I Yôhan 2:5 - Nau Brah Ndu Ngơi 2023

⁵ Ƀiălah mbu nơm tông djôt prăp nau Păng ngơi, nau Brah Ndu rŏng jêng rah vah ngăn tâm bunuyh nây. Ma nau nĕ yơh he gĭt, he nơm gŭ tâm Păng.

Bunong Bible Latin Script Cambodian dialect

⁵ Yơn ma bu moh i ndjôt tâng nau Kôranh Brah, nau rŏng Kôranh Brah gŭ ta bunuyh i nây ngăn ro. Mơm dâng bân dơi gĭt bân lĕ gŭ ndrel Kôranh Brah?

Bunong

⁵ យើន​មា​ឞូ​ម៝ស​អី​ញអោត​តឹង​នាវ​កោរាញ​ឞ្រាស នាវ​រ៝ង់​កោរាញ​ឞ្រាស​គុ​តា​ឞូនុយ្ស​អី​នៃ​ងាន់​រ៝។ មើម​ទឹង​ឞ៝ន់​ទើយ​គឹត​ឞ៝ន់​លែៈ​គុ​នទ្រែល​កោរាញ​ឞ្រាស?

I Yôhan 2:5 ပူးပေါင်းရင်းမြစ်များ

Nau Mprơ Ơm 105:45

Gay ma khân păng djôt prăp nau vay Păng, Jêh ri tông nau vay Păng. Halêluya!

Nau Mprơ Ơm 106:3

Ueh maak yơh mbu nơm djôt prăp nau di Jêh ri ƀư ƀaƀơ nau sŏng srăng!

Nau Mprơ Ơm 119:146

Gâp kuăl mbơh sơm ma May, rklaih hom gâp Jêh ri gâp mra mât mray lĕ nau May ntĭnh.

Nau Mprơ Ơm 119:2

Ueh maak yơh phung djôt prăp nau Păng ntĭnh. Jêh ri tĭng joi Păng ma lĕ nuih n'hâm.

Nau Mprơ Ơm 119:4

May hŏ ntăm jêh nau vay ntăm bơh May ma hên Gay ma hên njrăng djôt prăp.

Nau Hôr 28:7

Mbu nơm djôt prăp nau vay jêng du huê kon blau mĭn, Bi ma nơm ƀư băl đah phung blă blơ ƀư bêk mbơ̆ păng nơm.

Nau Hôr 8:32

Pôri aƀaơ, hơi phung kon, iăt hom gâp! Ueh maak ngăn ma phung djôt prăp tĭng ndô̆ trong gâp.

Nơm Nti 8:5

Bunuyh tông nau ntrŭnh bơh hađăch mâu mra mâp nau mâu ueh, Jêh ri nuih n'hâm bunuyh blau mĭn dơi gĭt mông găl jêh ri gĭt nau ndrăp ƀư.

Êsêkiêl 36:27

Gâp mra dơm Huêng Brah Gâp tâm khân may jêh ri ăn khân may chuat tĭng nau vay ntăm bơh Gâp, pôri khân may mra djôt prăp nau vay ƀư bơh Gâp jêh ri tĭng ƀư.

Luka 11:28

Ƀiălah Păng lah: “Phung iăt jêh ri djôt prăp nau Brah Ndu ngơi geh ueh lăng rlau lơn!”

Yôhan 14:21

Mbu nơm geh nau vay Gâp jêh ri djôt prăp, nơm nây yơh rŏng ma Gâp. Mbu nơm rŏng ma Gâp Mbơ̆ Gâp mra rŏng ma păng, Gâp mra rŏng ma păng lĕ, jêh ri tâm mpơl Gâp nơm ma păng.”

Yôhan 14:23

Brah Yêsu plơ̆ lah: “Lah mbu nơm rŏng ma Gâp, păng mra djôt prăp nau Gâp ngơi, Mbơ̆ Gâp mra rŏng ma păng, Mbơ̆ Gâp ndrel ma Gâp mra văch ma păng jêh ri gŭ ndrel ma păng.

Yôhan 15:5

Gâp jêng tơm krăk ƀâu, khân may jêng n'gĭng. Mbu nơm gŭ tâm Gâp, jêh ri Gâp gŭ tâm păng, păng nây geh play âk ngăn, yorlah mâu geh Gâp khân may mâu dơi ƀư du ntil ndơ ôh.

Yôhan 6:56

Mbu nơm sa nglay săk Gâp jêh ri nhêt dak mham Gâp ri mơ gŭ tâm Gâp, jêh ri Gâp gŭ tâm bunuyh nây.

Samƀŭt Pôl Njuăl Ăn Ma Phung Nsing Ta Ƀon Rôm 8:1

Pôri aƀaơ aơ, mbu nơm gŭ tâm Brah Yêsu Krist mâu mra hôm geh nau tâm rmal ôh;

I Kôrintô 1:30

Yor ma Păng khân may gŭ jêh tâm Yêsu Krist, Nơm Brah Ndu hŏ njêng nau blau mĭn, nau sŏng srăng, nau kloh ueh, jêh ri nau tâm chuai ma he;

II Kôrintô 5:17

Pô ri, tơlah mbu nơm gŭ tâm Brah Krist, păng jêng bunuyh rhăk njêng mhe jêh, lĕ ndơ ơm rlau lôch jêh, aơ, lĕ rngôch ndơ jêng mhe da dê jêh.

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

Yakơ 2:22

May saơ nau nây, nau chroh hăn ndrel ma nau kan, jêh ri bơh kan nau chroh jêng nŭm rĭng.

I Yôhan 3:24

Mbu nơm tông prăp lĕ nau vay Brah Ndu ntăm gŭ tâm Păng, jêh ri Păng gŭ tâm bunuyh nây. He gĭt năl Păng gŭ tâm he ma Brah Huêng Ueh, Păng ăn jêh ma he.

I Yôhan 4:17

Tă bơh nau aơ, nau rŏng jêng nŭm rĭng tâm he gay ma he geh nuih n'hâm nâp tâm nar phat dôih; yor mâm nau Păng jêng, he jêng kơt nây đŏng tâm neh ntu aơ.

I Yôhan 4:18

Mâu geh nau klach tâm nau rŏng, ƀiălah nau rŏng nŭm rĭng mƀăr lơi nau klach. Yorlah nau klach geh tât ma nau tâm rmal, jêh ri mbu nơm klach mâu dơi nŭm rĭng tâm nau rŏng.

I Yôhan 5:2

Tă bơh nau nây, he gĭt năl ma he nơm rŏng ma phung kon Brah Ndu: Nây jêng he rŏng ma Brah Ndu jêh ri ƀư tĭng lĕ nau vay Păng ntăm.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

II Yôhan 1:6

Nau rŏng nây jêng he chuat tĭng lĕ nau vay Păng ntăm. Aơ jêng nau vay ntăm khân may hŏ tăng jêh ntơm bơh saơm, gay chuat tĭng nau nĕ.

Nau Tâm Mpơl 12:17

Mlâm bêh nhŭk nhăk ji nuih ma bu ur nây jêh ri hăn tâm lơh đah noi deh păng hôm e, nâm bu ntĭt phung djôt prăp ma lĕ nau vay Brah Ndu ntăm jêh ri geh nau mbơh Brah Yêsu.

Nau Tâm Mpơl 14:12

Aơ yơh jêng nuih n'hâm srôih phung kloh ueh, jêng phung djôt prăp lĕ nau vay Brah Ndu ntăm jêh ri nau chroh ma Brah Yêsu.