Kan Lêvi 10:11 - Nau Brah Ndu Ngơi 2023

¹¹ jêh ri nti hom ma phung ƀon lan Israel lĕ rngôch nau vay Brah Yêhôva dăp hŏ ntĭm nti jêh bơh Y-Môis.”

Kan Lêvi 10:11 ပူးပေါင်းရင်းမြစ်များ

II Nau Rêh Jêng 15:3

Hŏ jŏ năm jêh, phung Israel mâu chroh ngăn ôh ma Brah Ndu, mâu geh du huê kôranh ƀư brah ntĭm nti ma khân păng, ăt mâu geh lĕ nau vay.

II Nau Rêh Jêng 17:9

Khân păng djôt leo ndrom samƀŭt nau vay Brah Yêhôva, hăn lam lĕ ƀon tâm n'gor Yuđa gay nti ma phung ƀon lan.

II Nau Rêh Jêng 30:22

Y-Hêsêkia ngơi n'hao nuih ma lĕ rngôch phung Lêvi hŏ mpơl nau gĭt mĭn ma kan yơk mbah Brah Yêhôva. Khân păng sông sa răm maak nau rƀŭn tâm pơh nar, nhhơr lĕ mpa ƀư brah ma nau đăp mpăn, jêh ri tâm rnê lah ueh ma Yêhôva Brah Ndu phung chô yau khân păng.

Nêhêmi 8:2

Pôri, ta năng nguay khay pơh, kôranh ƀư brah Y-Êsra djôt leo nau vay tanăp phung tâm rƀŭn, phung bu klâu jêh ri phung bu ur, jêh ri lĕ rngôch phung gŭ iăt dơi gĭt rbăng.

Nêhêmi 8:8

Khân păng răk rah vah tâm ndrom samƀŭt nau vay bơh Brah Ndu jêh ri rblang rah vah ăn bu gĭt nau ngơi khân păng răk.

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Yêrêmi 2:8

Lĕ phung kôranh ƀư brah mâu rngot tơlah ôp: ‘Ntŭk Brah Yêhôva gŭ?’ Phung nti nau vay mâu hôm gĭt tât ma Gâp đŏng ôh. Phung chiăp hăn tâm rdâng đah Gâp; Lĕ phung nơm mbơh lor sŏk amoh brah Baal ngơi mbơh lor, Nchuăt tĭng lĕ rup brah mâu khlay ôh.”

Malachi 2:7

Yorlah bâr mbung phung kôranh ƀư brah djôt prăp nau gĭt rbăng, bu mra joi nau ntrŭnh tă bơh trôm mbung păng, yorlah păng jêng nơm ntuh bâr Brah Yêhôva ma phung tahan.

Mathay 28:20

jêh ri ntĭm nti ăn khân păng djôt prăp lĕ nau Gâp ntăm jêh ma khân may. Jêh ri aơ, Gâp hôm gŭ ndrel ma khân may ƀaƀơ kŏ tât nar lôch.”

Kôranh Oh Mon 20:27

Yorlah gâp mbơh lĕ nau ŭch bơh Brah Ndu ma khân may, moh nau mâu prăp tay ôh.

Nau Vay Nkah Tay 17:10

Ăn khân may mra ƀư di dĭng lĕ nau bơh khân păng hŏ mbơh jêh ma khân may tâm ntŭk Yêhôva mra săch. Ăn khân may njrăng ƀư kơt lĕ rngôch nau khân păng ntăm ma khân may.

Nau Vay Nkah Tay 17:11

Ăn khân may ƀư ăn di lĕ nau ntĭm nti tâm ban đŏng nđâp ma nau phat dôih bơh khân păng hŏ mbơh jêh ma khân may, mâu dơi teng pa ma mâu lah pa chiau.

Nau Vay Nkah Tay 24:8

Njrăng hom nau tâm tưp ji phŭng sa. Ăn khân may blau njrăng ngăn jêh ri djôt prăp lĕ ntil nau bơh phung kôranh ƀư brah noi deh Lêvi mra ntĭm nti khân may; ƀư moh nau gâp hŏ ntĭm jêh ma khân păng.

Nau Vay Nkah Tay 33:10

Khân păng nti nau ntăm ƀư Kôranh Brah ma phung Y-Yakôb Jêh ri nau vay May ma phung Israel Khân păng nhhơr ndơ ƀâu kah tanăp măt Kôranh Brah, Jêh ri nhhơr lĕ ndơ ƀư brah gŭch ta klơ nơng ƀư brah May.

I Têsalônik 4:2

Yorlah khân may gĭt moh nau ntĭm nti hên hŏ tâm amoh Kôranh Brah jêng Kôranh Brah Yêsu ăn ma khân may.