Kan Lêvi 1:17 - Nau Brah Ndu Ngơi 2023

¹⁷ jêh nây bu mra nkhêk bar năr sĭm nây, ƀiălah mâu nkhêk tăch ôh. Kôranh ƀư brah mra gŭch păng ta klơ nơng ƀư brah ta ntŭk ŭnh dôl hit. Nĕ jêng ndơ ƀư brah gŭch, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.’”

Kan Lêvi 1:17 ပူးပေါင်းရင်းမြစ်များ

Nau Ntơm 15:10

Y-Abram nhhơr ma Păng lĕ rngôch ndơ nây, blah khân păng jêng bar buh jêh ri dơm du đah pa aơ tâm tham đah du đah pa tê̆, ƀiălah mâu blah ôh lĕ ntil sĭm.

Nau Ntơm 8:21

Brah Yêhôva maak dơn nau n'hôl ƀâu kah jêh ri mĭn êng: “Gâp mâu mra rtăp rak neh ntu đŏng ôh yor ma phung bunuyh, nđâp lah nau mĭn phung bunuyh djơh mhĭk ntơm bơh păng hôm mom. Gâp mâu mra ƀư rai đŏng ôh lĕ rngôch mpa rêh tâm ban ma Gâp hŏ ƀư jêh.

Nau Mprơ Ơm 16:10

Yorlah Kôranh Brah mâu mra chalơi huêng gâp tâm ƀon phung khĭt; Mâu đŏng ăn phung răp jăp May saơ môch.

Kan Lêvi 1:13

Ăn nơm nây ăt sŏk dak rao proch khŭng jêh ri jâng, jêh nây kôranh ƀư brah djôt lĕ rngôch ndơ nây gŭch ta klơ nơng ƀư brah. Nĕ jêng ndơ ƀư brah gŭch, jêng mpa ƀư brah ăn ŭnh sa, jêng du mpa ƀư brah ăn ŭnh sa gay nhhơr, geh n'hôl ƀâu kah ƀư maak nuih n'hâm ma Brah Yêhôva.

Kan Lêvi 2:2

jêh nây njŭn ma phung kon sau Y-Arôn, jêng phung kôranh ƀư brah. Kôranh ƀư brah mra sŏk du mbăt rnih môi, dak ngi jêh ri lĕ rngôch dak si ƀâu kah jêh nây su ta klơ nơng nâm bu ntĭt lĕ rngôch ndơ ƀư brah rnih môi. Nĕ jêng ndơ ƀư brah ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

Kan Lêvi 3:5

Phung kon sau Y-Arôn mra gŭch lĕ ndơ nây ta nơng ƀư brah ndrel ma ndơ ƀư brah gŭch hŏ n'gân ta klơ long dôl hit ŭnh. Nĕ jêng du ntil ndơ ƀư brah ăn ŭnh sa, geh n'hôl ƀâu kah ƀư maak nuih n'hâm Brah Yêhôva.

Kan Lêvi 5:8

Păng mra djôt du kôp sĭm nây ma kôranh ƀư brah. Lor lơn, ăn kôranh ƀư brah nhhơr sĭm ƀư ndơ ƀư brah chuai nau tih. Păng mra juet trô ko sĭm, ƀiălah mâu ăn bôk sĭm tăch ôh,

Kan Lêvi 6:14

Aơ jêng nau vay ma ndơ ƀư brah rnih môi: Du huê kôranh ƀư brah jêng noi deh Y-Arôn mra nhhơr ndơ ƀư brah nây tanăp Brah Yêhôva, ta nơng ƀư brah.

Kan Lêvi 8:21

Jêh bu rao kloh proch khŭng jêh ri nglik ma dak, Y-Môis djôt gŭch lĕ biăp nkuăng ta klơ nơng ƀư brah. Nĕ jêng ndơ ƀư brah gŭch ăn ŭnh sa, geh n'hôl ƀâu kah ma Brah Yêhôva, tĭng nâm Brah Yêhôva hŏ ntăm jêh ma Y-Môis.

Kan Lêvi 9:13

Khân păng djôt đŏng puăch ndơ ƀư brah gŭch hŏ koh jêh âk rngơl nđâp ma bôk gay păng su lĕ rngôch ndơ nây ta klơ nơng ƀư brah.

Nau Kơp Bunuyh 15:3

jêh ri nôk khân may nhhơr ma Brah Yêhôva ndrôk mâu lah biăp nâm bu du ndơ ƀư brah nhhơr ma ŭnh sa, geh n'hôl ƀâu kah ma Brah Yêhôva, mâu lah ndơ ƀư brah gŭch, mâu lah mpa ƀư brah gay ƀư nanê̆ nau ton mâu lah ndơ ƀư brah ma nau ŭch, mâu lah ndơ ƀư brah tâm lĕ yan nau rƀŭn,

Nau Kơp Bunuyh 28:8

May nhhơr hom du mlâm biăp kon êng ri dăch kêng măng nđâp ma ndơ ƀư brah rnih môi jêh ri ndơ nhhơr nhêt tâm ban ma ơm ôi. Nĕ jêng du ndơ ƀư brah ăn ŭnh sa nhhơr geh n'hôl ƀâu kah, maak ma Brah Yêhôva.”

Mathay 27:50

Brah Yêsu nter du tong dŭt ktang đŏng, jêh nây tăch n'hâm.

Yôhan 19:30

Lah Brah Yêsu hŏ dơn jêh dak srat nây, Păng lah: “Lĕ rngôch nau kan hŏ lôch jêh!” Jêh nây Păng kŭnh bôk, tăch n'hâm.

Samƀŭt Pôl Njuăl Ăn Ma Phung Nsing Ta Ƀon Rôm 4:25

Bu jao Păng ma nau mhĭk yor nau tih he, jêh ri Păng hŏ ăn dâk rêh tay jêh gay ma he dơi kơp sŏng srăng.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;