Kan Lêvi 1:10 - Nau Brah Ndu Ngơi 2023

¹⁰ Tơlah ndơ bunuyh nây nhhơr jêng ndơ ƀư brah gŭch ma mpô mpa rong jê̆, mâu lah biăp mâu lah be, ăn păng nhhơr du mlâm mpô mpa nkuăng mâu geh têl khap ôh.

Kan Lêvi 1:10 ပူးပေါင်းရင်းမြစ်များ

Nau Ntơm 4:4

Bi Y-Abel nhhơr biăp deh dak bôk tâm mpôl păng jêng ndơ dŭt kah. Brah Yêhôva dơn Y-Abel jêh ri ndơ păng nhhơr,

Nau Ntơm 8:20

Rnôk nây Y-Nôê ndâk du nơng ƀư brah ma Brah Yêhôva. Păng nhŭp lĕ rngôch mpa kloh jêh ri lĕ rngôch sĭm kloh gay nhhơr ndơ ƀư brah gŭch ta klơ nơng nây.

Nau Ngluh Êjipt 12:5

Nhŭp hom tâm mpôl phung biăp mâu lah tâm mpôl phung be khân may, du mlâm biăp kon nkuăng mâu lah be kon nkuăng tâm du năm, mâu geh têl khap ôh;

Êsêkiêl 43:22

Ta nar năng bar, ăn may nhhơr du mlâm be nkuăng mâu geh sôt ƀư ndơ ƀư brah chuai nau tih, jêh ri nơng ƀư brah mra dơi geh nau kloh nâm bu ƀư kloh jêh ma ndrôk nkuăng.

Kan Lêvi 14:10

Ta nar tal pham, păng mra nhŭp bar mlâm biăp nkuăng mâu têl khap ôh, du mlâm biăp me du năm mâu têl khap, pe kilô rnih môi tâm pot dak ngi ƀư ndơ ƀư brah rnih môi jêh ri du kô̆ tâm pe lit dak ngi.

Kan Lêvi 16:3

Y-Arôn mra lăp tâm Ntŭk Dŭt Kloh Ueh kơt aơ: Ăn păng têk du mlâm ndrôk nkuăng kon jêng ndơ ƀư brah chuai nau tih jêh ri du mlâm biăp nkuăng jêng ndơ ƀư brah gŭch.

Kan Lêvi 16:5

Y-Arôn dơn đŏng ndơ bơh phung Israel tâm rƀŭn, bar mlâm be nkuăng jêng ndơ ƀư brah chuai nau tih jêh ri du mlâm biăp nkuăng jêng ndơ ƀư brah gŭch.

Kan Lêvi 22:19

ăn khân păng nhhơr du mlâm mpa nkuăng mâu geh têl khap ôh nhŭp tă bơh phung ndrôk, mâu lah biăp kon mâu lah be me.

Kan Lêvi 23:12

Ăt tâm nar nây khân may nhhơr nchăp ba ma nau vay ƀư ndơ̆ đah aơ ndơ̆ đah ri, ăn khân may nhhơr du mlâm kon biăp nkuăng geh du năm mâu geh têl khap gay ƀư ndơ ƀư brah gŭch ma Brah Yêhôva,

Kan Lêvi 3:1

“‘Mbu nơm ŭch nhhơr ndơ ƀư brah đăp mpăn ma ndrôk nkuăng mâu lah ndrôk me, nhhơr hom tanăp Brah Yêhôva du mlâm ndrôk mâu geh têl khap ôh.

Kan Lêvi 4:23

Tơlah păng gĭt năl jêh nau tih păng hŏ ƀư, ăn păng njŭn du mlâm be nkuăng mâu geh têl khap ôh gay ƀư ndơ nhhơr.

Kan Lêvi 4:3

Tơlah păng jêng kôranh ƀư brah toyh lơn dơn jêh nau bu tŏ dak ngi, ƀiălah păng ƀư tih njŭn ma phung ƀon lan khan tâm nau tih, yor nau tih păng hŏ ƀư nây, kôranh ƀư brah nây nhhơr hom ma Brah Yêhôva du mlâm ndrôk mâu geh ntŭk têl khap ôh, gay ƀư mpa ƀư brah chuai nau tih.

Kan Lêvi 5:15

“Tơlah geh du huê mâu răp jăp ôh, lăn ƀư tih yorlah mâu nhhơr drăp ndơ prăp ma Brah Yêhôva, yorlah nau tih păng ƀư tih jêh, ăn păng nhhơr ma Brah Yêhôva du mlâm biăp nkuăng mâu têl khap ôh nhŭp tă bơh mpô mpa rong, kơp rnoh ma sêkel prăk tĭng nâm sêkel di ngăn ta Ntŭk Kloh Ueh. Nĕ jêng ndơ ƀư brah chuai nau ƀư tih.

Kan Lêvi 9:2

jêh ri lah ma Y-Arôn: “Nhŭp hom du mlâm ndrôk nkuăng ƀư ndơ ƀư brah chuai nau tih, du mlâm biăp nkuăng ƀư ndơ ƀư brah gŭch; lĕ bar mlâm mâu geh têl khap ôh jêh ri nhhơr tanăp Brah Yêhôva.

Malachi 1:14

“Di ma nau rtăp rak ma nơm mƀruh nchơt! Tâm phung mpô mpa păng geh mpa nkuăng ueh nau păng ton jêh, ƀiălah păng nkhơng djôt leo mpô mpa kuet rvĕn jêng mpa ƀư brah nhhơr ăn ma Kôranh Brah!” Brah Yêhôva ma phung tahan lah: “Yorlah Gâp jêng nơm Hađăch Dŭt Toyh, amoh Gâp jêng khư ma nau klach ta nklang lĕ bri dak.”

Nau Kơp Bunuyh 15:5

Ăp mlâm biăp dŏng ma ndơ ƀư brah gŭch mâu lah ndơ ƀư brah êng, may nhhơr hom du lit ndrănh ƀư ndơ nhhơr nhêt.

Nau Kơp Bunuyh 19:2

“Aơ jêng nau vay dăp bơh nau vay Brah Yêhôva hŏ ntăm jêh: ‘Ngơi hom ma phung ƀon lan Israel, ăn khân păng têk leo ma may du mlâm ndrôk me guh mâu geh ntŭk kuet rôi ôh, mâu geh têl khap ôh jêh ri mâu mâp nkuăk mâng mbăk.

Nau Kơp Bunuyh 6:14

păng nhhơr hom ndơ ƀư brah ăn ma Brah Yêhôva, geh du mlâm biăp nkuăng du năm mâu geh têl khap ôh jêng ndơ ƀư brah gŭch, du mlâm biăp me du năm mâu geh têl khap ôh jêng ndơ ƀư brah chuai nau tih jêh ri du biăp nkuăng mâu geh têl khap jêng ndơ ƀư brah ma nau đăp mpăn,

Yôhan 1:29

Nar ôi taơ, Y-Yôhan saơ Brah Yêsu văch ta păng, păng lah pô aơ: “Ri Kon Biăp Brah Ndu, jêng Nơm sŏk lơi nau tih neh ntu!

I Pêtrôs 1:19

ƀiălah ma mham khlay Brah Krist, nâm bu mham du mlâm kon biăp geh ntŭk kuet, mâu geh têl khap,