I Timôthê 6:5 - Nau Brah Ndu Ngơi 2023

⁵ nau tâm djrel mro mrăng ta nklang phung bunuyh geh nau mĭn mhĭk, lơh roh nau ngăn, uănh nau klach yơk tâm ban nau gay ma sŏk drăp nkhôm.

Bunong Bible Latin Script Cambodian dialect

⁵ nau tâm rlăch nâng. Bunuyh kơt nđa mâu hôm ôh gĭt tih gĭt di, mâu hôm ôh geh nau ngăn. Khân păng nđôn lah nau ŭch iăt ma Kôranh Brah, jêng trong ma joi drăp ndơ.

Bunong

⁵ នាវ​តឹម​រាលាច់​នឹង។ ឞូនុយ្ស​កើត​នអា​មោ​ហោម​អោស​គឹត​តីស​គឹត​ទី មោ​ហោម​អោស​គែស​នាវ​ងាន់។ ខាន់​ពាង់​នអោន​លាស​នាវ​អុច​អ្យាត់​មា​កោរាញ​ឞ្រាស ជេង​ត្រ៝ង​មា​ជ៝យ​ទ្រាប់​នទើ។

I Timôthê 6:5 ပူးပေါင်းရင်းမြစ်များ

Êsai 56:11

Khân păng jêng so ŭch sa, Mâu blau hơm ôh. Khân păng jêng phung rmăk biăp mâu gĭt rbăng; Lĕ rngôch khân păng plơ̆ tĭng trong khân păng nơm, Ăp nơm rvê joi drăp ndơ ma păng nơm da dê.

Yêrêmi 6:13

“Yorlah ntơm bơh bunuyh dŭt jê̆ tât ma nơm toyh, Lĕ rngôch kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Yêrêmi 8:10

Yor nây, Gâp mra jao ur khân păng ăn bu êng, Mir khân păng ăn kôranh mhe; Yorlah ntơm bơh bunuyh dŭt jê̆ tât ma nơm toyh, Kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Êsêkiêl 33:31

Khân păng n'hoch lĕ rngôch mpôl văch ma may; phung ƀon lan Gâp gŭ tanăp măt may jêh ri iăt nau may ƀiălah khân păng mâu tĭng ƀư ôh. Mbung khân păng ngơi âk bêng ma nau rŏng ƀiălah nuih n'hâm knŏng joi nau mâu tâm di.

Mathay 12:33

“Mâu lah tơm si ueh play păng ueh tâm ban lĕ, mâu lah tơm si mhĭk play păng mhĭk lĕ; yorlah bu dơi gĭt năl tơm si ta play păng.

Mathay 21:13

Păng lah ma khân păng: “Geh nau nchih jêh: ‘Ngih Gâp mra kuăl jêng ngih mbơh sơm’, Ƀiălah khân may plăch ntŭk nây jêng trôm nau tâm ntŭng.”

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

I Kôrintô 11:16

Tơlah geh nơm ŭch tâm rlăch, nau nây mâu di jêng nau vay hên ôh; lĕ Phung Ngih Brah Ndu mâu đŏng geh nau vay nây.

II Têsalônik 3:6

Hơi phung oh nâu, tâm amoh Kôranh Brah he jêng Brah Yêsu Krist, khân may nkah phung oh nâu der ngai hom đah phung oh nâu gŭ rêh ƀlao pah kan, mâu tĭng lĕ nau ntĭm nti ƀiălah khân may hŏ sŏk dơn jêh bơh hên.

I Timôthê 1:6

Du phung bunuyh hăn teng nau ŭch nây, hŏ tŭp tâm lĕ nau rlăch mâu geh nau khlay;

I Timôthê 3:3

mâu vay mơng nhêt ndrănh, mâu hăt janh, ƀiălah đăp mpăn, mâu tâm lah tâm djrel, jêh ri mâu kơnh ir ma prăk.

I Timôthê 3:8

Ăn phung bunuyh kơl kan gŭ ngao ueh, mâu ngơi ôh bar bâr, mâu vay nhêt ndrănh, mâu hưp ndơ tâm nau ƀư djơh,

I Timôthê 4:7

Der ngai hom lĕ nau nkoch bri tă bơh kăl e roh nau khư, nau nkoch bri mâu geh ngăn tă bơh bu ur ranh, ƀiălah nsrôih nti hom ma săk may nơm ma nuih n'hâm klach yơk;

I Timôthê 4:8

yorlah nau nsrôih nti ma săk jăn knŏng jêng khlay djê̆ djê̆, ƀiălah nau klach yơk jêng khlay lơn ma lĕ rngôch nau, yorlah geh nau ton ma nau rêh rnôk aơ jêh ri ma nau rêh rnôk kăndơ̆ đŏng.

I Timôthê 6:6

Nau klach yơk nđâp ma nuih n'hâm maak jêng nau khlay toyh.

II Timôthê 3:5

tâm mpơl nau klach yơk padih, ƀiălah dun lơi nau brah ma nau klach yơk nây. Ăn may der ngai bơh phung kơt nây.

II Timôthê 3:8

Kăl e Y-Janes jêh ri Y-Jambrê tâm rdâng đah Y-Môis, tâm ban lĕ phung bunuyh aơ tâm rdâng đah nau ngăn. Nây jêng phung bunuyh geh nau mĭn djơh mhĭk jêh ri nau chroh rdja.

Titus 1:11

Yor ma drăp ndơ jê̆ jănh, khân păng hŏ ƀư lĕ nau mâu dơi nti, nau ƀư rai lĕ rnăk vâl bunuyh ƀa bă.

II Pêtrôs 2:15

Khân păng chalơi jêh trong sŏng, pôri khân păng nhhơt trong, hăn tĭng trong Y-Balam, kon bu klâu Y-Bôsôr, jêng nơm ŭch prăk nkhôm ma nau tih mhĭk.

II Pêtrôs 2:3

Yorlah nuih n'hâm kơnh ir, khân păng dŏng lĕ nau ngơi mƀruh nchơt gay sŏk drăp nkhôm bơh khân may; nau phat dôih prăp ma khân păng ntơm bơh jŏ nar jêh ăt hôm khlay, jêh ri nau rai lôch prăp ma khân păng mâu gŭ rlu.

Yuđas 1:11

Rêh ni ngăn ma khân păng! Yorlah tĭng trong Y-Kain; yor drăp ndơ dĭng tŭp tâm nau tih Y-Balam; jêh ri geh nau roh rai yorlah nau tâm rdâng nâm bu Y-Kôrê.

Nau Tâm Mpơl 18:13

ma sinamôn, ndơ ƀâu kah, dak ƀâu kah, dak si tăng jêh ri ntăk si ƀâu kah; ndrănh jêh ri dak ngi ôlive, rnih môi jêh ri ba ƀlê; mpô mpa rong jêh ri biăp, seh jêh ri ndeh seh; dĭk bu jêh ri huêng kon bunuyh.

Nau Tâm Mpơl 18:3

Yorlah lĕ ntil mpôl bunuyh nhêt ndrănh pâl rlưn rlau keh păng mâu jan tĭng nau vay, Phung hađăch ta neh ntu ƀư tih văng tĭr đah păng jêh, Phung tăch rgâl ta neh ntu jêng ndrŏng yor tă bơh nau păng gŭ rêh dŭt mpŭng.”