I Yôhan 2:7 - Nau Brah Ndu Ngơi 2023

⁷ Hơi phung gâp rŏng, aơ mâu geh nau vay ntăm mhe ôh gâp nchih ma khân may, ƀiălah nau vay ntăm ơm khân may geh jêh ntơm bơh kăl e. Nau vay ntăm ơm aơ jêng nau ngơi khân may tăng jêh.

Bunong Bible Latin Script Cambodian dialect

⁷ Ơ phung i gâp rŏng, gâp mâu geh ôh nchih nau đă mhe ăn ma khân ay may, gâp nchih nau đă ơm, jêng nau đă i khân ay may lĕ năl bơh ntơm. Jêh ri nau đă ơm i nây, đă ăn rŏng ma bu, jêng nau mbơh nkoch i khân ay may lĕ vay tăng jêh.

Bunong

⁷ អើ​ផូង​អី​គ៝ប់​រ៝ង់ គ៝ប់​មោ​គែស​អោស​ញចីស​នាវ​ដាៈ​មហែ​អ៝ន់​មា​ខាន់​អៃ​មៃ គ៝ប់​ញចីស​នាវ​ដាៈ​អើម ជេង​នាវ​ដាៈ​អី​ខាន់​អៃ​មៃ​លែៈ​នាល់​ឞើស​នតើម។ ជេសរី​នាវ​ដាៈ​អើម​អី​នៃ ដាៈ​អ៝ន់​រ៝ង់​មា​ឞូ ជេង​នាវ​មឞើស​ងក៝ច​អី​ខាន់​អៃ​មៃ​លែៈ​វៃ​តាង់​ជេស។

I Yôhan 2:7 ပူးပေါင်းရင်းမြစ်များ

Kan Lêvi 19:18

Lơi ta plơng har, mâu lah anh nau ji nuih ma phung ƀon lan khân may ôh, ƀiălah rŏng hom phung chiau meng tâm ban ma khân may nơm. Gâp jêng Brah Yêhôva.

Kan Lêvi 19:34

Phung bu năch gŭ njưh ndrel ma khân may ăn khân may uănh nâm bu bunuyh ƀon tơm; ăn khân may rŏng ma khân păng nâm bu khân may nơm lĕ, yorlah khân may hŏ tă jêng phung bu năch gŭ tâm n'gor Êjipt. Gâp jêng Yêhôva Brah Ndu khân may.

Mathay 5:43

Khân may tăng jêh nau nti pô aơ: ‘Rŏng hom bunuyh chiau meng, jêh ri tâm rmot hom bunuyh rlăng đah may.’

Yôhan 13:34

Gâp ăn nau vay mhe ntăm ma khân may, ăn khân may tâm rŏng ndrăng khân may nơm. Tâm ban ma Gâp rŏng jêh ma khân may, ăn khân may tâm rŏng ndrăng khân may nơm tâm ban lĕ.

Kôranh Oh Mon 17:19

Khân păng nhŭp Y-Pôl njŭn leo ta Arêôpa jêh ri ôp pô aơ: “Dơi lĕ may ăn hên gĭt moh nau nti mhe may nkoch nây?

Nau Vay Nkah Tay 6:5

Ăn khân may yơk rŏng ma Yêhôva Brah Ndu khân may ma lĕ nuih n'hâm, ma lĕ huêng, jêh ri ma lĕ n'hâm suan.

ហេឞ្រើ 6:9

Ơ phung oh nâu hên rŏng ngăn ngên, nđâp tơlah hên ngơi pônây, ƀiălah hên gĭt nanê̆ ma lĕ nau kan ueh lơn bơh phung oh nâu, jêng lĕ ndơ ndrel ma nau tâm rklaih.

I Yôhan 2:24

Mpeh khân may, djôt prăp hom nau khân may tăng jêh ntơm bơh saơm gŭ tâm khân may. Tơlah nau khân may tăng jêh ntơm bơh saơm gŭ tâm khân may ƀaƀơ, khân may mra gŭ tâm Kon jêh ri tâm Mbơ̆.

I Yôhan 3:11

Nau mbơh khân may tăng jêh ntơm bơh saơm, nây jêng: Ăn he tâm rŏng ndrăng he.

I Yôhan 3:2

Hơi phung gâp rŏng, aƀaơ he jêng kon Brah Ndu; bi mâm nau he mra jêng ê hŏ tâm mpơl ôh. He gĭt tơlah Păng tâm mpơl, he mra tâm ban ma Păng, yorlah he mra saơ Păng nâm bu Păng ơm geh kơt nây.

I Yôhan 3:21

Hơi phung gâp rŏng, tơlah nuih n'hâm he mâu nduyh he ôh, he geh nuih n'hâm nâp văch tanăp Brah Ndu;

I Yôhan 3:23

Jêh ri aơ nau vay Păng ntăm: Ăn he chroh ma amoh Kon Păng jêng Brah Yêsu Krist jêh ri ăn he rŏng ndrăng he, nâm bu nau Păng hŏ ntăm nti jêh ma he.

I Yôhan 4:1

Hơi phung gâp rŏng, lơi chroh ôh ma lĕ rngôch brah huêng, ƀiălah lŏng nâl uănh phung brah huêng nây, geh tât tă bơh Brah Ndu mâu lah mâu, yorlah geh âk nơm mbơh lor nklă mpơl jêh tâm neh ntu.

I Yôhan 4:11

Hơi phung gâp rŏng, tơlah Brah Ndu rŏng jêh ma he kơt nĕ, ăn he tâm rŏng lĕ ndrăng he.

I Yôhan 4:21

He dơn jêh tă bơh Păng nau vay ntăm aơ: Mbu nơm rŏng ma Brah Ndu, ăn păng rŏng ma oh nâu păng nơm tâm ban lĕ.

I Yôhan 4:7

Hơi phung gâp rŏng, ăn he tâm rŏng ndrăng he, yorlah nau rŏng văch tă bơh Brah Ndu. Mbu nơm rŏng deh jêh tă bơh Brah Ndu jêh ri gĭt năl Brah Ndu.