I Yôhan 5:4 - Nau Brah Ndu Ngơi 2023

⁴ Yorlah mbu nơm deh tă bơh Brah Ndu dơi đah neh ntu; nau ƀư ma he dơi đah neh ntu jêng nau he chroh.

Bunong Bible Latin Script Cambodian dialect

⁴ Dâng lĕ bunuyh i lĕ jêng kon Kôranh Brah, jêng phung i lĕ dơi jêh bơh nau djơh ta neh ntu dja, jêh ri nau dơi bơh nau djơh i nây tă bơh nau bân nsing ma Brah Krist.

Bunong

⁴ ទឹង​លែៈ​ឞូនុយ្ស​អី​លែៈ​ជេង​ក៝ន​កោរាញ​ឞ្រាស ជេង​ផូង​អី​លែៈ​ទើយ​ជេស​ឞើស​នាវ​អ្យើស​តា​នែស​នតូ​អ្យា ជេសរី​នាវ​ទើយ​ឞើស​នាវ​អ្យើស​អី​នៃ​តាៈ​ឞើស​នាវ​ឞ៝ន់​ញឆីង​មា​ឞ្រាស​ក្រីស  ។

I Yôhan 5:4 ပူးပေါင်းရင်းမြစ်များ

Yôhan 1:13

jêng phung bunuyh deh mâu di deh tă bơh mham, mâu lah tă bơh nglay săk kơnh, mâu lah tă bơh nau bunuyh ŭch, ƀiălah tă bơh Brah Ndu.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Yôhan 3:3

Brah Yêsu lah: “Nanê̆ ngăn, Gâp lah ngăn ma may, tơlah du huê bunuyh mâu deh mhe tay, mâu dơi saơ ƀon bri hađăch Brah Ndu ôh.”

I Kôrintô 15:57

Ƀiălah lah ueh ma Brah Ndu ăn ma he nau dơi tă bơh Kôranh Brah he jêng Brah Yêsu Krist.

I Yôhan 2:29

Tơlah khân may gĭt Păng jêng sŏng srăng, gĭt năl hom ma mbu nơm ƀư nau sŏng srăng jêng luh tă bơh Păng da dê.

I Yôhan 3:9

Mbu nơm deh tă bơh Brah Ndu, mâu ƀư tih ôh; yor găr ntil Brah Ndu gŭ tâm bunuyh nây; bunuyh nây mâu dơi ƀư tih tay đŏng ôh, yorlah păng deh tă bơh Brah Ndu.

I Yôhan 4:4

Hơi phung kon jê̆, khân may jêng phung Brah Ndu jêh ri dơi đah khân păng jêh, yorlah Nơm gŭ tâm khân may jêng toyh lơn ma nơm gŭ tâm neh ntu.

I Yôhan 5:1

Mbu nơm chroh ma Brah Yêsu jêng Brah Krist geh nau deh jêh tă bơh Brah Ndu; mbu nơm rŏng ma Nơm deh jêh ma păng, ăt rŏng ma bunuyh deh jêh bơh Nơm nây tâm ban lĕ.

I Yôhan 5:18

He gĭt mbu nơm deh jêh tă bơh Brah Ndu mâu ƀư tih ôh, yorlah Nơm deh jêh bơh Brah Ndu mât mray bunuyh nây, jêh ri brah mhĭk mâu pah bi bunuyh nây ôh.

I Yôhan 5:5

Mbu nơm dơi jêh đah neh ntu, mâu di hĕ jêng nơm chroh ma Brah Yêsu jêng Kon Brah Ndu?

Nau Tâm Mpơl 12:11

Khân păng geh nau dơi yor mham Kon Biăp, Jêh ri yor nau khân păng mbơh nkoch; Khân păng mâu nhhuach nau rêh khân păng nơm ma tât nau khĭt.

Nau Tâm Mpơl 15:2

Gâp saơ du ndơ nâm bu dak mƀŭt măt rchŏk tâm rlŭk đah ŭnh, phung bunuyh dơi jêh đah mpô mpa dŭt janh jêh ri rup păng ndrel ma mrô amoh păng gŭ dâk êp meng ta dak mƀŭt măt rchŏk, nđâp ma lĕ gong rêng Brah Ndu tâm ti khân păng.

Nau Tâm Mpơl 2:11

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm dơi mâu mra geh nau mhĭk tă bơh nau khĭt rơh bar ôh.’ ”

Nau Tâm Mpơl 2:17

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Mbu nơm mra dơi, Gâp mra ăn mana pôn ndâp; Gâp mra ăn ma bunuyh nây du lŭ jê̆ nglang, ta lŭ nây bu nchih jêh du amoh mhe, mâu geh bunuyh gĭt ôh, knŏng nơm sŏk dơn dơm dơi gĭt.’ ”

Nau Tâm Mpơl 2:26

Mbu nơm dơi jêh ri djôt prăp lĕ nau kan Gâp kŏ tât nglĕ dŭt, Gâp mra ăn bunuyh nây nau dơi klơ lĕ bri dak;

Nau Tâm Mpơl 2:7

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Ma mbu nơm mra dơi, Gâp mra ăn păng sa play bơh tơm si nau rêh tâm Parađi Brah Ndu.’ ”

Nau Tâm Mpơl 3:12

Mbu nơm mra dơi, Gâp mra ăn ƀư meh n'gâng tâm ngih brah Brah Ndu Gâp; jêh ri bunuyh nây mâu mra luh bơh nĕ. Gâp mra nchih ta klơ bunuyh nây: amoh Brah Ndu Gâp, amoh ƀon Brah Ndu Gâp — ƀon Yêrusalem mhe, gŭ ta klơ trôk, bơh Brah Ndu hăn jŭr — jêh ri amoh mhe Gâp.

Nau Tâm Mpơl 3:21

Mbu nơm dơi, Gâp mra ăn păng gŭ ndrel ma Gâp ta sưng hađăch Gâp, nâm bu Gâp nơm hŏ dơi jêh, jêh ri gŭ ndrel ma Mbơ̆ Gâp ta sưng hađăch Păng.

Nau Tâm Mpơl 3:5

Mbu mra dơi, mra soh ao nglang tâm ban pônây; Gâp mâu mra jut lơi amoh bunuyh nây bơh ndrom samƀŭt nau rêh, jêh ri mra mbơh amoh bunuyh nây tanăp Mbơ̆ Gâp jêh ri tanăp phung tông mpăr Păng.