh ri nting rpaih nse lĕ ƀư jêh nau vay ƀư ndơ̆ đah aơ ndơ̆ đah ri, ndrel ma lĕ kô̆ ngi bơh ndơ ƀư brah gŭch ăn ŭnh sa, nhhơr tĭng nâm nau vay ƀư ndơ̆ đah aơ ndơ̆ đah ri tanăp Brah Yêhôva. Nĕ jêng ndơ prăp ma nâu jêh ri phung kon nâu, tĭng nâm nau veh jêh jêng nau Brah Yêhôva hŏ ntăm jêh.”

Kan Lêvi 10:15 ပူးပေါင်းရင်းမြစ်များ

Nau Ntơm 13:15

Lĕ rngôch n'gor neh may saơ, Gâp mra ăn ma may jêh ri ma noi deh may tât n'ho ro.

Nau Ntơm 17:13

Lĕ bunuyh deh tâm ngih nđâp ma bunuyh bu rvăt ma prăk mra dơn koh ntâu da dê. Yor nây, nau Gâp tâm rnglăp ta săk jăn khân may jêng nau tâm rnglăp n'ho ro.

Nau Ntơm 17:17

Y-Abraham chŭn muh măt ta neh, gơm jêh ri mĭn êng tâm nuih n'hâm păng: “Du huê bunuyh lĕ du rhiăng năm hôm dơi geh kon đŏng lah? H'Sara lĕ sĭn jât năm mâm hôm dơi deh?”

Nau Ntơm 17:8

Gâp mra ăn ma may jêh ri phung kon sau may neh may gŭ aƀaơ aơ, jêng lĕ n'gor Kanaan, jêng drăp ndơn n'ho ro. Gâp mra jêng Brah Ndu khân păng.”

Nau Ngluh Êjipt 29:27

Pônây, ăn may nhhơr ntang ntơh jêh ri nglik biăp nkuăng nâm bu du nau ƀư brah ndơ̆ đah aơ ndơ̆ đah ri tâm nau rƀŭn n'hao kan Y-Arôn jêh ri phung kon bu klâu păng.

Nau Ngluh Êjipt 29:28

Lĕ ndơ nhhơr tă bơh phung ƀon lan Israel mra jêng ndơ Y-Arôn jêh ri phung kon bu klâu păng tĭng nâm nau vay n'ho ro, yorlah aơ jêng ndơ mpăm sŏk tă bơh mpa ƀư brah tâm ndơ ƀư brah ma nau đăp mpăn phung ƀon lan Israel nhhơr ma Brah Yêhôva.

Kan Lêvi 2:3

Bi ndơ hôm e bơh ndơ ƀư brah rnih môi jêng ndơ ma Y-Arôn de jêh ri phung kon bu klâu păng. Nĕ jêng ndơ dŭt kloh ueh sŏk bơh ndơ ƀư brah ăn ŭnh sa nhhơr ma Brah Yêhôva.

Kan Lêvi 3:17

Aơ jêng nau vay dăp n'ho ro ma noi deh khân may ta ăp ntŭk khân may gŭ: khân may mâu dơi sa ngi mâu lah mham ôh.’”

Kan Lêvi 7:34

Tă bơh mpa ƀư brah đăp mpăn, Gâp sŏk jêh ri ăn ma kôranh ƀư brah Y-Arôn jêh ri phung kon bu klâu păng nting rpaih nse hŏ ƀư jêh nau vay ƀư ndơ̆ đah aơ ndơ̆ đah ri jêh ri nglik jêng ndơ phung ƀon lan hŏ nhhơr ma Gâp, tĭng nâm nau vay n'ho ro tâm phung ƀon lan Israel djôt prăp.

Nau Kơp Bunuyh 5:9

Lĕ rngôch ndơ ƀư brah kloh ueh tă bơh phung ƀon lan Israel djôt leo ma kôranh ƀư brah mra jêng ndơ păng.