I Timôthê 6:4 - Nau Brah Ndu Ngơi 2023

⁴ nây jêng nơm sưr rlau, mâu gĭt rbăng du ntil ndơ ôh; ƀiălah păng geh nau ŭch tâm rlăch, nau tâm djrel tâm nau ngơi, ƀư nau tâm rmot, mâu geh du ai, nau mưch rmot, nau đing djơh mhĭk;

Bunong Bible Latin Script Cambodian dialect

⁴ păng i nây geh nuih n'hâm hưn dơm, du ntil nau mâu gĭt ôh. Nuih n'hâm păng djơh, ŭch tâm ôp rkhêl nau mâu khlay, ndrel ma tâm rlăch ma nau ngơi. Tă bơh nau i nây jan ăn nau tâm mâu nach, nau tâm nkhah phung, nau ngơi nchơt, nau ntôn bu a êng jan djơh,

Bunong

⁴ ពាង់​អី​នៃ​គែស​នូយ្ស​នហ៝ម់​ហឺន​ទើម ទូ​នតីល​នាវ​មោ​គឹត​អោស។ នូយ្ស​នហ៝ម់​ពាង់​អ្យើស អុច​តឹម​អោប​រាខេល​នាវ​មោ​ខ្លៃ នទ្រែល​មា​តឹម​រាលាច់​មា​នាវ​ងើយ។ តាៈ​ឞើស​នាវ​អី​នៃ​ជាន​អ៝ន់​នាវ​តឹម​មោ​នាច នាវ​តឹម​ងខាស​ផូង នាវ​ងើយ​ញចើត នាវ​នតោន​ឞូ​អា​អេង​ជាន​អ្យើស‌

I Timôthê 6:4 ပူးပေါင်းရင်းမြစ်များ

Nau Hôr 13:7

Geh bunuyh ƀư n'hi ndrŏng ƀiălah mâu geh ôh; Geh đŏng bunuyh ƀư n'hi nâm bu o ach ƀiălah geh âk drăp ndơ.

Nau Hôr 25:14

Mbu nơm ntưih săk mƀruh nchơt ma ndơ păng nơm nhhơr Nâm bu geh tŭk, geh sial, mâu geh mih.

Nau Hôr 26:12

May saơ lĕ mbu moh bunuyh blau mĭn kơp êng tĭng măt păng nơm đŏng? Bunuyh rluk hôm e geh nau kâp gân rlau ma păng.

Êsai 58:4

Nanê̆ yơh, khân may ât sông sa gay ma tâm djrel jêh ri tâm rlăch, Dŏng ti nau ƀai tâm lơh ndrăng nơm. Khân may lơi ât sông sa tâm ban ma hŏ ƀư nar aơ, Gay ma bu tăng bâr khân may tât ta ntŭk prêh.

Kôranh Oh Mon 15:2

Rnôk nây, mâu geh du ai, Y-Pôl jêh ri Y-Ƀarnaƀas tâm rlăch dŭt n'hâm ngăn đah phung bunuyh nây. Yor nây, Y-Pôl jêh ri Y-Ƀarnaƀas ndrel ma bar pe nuyh tâm phung nây dơi săch hăn ta ƀon Yêrusalem, tât ta phung kôranh oh mon jêh ri phung kôranh bu ranh gay ôp ma nau nây.

Kôranh Oh Mon 18:15

Ƀiălah yorlah aơ jêng nau tâm rlăch ma rplay ngơi, ma amoh bunuyh jêh ri ma nau vay êng khân may nơm, phat dôih êng ndrăng khân may nơm; gâp mâu ŭch phat dôih nau nây ôh.”

Kôranh Oh Mon 8:9

Rnôk nây, tâm ƀon nây geh du huê bunuyh, amoh păng Y-Simôn, kăl e ri păng ƀư nau blau rƀên, kơp êng săk jêng bunuyh dŭt toyh, ƀư ma phung ƀon lan Samari hih rhâl ngăn.

Samƀŭt Pôl Njuăl Ăn Ma Phung Nsing Ta Ƀon Rôm 12:16

Gŭ rêh hom ma nau tâm rnglăp ndrel ndrăng khân may; lơi geh nau mĭn sưr rlau, ƀiălah gŭ ndrel đah bunuyh dêh rhêt. Lơi kơp êng nơm jêng bunuyh blau mĭn.

Samƀŭt Pôl Njuăl Ăn Ma Phung Nsing Ta Ƀon Rôm 13:13

Gŭ rêh hom tâm nau sŏng srăng nâm bu hăn dôl nôk nar, lơi rlau rnâng jêh ri nhŭl ndrănh ôh, lơi văng tĭr, lơi gŭ blă blơ, lơi tâm jin tâm lah tâm djrel jêh ri lơi mâu nach.

Samƀŭt Pôl Njuăl Ăn Ma Phung Nsing Ta Ƀon Rôm 14:1

Rom hom nơm rdja tâm nau chroh, lơi tâm rlăch đah khân păng ma nau mĭn êng êng.

Samƀŭt Pôl Njuăl Ăn Ma Phung Nsing Ta Ƀon Rôm 2:8

Bi ma mbu nơm mbeh, mâu tông bâr nau ngăn, ƀiălah tông bâr nau kue, mra sŏk dơn nau ji nuih hâu ngăn jêh ri nau ji nuih.

I Kôrintô 11:16

Tơlah geh nơm ŭch tâm rlăch, nau nây mâu di jêng nau vay hên ôh; lĕ Phung Ngih Brah Ndu mâu đŏng geh nau vay nây.

I Kôrintô 11:18

Lor lơn, gâp tăng pô aơ, tơlah khân may tâm rƀŭn tâm Phung Ngih Brah Ndu, geh nau tâm pă tâm phung khân may; gâp chroh nau aơ geh du kô̆ di ngăn.

I Kôrintô 3:18

Lơi dĭng ndơm êng păng nơm. Tơlah mbu nơm tâm phung khân may mĭn păng nơm jêng nơm blau mĭn tâm rnôk aơ, ăn plơ̆ hom jêng rluk mâl gay ma geh nau blau mĭn.

I Kôrintô 3:3

yorlah khân may ăt hôm jêng phung nglay săk. Yorlah tâm phung khân may hôm geh nau mâu nach, nau tâm jin; tâm ban pônây, mâu di hĕ khân may jêng phung nglay săk jêh ri gŭ ngao tâm ban ma bunuyh ta neh ntu hĕ?

II Kôrintô 11:20

Di ngăn, khân may vay sŏk dơn jêh tơlah bu nchâp khân may jêng dĭk, sa rvăn khân may, pit sŏk khân may, mưch rmot mâu lah tap ta muh măt khân may.

Galati 5:15

Ƀiălah tơlah khân may kăp rvăn ndrăng khân may mro, pôri njrăng hom, klach lah khân may ƀư rai băl ndrăng khân may nơm.

Galati 5:26

Lơi joi nau lư n'găr mâu nanê̆ gay nsônh jêh ri tâm nuih ndrăng nơm ôh.

Galati 6:3

Yorlah tơlah du huê bunuyh mĭn păng nơm geh nau khlay, tâm nôk păng nơm mâu geh nau khlay, pôri, păng ndơm păng nơm yơh.

Philip 1:15

Nanê̆ ngăn, geh ƀaƀă bunuyh mbơh nkoch Brah Krist yor ma nau keh nach jêh ri nau tâm pit, ƀiălah geh đŏng phung bunuyh yor ma nau mĭn ueh mbơh nkoch.

Philip 2:14

Ƀư hom lĕ kan, lơi ngơi ƀŭk dŭk suyh mâu lah vât vâng ôh,

Philip 2:3

Lơi ƀư ôh du ntil ndơ yor ma nuih n'hâm mbeh, mâu lah yor ma nau lư n'găr gơnh roh, ƀiălah dêh rhêt hom, uănh phung êng jêng khlay rlau lơn ma khân may nơm.

Kôlôh 2:18

Lơi ăn bu ndơm jêh ri ƀư roh nau nkhôm yor phung srôih jan lah ƀư dêh rhêt jêh ri yơk mbah lĕ tông mpăr. Khân păng rnơm ma lĕ nau tâm saơ êng ngăn, bơh nau mĭn nglay săk geh nau sưr rlau dơm dam.

II Têsalônik 2:4

nâm bu ntĭt nơm tâm rdâng, n'hao êng păng nơm ta klơ ma lĕ rngôch nau bu rnha jêng brah mâu lah ma ndơ bu yơk mbah, kŏ tât păng gŭ tâm ngih Brah Ndu, kơp êng păng nơm jêng Brah Ndu.

I Timôthê 1:4

lơi ta rvê đŏng ma lĕ nau nkoch bri ơm jêh ri ma phung noi deh mâu blau lôch, jêng lĕ nau tâm djrel âk lơn jêng ăn hao kan Brah Ndu tâm nau chroh.

I Timôthê 1:7

khân păng ŭch jêng nơm nti nau vay, ƀiălah mâu gĭt rbăng ôh nau khân păng lah mâu lah nau khân păng ƀư nanê̆.

I Timôthê 3:6

Du huê mhe chroh mâu dơi jan kôranh chiă uănh, klach lah bêng ma nau sưr ƀư ma păng tŭp tâm nau phat dôih prăp ma phung brah mhĭk.

II Timôthê 2:14

Nkah hom ma khân păng lĕ nau aơ; tanăp Brah Ndu, mbơh hom ma khân păng der ngai nau tâm rlăch ma rplay ngơi, nây jêng nau mâu khlay ôh, knŏng ƀư nau mhĭk tât ma mbu nơm gŭ iăt dơm.

II Timôthê 2:23

Dun hom ma lĕ nau tâm rlăch brŭt rluk jêh ri nau rluk ngăn, yorlah may gĭt jêh, lĕ nau nây ƀư ăn ma nau tâm djrel dơm.

II Timôthê 3:4

ƀlăch ƀlêr, gơnh nuih, bêng ma nau sưr, ŭch ma nau pâl maak rlau lơn ma rŏng Brah Ndu,

Titus 3:9

Ƀiălah der hom lĕ nau tâm rlăch rluk mâl, lĕ nau nkoch ma noi deh, lĕ nau mâu đăp mpăn jêh ri lĕ nau tâm rlăch ma nau vay; yorlah lĕ nau nây mâu khlay ôh jêh ri dơm dam da dê.

Yakơ 1:19

Hơi phung oh nâu gâp rŏng, khân may gĭt jêh nau aơ: Ăn lĕ rngôch bunuyh gơnh tâm iăt, ƀât ngăch ngơi, ngăch ji nuih ôh;

II Pêtrôs 2:12

Ƀiălah, tâm ban phung mpô mpa mâu geh nau gĭt rbăng, gŭ rêh tĭng nau nglay săk ŭch, bu deh ma khân păng prăp ăn ma bu nchron nhŭp jêh ri sreh nkhĭt, phung bunuyh nây ngơi djơh tât lĕ nau khân păng mâu gĭt, bu mra ƀư rai lĕ khân păng tâm ban ma mpô mpa,

II Pêtrôs 2:18

Yorlah khân păng ngơi lĕ nau ngơi hưn mâu jêng khlay ôh, dŏng lĕ nau kơnh ŭch nglay săk gay ndơm phung bunuyh mhe klaih bơh ti phung gŭ rêh tâm nau vĭ nhhơt.

Yuđas 1:10

Ƀiălah phung aơ ngơi djơh tât ma lĕ nau khân păng mâu gĭt rbăng, bi lĕ nau khân păng gĭt ma nau nglay săk ŭch nâm bu mpô mpa bri mâu geh nau gĭt rbăng, pôri khân păng dŏng gay ƀư rai roh khân păng nơm.

Yuđas 1:16

Khân păng jêng phung vay ngơi ƀŭk dŭk suyh, nduyh lah bu, ƀư tĭng lĕ nau kơnh ŭch khân păng nơm, trôm mbung ngơi âk nau sưr êng păng nơm, tâm rnê rlau keh ma bu gay sŏk drăp nkhôm.

Nau Tâm Mpơl 3:17

May lah: ‘Gâp ndrŏng, gâp geh âk drăp ndơ, gâp mâu pưt ndơ ôh.’ Ƀiălah may mâu gĭt ma may nơm geh nau rêh ni, yô̆ nđach ngăn, o ach, chieh măt jêh ri rhôk.