I Yôhan 2:29 - Nau Brah Ndu Ngơi 2023

²⁹ Tơlah khân may gĭt Păng jêng sŏng srăng, gĭt năl hom ma mbu nơm ƀư nau sŏng srăng jêng luh tă bơh Păng da dê.

Bunong Bible Latin Script Cambodian dialect

²⁹ Khân ay may lĕ gĭt jêh Păng jêng nơm sŏng, lah ndri khân ay may dơi gĭt n'hêl đŏng, bu moh i jan kar sŏng, lĕ jêng kon Kôranh Brah dadê đŏng.

Bunong

²⁹ ខាន់​អៃ​មៃ​លែៈ​គឹត​ជេស​ពាង់​ជេង​នើម​ឆ៝ង់ លាស​នទ្រី​ខាន់​អៃ​មៃ​ទើយ​គឹត​នហេល​ដ៝ង់ ឞូ​ម៝ស​អី​ជាន​ការ​ឆ៝ង់ លែៈ​ជេង​ក៝ន​កោរាញ​ឞ្រាស​ទាទេ​ដ៝ង់។

I Yôhan 2:29 ပူးပေါင်းရင်းမြစ်များ

Yêrêmi 13:23

Bunuyh Êthiôpi mra dơi tâm rgâl dak piâk ntâu Mâu lah yau brăch tâm rgâl nau rvanh păng? Tơlah dơi, pôri lĕ rngôch khân may jêng phung hŏ mơng ƀư mhĭk Mra dơi ƀư nau ueh.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Yôhan 1:13

jêng phung bunuyh deh mâu di deh tă bơh mham, mâu lah tă bơh nglay săk kơnh, mâu lah tă bơh nau bunuyh ŭch, ƀiălah tă bơh Brah Ndu.

Yôhan 7:18

Mbu nơm nkoch tĭng nau păng nơm ŭch jêng joi nau chrêk rmah ma păng nơm, bi mbu nơm joi nau chrêk rmah ma Nơm hŏ njuăl păng jêng bunuyh nanê̆ ngăn, tâm bunuyh nây mâu geh ôh du ntil nau kue.

Kôranh Oh Mon 10:35

ƀiălah tâm lĕ ntil mpôl bunuyh, mbu nơm klach yơk ma Kôranh Brah jêh ri ƀư nau sŏng srăng, Păng dơn bunuyh nây.

Kôranh Oh Mon 22:14

Jêh ri păng lah: ‘Brah Ndu phung che he săch jêh may ăn gĭt nau Păng ŭch, ăn saơ Nơm Sŏng Srăng, jêh ri ăn iăt nau tă bơh bâr mbung Păng ngơi.

Kôranh Oh Mon 3:14

Khân may dun jêh Nơm Kloh Ueh jêh ri Nơm Sŏng Srăng, ƀiălah khân may dăn yô̆ an ma khân may du huê nơm vay nkhĭt bunuyh.

II Kôrintô 5:21

Brah Ndu hŏ ƀư jêh Nơm mâu mâp gĭt năl ôh nau tih plơ̆ jêng nau tih yor he, gay tâm Nơm nây he plơ̆ jêng nau sŏng srăng tanăp Brah Ndu.

ហេឞ្រើ 7:2

Y-Abraham sŏk jêh du kô̆ tâm jât bơh lĕ rngôch drăp ndơ păng nơm geh gay nhhơr ma hađăch. Amoh hađăch nây, lor lơn geh ntĭt jêng “hađăch nau sŏng srăng”, jêh ri ăt jêng hađăch ma ƀon Salem, nâm bu ntĭt “hađăch nau đăp mpăn”.

ហេឞ្រើ 7:26

N'hêl nanê̆ ngăn, Păng jêng kôranh ƀư brah toyh jêng Nơm he ŭch: kloh ueh, mâu geh nau tih, mâu geh nau ƀơ̆, tâm nkhah jêh đah phung tih, geh nau n'hao prêh rlau lơn ma lĕ ndâr trôk.

Yakơ 1:18

Păng hŏ dŏng nau ngơi ngăn deh he tĭng nâm nau Păng mĭn gay ma he jêng du ntil play bôk yan tâm lĕ rngôch ndơ Păng njêng.

I Pêtrôs 1:23

Khân may geh jêh nau deh mhe tay, mâu di ma găr ntil blau rai yot, ƀiălah găr ntil mâu hôm blau ôm rai, nây jêng nau ngơi gŭ rêh mro mrăng jêh ri nâp ngăn bơh Brah Ndu.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

II Pêtrôs 1:4

Tă bơh nau chrêk rmah jêh ri nau ueh nây, Păng ăn jêh ma he lĕ nau ton toyh jêh ri dŭt khlay, gay tă bơh nĕ khân may dơi der luh bơh nau djơh mhĭk tâm neh ntu tă bơh nau kơnh mhĭk, jêh ri plơ̆ jêng bunuyh geh kô̆ tâm nau ŭch ta klơ trôk.

I Yôhan 2:1

Hơi phung kon jê̆ lê̆ gâp, gâp nchih lĕ nau aơ ma khân may gay ma khân may mâu ƀư tih. Ƀiălah tơlah bu ƀư tih, he geh du huê Nơm tâm kơl đah Kôranh Brah Mbơ̆ jêng Brah Yêsu Krist, Nơm Sŏng Srăng.

I Yôhan 3:5

Khân may gĭt Păng tâm mpơl jêh gay sŏk lơi nau tih; tâm Păng mâu geh nau tih ôh.

I Yôhan 3:7

Hơi phung kon jê̆, lơi ăn bu ndơm khân may ôh. Mbu nơm ƀư nau sŏng srăng jêng nơm sŏng srăng, nâm bu Brah Ndu jêng sŏng srăng.

I Yôhan 4:7

Hơi phung gâp rŏng, ăn he tâm rŏng ndrăng he, yorlah nau rŏng văch tă bơh Brah Ndu. Mbu nơm rŏng deh jêh tă bơh Brah Ndu jêh ri gĭt năl Brah Ndu.

I Yôhan 5:1

Mbu nơm chroh ma Brah Yêsu jêng Brah Krist geh nau deh jêh tă bơh Brah Ndu; mbu nơm rŏng ma Nơm deh jêh ma păng, ăt rŏng ma bunuyh deh jêh bơh Nơm nây tâm ban lĕ.

I Yôhan 5:18

He gĭt mbu nơm deh jêh tă bơh Brah Ndu mâu ƀư tih ôh, yorlah Nơm deh jêh bơh Brah Ndu mât mray bunuyh nây, jêh ri brah mhĭk mâu pah bi bunuyh nây ôh.

I Yôhan 5:4

Yorlah mbu nơm deh tă bơh Brah Ndu dơi đah neh ntu; nau ƀư ma he dơi đah neh ntu jêng nau he chroh.

III Yôhan 1:11

Hơi nơm gâp rŏng, lơi kơt nau mhĭk ôh, ƀiălah kơt nau ueh. Mbu nơm ƀư nau ueh jêng bunuyh Brah Ndu; ƀiălah mbu nơm ƀư nau mhĭk, mâu mâp saơ Brah Ndu ôh.