I Timôthê 6:2 - Nau Brah Ndu Ngơi 2023

² Đơ bunuyh geh kôranh jêng phung chroh, pô ri lơi yor khân păng jêng phung oh nâu kôranh ƀư may pưt nau yơk ma khân păng, ƀiălah lơ hô ăn khân păng pah kan ueh lơn, yor păng dơi geh pah kan nây jêng phung chroh jêh ri phung oh nâu bêng ma nau rŏng. Nây jêng lĕ nau may mra ntĭm jêh ri nti hom ma khân păng.

Bunong Bible Latin Script Cambodian dialect

² Lah du huê kôranh dâk bu jêng bunuyh nsing, i dâk nây lơi ôh mân i kôranh lĕ nsing jêh, jêh ri mâu khăch ôh yơk ma păng. Lơ hô jan kar ma păng jât, jan kar ueh, yor ma păng jêng oh nô Kôranh Brah rŏng. Jêh ri ntŭm nti nau dja ăn bu iăt đŏng.

Bunong

² លាស​ទូ​ហ្វេ​កោរាញ​ទឹក​ឞូ​ជេង​ឞូនុយ្ស​ញឆីង អី​ទឹក​នៃ​លើយ​អោស​មឹន​អី​កោរាញ​លែៈ​ញឆីង​ជេស ជេសរី​មោ​ខាច់​អោស​យើក​មា​ពាង់។ លើ​ហោ​ជាន​ការ​មា​ពាង់​ជឹត ជាន​ការ​អ្វែស យ៝រ​មា​ពាង់​ជេង​អ៝ស​នោ​កោរាញ​ឞ្រាស​រ៝ង់។ ជេសរី​នតុម​នតី​នាវ​អ្យា​អ៝ន់​ឞូ​អ្យាត់​ដ៝ង់។

I Timôthê 6:2 ပူးပေါင်းရင်းမြစ်များ

Yôel 2:28

“Jêh ta nây, Gâp mra nkhŭt Huêng Brah Gâp ta klơ lĕ rngôch nglay săk. Phung kon bu klâu jêh ri phung kon bu ur khân may mra mbơh lor; Phung bu ranh geh nau mbơi, Phung bu klâu ndăm mra saơ nau tâm saơ.

Nau Kơp Bunuyh 16:3

khân păng tâm rƀŭn ndrel tâm rdâng đah Y-Môis jêh ri Y-Arôn. Khân păng phong: “Khân may ƀư jêh rmeh ir! Yorlah lĕ rngôch phung tâm rƀŭn jêng kloh ueh jêh ri Brah Yêhôva dôl gŭ ta nklang khân păng. Pôri, mâm khân may n'hao êng khân may nơm ta klơ lơn phung tâm rƀŭn Brah Yêhôva?”

Mathay 23:8

Ƀiălah khân păng lơi ăn bu kuăl khân may nơm jêng nơm nti; yorlah geh knŏng du huê Nơm Nti, bi lĕ rngôch jêng oh nâu da dê.

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Mathay 6:24

“Mâu geh mbu nơm dơi pah kan ma bar hê kôranh; yorlah mra tâm rmot ma kôranh aơ jêh ri rŏng ma kôranh ri, mâu lah yơk ma kôranh aơ jêh ri mưch ma kôranh êng. Khân may mâu dơi ôh pah kan ƀă ma Brah Ndu jêh ri pah kan ƀă ma prăk ndô ndơ ôh.

Kôranh Oh Mon 1:15

Tâm lĕ nar nây, Y-Pêtrôs dâk ta nklang phung oh nâu (rnoh bunuyh gŭ rƀŭn ta nây geh klăp lah tâm du rhiăng bar jât nuyh) jêh ri păng lah pô aơ:

Samƀŭt Pôl Njuăl Ăn Ma Phung Nsing Ta Ƀon Rôm 11:17

Ƀiălah tơlah geh n'gĭng ƀaƀă bu koh lơi, jêh ri may ơm jêng du tơm ôlive bri tâm ndop lĭr ta ntŭk lĕ n'gĭng nây gay ma dơi tâm pă dak rêh bơh reh tơm ôlive

Samƀŭt Pôl Njuăl Ăn Ma Phung Nsing Ta Ƀon Rôm 8:29

Yorlah phung bunuyh Păng gĭt năl jêh bơh lor, Păng tâm nal jêh ma khân păng plơ̆ jêng tâm ban ma rup Kon Păng, gay ma Kon nây jêng Kon bôk rah ma âk oh nâu.

Galati 5:6

Yorlah tâm Brah Yêsu Krist, nau geh nau khlay mâu di ƀư koh ntâu mâu lah mâu koh ntâu, ƀiălah jêng nau chroh tâm mpơl tâm nau rŏng.

Êphêsô 1:1

Y-Pôl, tĭng nâm nau Brah Ndu ŭch jêng kôranh oh mon Brah Yêsu Krist, nchih njuăl ma phung kloh ueh gŭ ta ƀon Êphêsô, jêng phung răp jăp tâm Brah Yêsu Krist.

Êphêsô 1:15

Yor ri, nôk gâp tăng ma nau khân may chroh tâm Kôranh Brah jêng Brah Yêsu Krist, jêh ri ma nau khân may rŏng đah lĕ rngôch phung kloh ueh,

Êphêsô 3:6

Nau khlay ndâp nây pô aơ: Yor Nau Mhe Mhan Ueh phung bu năch plơ̆ jêng phung ndơn drăp, lĕ kô̆ săk jăn tâm du nglay săk, jêh ri phung bunuyh tâm pă ndrel ma nau ton tâm Brah Yêsu Krist.

Kôlôh 1:2

njuăl ma phung kloh ueh jêh ri ma phung oh nâu răp jăp tâm Brah Krist tâm ƀon Kôlôs: Dăn Brah Ndu, Mbơ̆ he, ăn nau yô̆ jêh ri nau đăp mpăn ma khân may.

Kôlôh 1:4

Yorlah hên tăng jêh nau khân may chroh tâm Yêsu Krist jêh ri nau khân may rŏng đah lĕ rngôch phung kloh ueh,

Kôlôh 4:1

Hơi phung kôranh, ƀư hom nau sŏng jêh ri nau di ma phung dĭk khân may, yorlah khân may gĭt jêh khân may geh du huê Kôranh ta klơ trôk.

II Têsalônik 1:3

Hơi phung oh nâu, ăn hên lah ueh ma Brah Ndu ƀaƀơ yor ma khân may; jêh ri nau aơ jêng di ngăn, yorlah nau chroh khân may văch ma toyh âk ngăn, jêh ri nau rŏng ăp nơm tâm khân may đah ndrăng khân may nơm lơ hô văch ma toyh lơn.

I Timôthê 4:11

Nây jêng lĕ nau may ntĭnh jêh ri ntĭm nti hom.

I Timôthê 5:1

Lơi ngơi dăng ôh nau nduyh ma bu klâu ranh, ƀiălah bonh leng păng tâm ban ma du huê mbơ̆, gŭ ngao đah phung ndăm tâm ban ma phung oh nâu,

Titus 2:1

Ƀiălah ma may, may nti hom lĕ nau tâm di ma nau nti sŏng.

Titus 2:15

May nti hom lĕ nau nây, sŏk nau dơi gay nti nkah jêh ri nduyh. Lơi ăn du huê bunuyh mưch rmot ma may.

Titus 3:8

Aơ jêng nau ngơi ngăn. Gâp ŭch ma may ƀư ngăn lĕ nau aơ, gay ma phung chroh jêh ma Brah Ndu mra nsrôih ƀư kan ueh jêh ri khlay ma lĕ rngôch bunuyh.

ហេឞ្រើ 3:1

Yor nây, hơi phung oh nâu kloh ueh, jêng phung bunuyh dơn nau kuăl tă bơh trôk, mĭn rvê hom ma phung mbơh jêh ri kôranh ƀư brah toyh he mbơh jêng Brah Yêsu.

ហេឞ្រើ 3:14

Yorlah tơlah nuih n'hâm he djôt nâp nau he chroh tâm ntơm saơm kŏ tât nglĕ dŭt, he geh du kô̆ ndrel ma Brah Krist,

I Pêtrôs 5:1

Gâp njuăl nau ntĭnh ma phung kôranh bu ranh tâm phung khân may, yorlah gâp ăt jêng du huê kôranh bu ranh, jêng nơm mbơh nau rêh ni Brah Krist, jêh ri ăt jêng nơm mra geh kô̆ tâm nau chrêk rmah bơi tâm mpơl.

II Pêtrôs 2:10

lor lơn jêng phung bunuyh ƀư tĭng nau kơnh ŭch djơh mhĭk, mưch rmot ma nau chiă uănh. Phung nĕ dăng bôk hâu ngăn jêh ri sưr rlau, mâu klach ôh ngơi djơh tât ma phung geh nau chrêk rmah;

Yuđas 1:8

Nđâp lah kơt nĕ, tâm ban kơt nây đŏng, tâm nau mbơi, phung aơ ƀư ƀơ̆ ƀơch nglay săk khân păng nơm, dun nau dơi, jêh ri ngơi sưr rlau ma lĕ nơm chrêk rmah.