Kan Lêvi 1:9 - Nau Brah Ndu Ngơi 2023

⁹ Nơm nhhơr ndơ nây mra rao proch khŭng jêh ri jâng păng ma dak, jêh ri kôranh ƀư brah mra gŭch lĕ ndơ nây ta klơ nơng ƀư brah. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 1:9 ပူးပေါင်းရင်းမြစ်များ

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

I Nau Rêh Jêng 6:34

Y-Samuel kon Y-Êlkana, Y-Êlkana kon Y-Jêrôham, Y-Jêrôham kon Y-Êliêl, Y-Êliêl kon Y-Tôa,

II Nau Rêh Jêng 4:6

Păng ƀư đŏng jât mlâm thŭng, ăn prăm mlâm pa ma jêh ri prăm mlâm pa chiau prăp rao ta nây ro; bu rao ta nây moh mpa bu prăp ƀư brah gŭch. Bi drŏng dak nây gay ma lĕ rngôch phung kôranh ƀư brah ŭm rao ta nây.

Nau Mprơ Ơm 51:6

Aơ, May ŭch nau nanê̆ ngăn tâm nuih n'hâm; May mra nti gâp ma nau blau mĭn ta ntŭk jru ndâp tâm nuih n'hâm gâp.

Nau Mprơ Ơm 66:15

Gâp mra nhhơr ma May lĕ biăp lay ueh jêng mpa ƀư brah gŭch Ma ngi biăp nkuăng. Gâp mra nhhơr lĕ ndrôk nkuăng jêh ri be nkuăng. (Sêla)

Nau Ngluh Êjipt 12:9

Lơi ta khân may sa puăch mâu hŏ sĭn mâu lah puăch gâm ƀiălah ăn khân may nđông ta ŭnh nđâp ma bôk păng, jâng păng jêh ri ndơ tâm trôm ndŭl.

Nau Ngluh Êjipt 29:18

jêh nây gŭch lĕ biăp nkuăng ta klơ nơng ƀư brah. Nĕ jêng ndơ ƀư brah gŭch nhhơr ma Brah Yêhôva, jêng du nau ƀư brah dŏng ŭnh nhhơr ndơ n'hôl ƀâu kah ƀư maak ma Brah Yêhôva.

Nau Ngluh Êjipt 29:25

Jêh nây, ăn may sŏk tay lĕ ndơ nây bơh ti khân păng jêh ri su ndơ nây ta klơ nơng ƀư brah nđâp ndơ ƀư brah gŭch nhhơr ma Brah Yêhôva. Nây jêng du nau ƀư brah dŏng ŭnh nhhơr ndơ n'hôl ƀâu kah ƀư di nuih n'hâm Brah Yêhôva.

Yêrêmi 4:14

Hơi phung Yêrusalem, ƀư kloh hom nau djơh mhĭk tâm nuih n'hâm may, Gay may dơi klaih. May hôm e prăp têm lĕ nau mĭn djơh mhĭk tâm nuih n'hâm Kŏ tât ndah jŏ?

Êsêkiêl 20:28

Dôl Gâp hŏ leo jêh khân păng lăp neh Gâp ton ăn jêh ma khân păng, rnôk nây khân păng saơ jêh lĕ yôk prêh, lĕ rngôch tơm si dŭt pŭm jêh ri nhhơr ndơ ƀư brah ma khân păng nơm ta nây. Khân păng hŏ mpơl ta nây ndơ ƀư brah gay nsônh Gâp ji nuih; khân păng su ndơ n'hôl geh ƀâu kah jêh ri ƀư ndơ nhhơr nhêt ta nây.

Êsêkiêl 20:41

Gâp mra vơt dơn khân may nâm bu ndơ n'hôl ƀâu kah tơlah Gâp djôt leo khân may luh bơh phung mpôl băl êng jêh ri tâm rgum khân may tă bơh lĕ bri dak khân may hŏ nchah rai pru pra, jêh ri nau kloh ueh Gâp mra dơi tâm mpơl ta nklang khân may tanăp măt phung bu năch.

Êsêkiêl 40:38

Du mlâm jrô geh mpông êp lĕ jrŏng mpông pêr nây, jêng ntŭk bu rao ti lĕ ndơ ƀư brah gŭch.

Kan Lêvi 1:13

Ăn nơm nây ăt sŏk dak rao proch khŭng jêh ri jâng, jêh nây kôranh ƀư brah djôt lĕ rngôch ndơ nây gŭch ta klơ nơng ƀư brah. Nĕ jêng ndơ ƀư brah gŭch, jêng mpa ƀư brah ăn ŭnh sa, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 1:17

jêh nây bu mra nkhêk bar năr sĭm nây, ƀiălah mâu nkhêk tăch ôh. Kôranh ƀư brah mra gŭch păng ta klơ nơng ƀư brah ta ntŭk ŭnh dôl hit. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.’”

Kan Lêvi 2:16

Kôranh ƀư brah mra sŏk du kô̆ găr ba kĭn hăch jêh, pot đah dak ngi ndrel ma lĕ rngôch dak si ƀâu kah jêh ri gŭch gay tâm ntĭt lĕ rngôch ndơ ƀư brah. Nĕ jêng ndơ ƀư brah ăn ŭnh sa nhhơr ma Brah Yêhôva.’”

Kan Lêvi 2:2

jêh nây njŭn ma phung kon sau Y-Arôn, jêng phung kôranh ƀư brah. Kôranh ƀư brah mra sŏk du mbăt rnih môi, dak ngi jêh ri lĕ rngôch dak si ƀâu kah jêh nây su ta klơ nơng nâm bu ntĭt lĕ rngôch ndơ ƀư brah rnih môi. Nĕ jêng ndơ ƀư brah ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

Kan Lêvi 2:9

Kôranh ƀư brah mra sŏk du kô̆ tâm puăn tă bơh ndơ ƀư brah rnih môi nây gay tâm ntĭt ma lĕ rngôch ndơ ƀư brah jêh ri gŭch păng ta nơng ƀư brah. Nây jêng ndơ ƀư brah nhhơr ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

Kan Lêvi 3:11

Kôranh ƀư brah mra gŭch lĕ ndơ nây ta klơ nơng ƀư brah nâm bu jêng ndơ sông sa ăn ŭnh sa nhhơr ma Brah Yêhôva.

Kan Lêvi 3:5

Phung kon sau Y-Arôn mra gŭch lĕ ndơ nây ta nơng ƀư brah ndrel ma ndơ ƀư brah gŭch hŏ n'gân ta klơ long dôl hit ŭnh. Nĕ jêng du ntil ndơ ƀư brah ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

Kan Lêvi 4:31

Păng ăt hoal lĕ rngôch ngi tâm ban ma nau bu ƀư tâm ndơ ƀư brah đăp mpăn, jêh nây djôt gŭch ta klơ nơng ƀư brah, ƀư ma ndơ ƀư brah geh n'hôl ƀâu kah ƀư maak nuih n'hâm ma Brah Yêhôva. Tâm ban pônây, kôranh ƀư brah mra ƀư nau rƀŭn chuai nau tih ăn ma păng, jêh ri nau tih păng mra dơi yô̆ an.

Kan Lêvi 6:14

Aơ jêng nau vay ma ndơ ƀư brah rnih môi: Du huê kôranh ƀư brah jêng noi deh Y-Arôn mra nhhơr ndơ ƀư brah nây tanăp Brah Yêhôva, ta nơng ƀư brah.

Kan Lêvi 8:21

Jêh bu rao kloh proch khŭng jêh ri nglik ma dak, Y-Môis djôt gŭch lĕ biăp nkuăng ta klơ nơng ƀư brah. Nĕ jêng ndơ ƀư brah gŭch ăn ŭnh sa, geh n'hôl ƀâu kah ma Brah Yêhôva, tĭng nâm Brah Yêhôva hŏ ntăm jêh ma Y-Môis.

Kan Lêvi 8:28

Jêh nây, Y-Môis sŏk lĕ ndơ nây bơh ti khân păng jêh ri djôt gŭch ta klơ nơng ƀư brah, ta klơ ndơ ƀư brah gŭch. Nĕ jêng ndơ ƀư brah n'hao kan, jêng ndơ ƀư brah ăn ŭnh sa, geh n'hôl ƀâu kah ma Brah Yêhôva.

Kan Lêvi 9:14

Păng rao proch khŭng jêh ri lĕ jâng jêh nây djôt su ta klơ ndơ ƀư brah gŭch ta ntŭk nơng ƀư brah.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Nau Kơp Bunuyh 15:3

jêh ri nôk khân may nhhơr ma Brah Yêhôva ndrôk mâu lah biăp nâm bu du ndơ ƀư brah nhhơr ma ŭnh sa, geh n'hôl ƀâu kah ma Brah Yêhôva, mâu lah ndơ ƀư brah gŭch, mâu lah mpa ƀư brah gay ƀư nanê̆ nau ton mâu lah ndơ ƀư brah ma nau ŭch, mâu lah ndơ ƀư brah tâm lĕ yan nau rƀŭn,

Nau Kơp Bunuyh 28:11

“Ăp tơ̆ bôk khay, ăn may nhhơr ma Brah Yêhôva bar mlâm ndrôk nkuăng rah, du mlâm biăp nkuăng jêh ri pơh mlâm biăp kon nkuăng bêng du năm mâu geh ôh ntŭk mhĭk jêng ndơ ƀư brah gŭch;

Nau Kơp Bunuyh 28:7

Ndơ nhhơr nhêt mra jêng du lit ndrănh ma ăp biăp kon. May nhhơr hom ndơ nhhơr nhêt ma Brah Yêhôva tâm Ntŭk Kloh Ueh.

Nau Kơp Bunuyh 28:8

May nhhơr hom du mlâm biăp kon êng ri dăch kêng măng nđâp ma ndơ ƀư brah rnih môi jêh ri ndơ nhhơr nhêt tâm ban ma ơm ôi. Nĕ jêng du ndơ ƀư brah ăn ŭnh sa nhhơr geh n'hôl ƀâu kah, maak ma Brah Yêhôva.”

II Kôrintô 2:15

Yorlah hên jêng n'hôl ƀâu kah Brah Krist nhhơr ma Brah Ndu, ta nklang phung bunuyh geh nau rklaih jêh ri phung bunuyh geh nau rai yot.

Êphêsô 5:2

Hăn hom tâm nau rŏng nâm bu Brah Krist rŏng jêh ma he, Păng jao săk jăn Păng yor he, nâm bu du ndơ nhhơr jêh ri mpa ƀư brah n'hôl ƀâu kah nhhơr ma Brah Ndu.

Nau Vay Nkah Tay 12:27

jêh nây nhhơr lĕ puăch jêh ri mham păng ƀư ndơ ƀư brah gŭch ta klơ nơng ƀư Brah Yêhôva Brah Ndu khân may. Lĕ mham mpa ƀư brah ăn khân may nkhŭt ta klơ nơng ƀư Brah Yêhôva Brah Ndu, bi puăch khân may dơi vay sa.

Philip 4:18

Gâp hŏ geh bêng tŏng jêh ri geh rmeh ler. Gâp hŏ dơn jêh bêng tŏng ndơ khân may njuăl ma gâp bơh Y-Êpaphôdit, nâm bu du ndơ nhhơr n'hôl ƀâu kah, du mpa ƀư brah Brah Ndu maak dơn jêh ri ueh nuih n'hâm ma Păng.