I Yôhan 2:13 - Nau Brah Ndu Ngơi 2023

¹³ Hơi phung mbơ̆, gâp nchih ma khân may yor khân may năl jêh Nơm jêng bunuyh ntơm saơm. Hơi phung druh ndăm, gâp nchih ma khân may yor khân may dơi jêh đah phung brah mhĭk.

Bunong Bible Latin Script Cambodian dialect

¹³ Ơ phung bu ranh i geh oh geh kon, gâp nchih samƀŭt dja njuăl ăn khân ay may Yorlah khân ay may lĕ năl jêh Brah Yêsu Krist i lĕ ơm geh bơh ntơm njêng neh ntu nơh ngăn. Ơ phung drôh ndăm, gâp nchih samƀŭt dja njuăl ăn khân ay may Yorlah khân ay may lĕ dơi jêh đah nơm djơh.

Bunong

¹³ អើ​ផូង​ឞូ​រាញ​អី​គែស​អ៝ស​គែស​ក៝ន គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ យ៝រ​លាស​ខាន់​អៃ​មៃ​លែៈ​នាល់​ជេស​ឞ្រាស​យេឆូ​ក្រីស  ​អី​លែៈ​អើម​គែស​ឞើស​នតើម​ញជេង​នែស​នតូ​នើស​ងាន់។ អើ​ផូង​ទ្រោស​នទាម់ គ៝ប់​ញចីស​ឆ៝ម់បុត​អ្យា​ញជ្វាល់​អ៝ន់​ខាន់​អៃ​មៃ យ៝រ​លាស​ខាន់​អៃ​មៃ​លែៈ​ទើយ​ជេស​ដាស​នើម​អ្យើស។

I Yôhan 2:13 ပူးပေါင်းရင်းမြစ်များ

Nau Mprơ Ơm 148:12

Phung bu klâu ndăm jêh ri bu ur druh, Phung bu ranh jêh ri kon se,

Nau Mprơ Ơm 90:2

Êlor bu deh ma phung yôk, Neh jêh ri neh ntu dơi rhăk njêng, Bơh rnôk kăl e kŏ tât n'ho ro mâu blau lôch May jêng Brah Ndu.

Nau Mprơ Ơm 91:14

Yorlah păng rŏng ma Gâp yor nây Gâp mra tâm rklaih păng; Gâp mra king n'gang păng yorlah păng gĭt năl amoh Gâp.

Nau Hôr 20:29

N'hâm suan jêng nau chrêk ma lơp phung bu klâu ndăm, Bi sŏk ndra jêng nau yơk ma bu ranh.

Yôel 2:28

“Jêh ta nây, Gâp mra nkhŭt Huêng Brah Gâp ta klơ lĕ rngôch nglay săk. Phung kon bu klâu jêh ri phung kon bu ur khân may mra mbơh lor; Phung bu ranh geh nau mbơi, Phung bu klâu ndăm mra saơ nau tâm saơ.

Sakari 9:17

Ngăn yơh, ueh reh ngăn lĕ rngôch nau ueh! Ba mra ƀư ăn dăng phung mom ndăm, Jêh ri ndrănh mhe ƀư răm maak ma phung bu ur druh.

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Mathay 13:19

Mbu tăng nau ngơi ma ƀon bri hađăch klơ trôk ƀiălah mâu gĭt rbăng ôh, brah djơh văch sŏk lơi nau bu nsrih jêh tâm nuih n'hâm păng; nây jêng nâm bu găr ntil tŭp rŏ trong.

Mathay 13:38

mir lŏ jêng neh ntu; grăp ueh jêng phung kon ƀon bri hađăch klơ trôk; gơ̆ mhĭk jêng phung kon brah djơh;

Mathay 5:37

Ƀiălah ăn may ngơi: ‘Di, di’ mâu lah ‘Mâu, mâu’ jêng tŏng. Jêh bi nau ntop moh nau jêng luh tă bơh brah mhĭk.

Luka 10:22

Mbơ̆ jao jêh lĕ rngôch nau ma Gâp. Padih Mbơ̆, mâu geh bu dơi gĭt Kon; padih Kon jêh ri mbu moh Kon ŭch tâm mpơl dơi gĭt Mbơ̆.”

Yôhan 14:7

Lah khân may gĭt năl Gâp, khân may mra gĭt năl Mbơ̆ Gâp tâm ban lĕ; ntơm bơh aƀaơ khân may gĭt năl jêh ri hŏ saơ jêh Păng.”

Yôhan 14:9

Brah Yêsu lah: “Hơi Y-Philip, Gâp gŭ ndrel ma khân may hŏ jŏ jêh, ƀiălah khân may mâu gĭt năl Gâp! Mbu nơm hŏ saơ Gâp jêng saơ jêh Mbơ̆. Mâm ƀư may lah: ‘Ntĭm Mbơ̆ ma hên ƀă’?

Yôhan 16:3

Khân păng mra ƀư lĕ nau nây yorlah khân păng mâu gĭt năl Mbơ̆, mâu gĭt Gâp đŏng.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Yôhan 17:21

gay ma lĕ rngôch jêng nguay; nâm bu Mbơ̆ gŭ tâm Kon jêh ri Kon gŭ tâm Mbơ̆, gay ma khân păng gŭ tâm He đŏng, tă bơh nĕ neh ntu chroh ma Mbơ̆ hŏ njuăl jêh Kon văch.

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Yôhan 8:19

Yor ri, khân păng ôp Brah Yêsu: “Mbah ntŭk Mbơ̆ May?” Brah Yêsu plơ̆ lah: “Khân may mâu gĭt Gâp ôh, mâu đŏng gĭt Mbơ̆ Gâp. Lah khân may gĭt năl Gâp ri mơ gĭt đŏng Mbơ̆ Gâp.”

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

I Timôthê 5:1

Lơi ngơi dăng ôh nau nduyh ma bu klâu ranh, ƀiălah bonh leng păng tâm ban ma du huê mbơ̆, gŭ ngao đah phung ndăm tâm ban ma phung oh nâu,

Titus 2:6

May đă hom ma phung bu klâu ndăm ăn gĭt blau mât njrăng săk.

I Yôhan 1:1

Nau nkoch ma nau ngơi rêh, jêng nau geh jêh ntơm bơh saơm, nau hên tăng jêh, măt hên saơ jêh, nau hên ntrŏng uănh jêh, jêh ri ti hên pah bi jêh.

I Yôhan 2:1

Hơi phung kon jê̆ lê̆ gâp, gâp nchih lĕ nau aơ ma khân may gay ma khân may mâu ƀư tih. Ƀiălah tơlah bu ƀư tih, he geh du huê Nơm tâm kơl đah Kôranh Brah Mbơ̆ jêng Brah Yêsu Krist, Nơm Sŏng Srăng.

I Yôhan 2:12

Hơi phung kon jê̆, gâp nchih ma khân may yor nau tih khân may geh nau yô̆ an jêh yor amoh Păng.

I Yôhan 2:14

Hơi phung kon jê̆ lê̆, gâp nchih ma khân may yorlah khân may gĭt năl jêh Kôranh Brah Mbơ̆. Hơi phung mbơ̆, gâp nchih ma khân may gĭt năl jêh Nơm jêng bunuyh ntơm saơm. Hơi phung druh ndăm, gâp nchih ma khân may yorlah khân may jêng ktang, nau ngơi Brah Ndu gŭ tâm khân may, jêh ri khân may dơi jêh đah phung brah mhĭk.

I Yôhan 3:12

Lơi jêng nâm bu Y-Kain jêng bunuyh luh tă bơh Brah mhĭk jêh ri nkhĭt lơi oh păng nơm. Mâm ƀư Y-Kain nkhĭt oh păng? Yorlah lĕ kan păng jêng djơh mhĭk, lĕ kan oh păng jêng sŏng srăng.

I Yôhan 4:4

Hơi phung kon jê̆, khân may jêng phung Brah Ndu jêh ri dơi đah khân păng jêh, yorlah Nơm gŭ tâm khân may jêng toyh lơn ma nơm gŭ tâm neh ntu.

I Yôhan 5:18

He gĭt mbu nơm deh jêh tă bơh Brah Ndu mâu ƀư tih ôh, yorlah Nơm deh jêh bơh Brah Ndu mât mray bunuyh nây, jêh ri brah mhĭk mâu pah bi bunuyh nây ôh.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

Nau Tâm Mpơl 12:11

Khân păng geh nau dơi yor mham Kon Biăp, Jêh ri yor nau khân păng mbơh nkoch; Khân păng mâu nhhuach nau rêh khân păng nơm ma tât nau khĭt.

Nau Tâm Mpơl 2:7

Mbu nơm geh tôr, iăt hom nau Brah Huêng Ueh lah ma Phung Ngih Brah Ndu: ‘Ma mbu nơm mra dơi, Gâp mra ăn păng sa play bơh tơm si nau rêh tâm Parađi Brah Ndu.’ ”