I Yôhan 2:25 - Nau Brah Ndu Ngơi 2023

²⁵ Jêh ri nau rêh n'ho ro jêng nau Păng hŏ ton ăn jêh ma he.

Bunong Bible Latin Script Cambodian dialect

²⁵ Păng lĕ ton ăn nau rêh n'ho ro ma bân.

Bunong

²⁵ ពាង់​លែៈ​ត៝ន​អ៝ន់​នាវ​រេស​នហ៝​រ៝​មា​ឞ៝ន់។

I Yôhan 2:25 ပူးပေါင်းရင်းမြစ်များ

Daniel 12:2

Âk bunuyh gŭ bê̆ch tâm neh muy mra dâk, geh bunuyh gay dơn nau rêh n'ho ro, geh nơm dơn nau bêk nau ƀơ̆ ƀơch n'ho ro.

Luka 18:30

ƀiălah mâu dơn âk râk tâm rnôk aơ, jêh ri geh nau rêh n'ho ro tâm rnôk pakơi.”

Yôhan 10:28

Gâp ăn ma khân păng nau rêh n'ho ro, khân păng mâu mra roh rai ôh, jêh ri mâu geh nơm pit sŏk khân păng bơh ti Gâp.

Yôhan 12:50

Gâp gĭt jêh nau Mbơ̆ ntăm nây jêng nau rêh ƀaƀơ n'ho ro. Pôri lĕ nau Gâp lah, Gâp lah tĭng nau Mbơ̆ hŏ ntăm jêh.”

Yôhan 3:15

gay mbu moh chroh ma Păng dơi nau rêh n'ho ro.

Yôhan 5:39

Khân may sek uănh joi Nau Brah Ndu Ngơi, yorlah mĭn tâm nây geh nau rêh n'ho ro. Nau Brah Ndu Ngơi nây yơh mbơh nkoch ma Gâp,

Yôhan 6:27

Lơi ôh pah kan yor ma ndơ sông sa blau ôm, ƀiălah yor ndơ sông sa hôm mro tât nau rêh n'ho ro, jêng ndơ sông sa Kon Bunuyh mra ăn khân may; yor Nơm nây, Brah Ndu jêng Mbơ̆, hŏ tâp pŏng jêh.”

Yôhan 6:40

Yor aơ jêng nau mĭn Mbơ̆ Gâp ŭch: Mbu nơm saơ Kon jêh ri chroh ma Kon mra geh nau rêh n'ho ro, Gâp mra ƀư ăn bunuyh nây dâk rêh tay tâm nar nglĕ dŭt.”

Yôhan 6:47

Nanê̆ ngăn, Gâp lah ngăn ma khân may, mbu nơm chroh mra geh nau rêh n'ho ro.

Yôhan 6:54

Mbu nơm sa nglay săk jêh ri nhêt dak mham Gâp, păng geh nau rêh n'ho ro; Gâp mra ăn păng dâk rêh tay đŏng tâm nar nglĕ dŭt.

Yôhan 6:68

Y-Simôn Pêtrôs plơ̆ lah: “Ơ Kôranh Brah, mbu moh hên mra hăn tĭng? Kôranh Brah geh nau ngơi rêh n'ho ro,

Samƀŭt Pôl Njuăl Ăn Ma Phung Nsing Ta Ƀon Rôm 2:7

Mbu nơm nâp nuih n'hâm ƀư nau ueh, tĭng joi nau chrêk rmah, nau yơk jêh ri nau mâu blau khĭt, Păng mra ăn nau rêh n'ho ro.

Samƀŭt Pôl Njuăl Ăn Ma Phung Nsing Ta Ƀon Rôm 5:21

Pônây, nau tih chiă uănh jêh ma nau khĭt, bi nau yô̆ chiă uănh ma nau sŏng srăng gay djôt leo nau rêh n'ho ro tâm Brah Yêsu Krist, Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 6:23

Yorlah rnoh nkhôm bơh nau tih jêng nau khĭt, ƀiălah nau Brah Ndu ăn jêng nau rêh n'ho ro tâm Brah Yêsu Krist, Kôranh Brah he.

Galati 6:8

Mbu nơm srih ma nglay săk mra bơh nglay săk rek nau rai yot; ƀiălah mbu nơm srih ma Brah Huêng Ueh mra bơh Brah Huêng Ueh rek nau rêh ƀaƀơ n'ho ro.

I Timôthê 1:16

Yor nĕ gâp dơn jêh nau yô̆ nđach jêng gay Brah Yêsu Krist tâm mpơl nau srôih n'hêl nanê̆ Păng tâm gâp, jêng nơm tih dak bôk, ăn gâp jêng leo trong ăn phung mra chroh ma Păng gay geh nau rêh n'ho ro.

I Timôthê 6:12

Ăn yor ma nau chroh tâm lơh janh ktang, pit sŏk nau rêh n'ho ro, jêng nau rêh Brah Ndu kuăl jêh may, jêh ri bơh nây may geh nau mbơh nkoch ueh tanăp phung mbơh.

I Timôthê 6:19

tâm ban pônây, khân păng prăp nkrem tâm nar kăndơ̆ ma khân păng nơm du mbon nâp gay ma kuăn nanê̆ nau rêh ngăn.

Titus 1:2

tâm nau kâp gân ma nau rêh n'ho ro jêng nau rêh, Brah Ndu, Nơm mâu mâp mƀruh ôh, ton jêh bơh lor lĕ rngôch rnôk,

Titus 3:7

gay ma he bơh nau Păng yô̆ dơi kơp sŏng srăng, jêng bunuyh dơn nau kâp gân ma nau rêh n'ho ro.

I Yôhan 1:2

Nau rêh nây tâm mpơl jêh; hên saơ jêh ri mbơh jêh, pôri hên mbơh ma khân may nau rêh n'ho ro ơm gŭ ndrel ma Kôranh Brah Mbơ̆, jêh ri bu mpơl jêh păng ma hên.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

Yuđas 1:21

Mât mray hom khân may nơm tâm nau Brah Ndu rŏng. Gŭ kâp hom nau yô̆ nđach bơh Kôranh Brah he jêng Brah Yêsu Krist gay geh nau rêh n'ho ro.