I Timôthê 6:17 - Nau Brah Ndu Ngơi 2023

¹⁷ Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

Bunong Bible Latin Script Cambodian dialect

¹⁷ Dăn may buay hŏm ma phung ndrŏng ta neh ntu dja, lơi ăn khân păng n'hi êng săk, lơi ăn rnơm ma drăp ndơ i mâu gĭt ôh ta nar jât năp tay. Yơn ma iăt ma rnơm ma Kôranh Brah hŏ, Nơm i ăn dâng lĕ ndơ bân de ma dŏng ŏk rmeh ngăn, gay ma bân răm maak.

Bunong

¹⁷ ទាន់​មៃ​ឞ្វៃ​ហ៝ម់​មា​ផូង​នទ្រ៝ង់​តា​នែស​នតូ​អ្យា លើយ​អ៝ន់​ខាន់​ពាង់​នហី​អេង​ឆាក់ លើយ​អ៝ន់​រានើម​មា​ទ្រាប់​នទើ​អី​មោ​គឹត​អោស​តា​នារ​ជឹត​នាប់​តៃ។ យើន​មា​អ្យាត់​មា​រានើម​មា​កោរាញ​ឞ្រាស​ហ៝ៈ នើម​អី​អ៝ន់​ទឹង​លែៈ​នទើ​ឞ៝ន់​ទែ​មា​ទ៝ង់​អ៝ក់​រាមែស​ងាន់ គៃ​មា​ឞ៝ន់​រាម់​មអាក។

I Timôthê 6:17 ပူးပေါင်းရင်းမြစ်များ

Nau Ntơm 13:2

Y-Abram ndrŏng ngăn geh âk mpô mpa rong, prăk jêh ri mah.

II Nau Rêh Jêng 26:16

Ƀiălah tơlah Y-Usia hŏ geh jêng jêh, păng geh nuih n'hâm sưr ƀư ăn ma păng nơm roh rai. Păng ƀư tih đah Yêhôva Brah Ndu păng, yorlah păng hŏ lăp tâm ngih Brah Yêhôva gŭch ndơ ƀâu kah ta Nơng ƀư brah gŭch ndơ ƀâu kah.

Nau Mprơ Ơm 104:28

May ăn ma khân păng jêh ri khân păng sŏk dơn; May mplơt ti ăn khân păng dơi hơm mpay lĕ ndơ ueh.

Nau Mprơ Ơm 52:7

“Nây jêng nơm mâu rnơm Brah Ndu Ƀư ntŭk mbe krap ma păng Ƀiălah rnơm nsing ma nau ndrŏng kuăng rmeh ler, Jêh ri ƀư ma păng nâp ma nau djơh mhĭk!”

Nau Mprơ Ơm 62:10

Lơi ta rnơm ma nau tŭn jot, Mâu kâp gân ma nau dơm dam tâm nau ntŭng; Tơlah drăp ndơ ntop âk, lơi ăn nuih n'hâm khân may rnơm ta nây ôh.

Nau Mprơ Ơm 62:8

Hơi phung ƀon lan, rnơm nsing hom ma Păng ƀaƀơ; Nkhŭt hom lĕ nuih n'hâm tanăp măt Păng; Yorlah Brah Ndu jêng ntŭk he nde krap. (Sêla)

Nau Hôr 11:28

Mbu nơm rnơm nsing ma drăp ndơ păng nơm mra rlâm tŭp, Bi ma bunuyh sŏng srăng mra geh jêng lơn nâm bu n'ha si ndrêh.

Nau Hôr 23:5

Dôl may treng uănh tâm nau ndrŏng kuăng, di lĕ păng hŏ mpăr roh jêh? Nanê̆ păng chăt nting năr nâm bu klang ƀŭng, Jêh ri rpuh nting năr mpăr leo klơ trôk prêh.

Nau Hôr 27:24

Yorlah nau ndrŏng mâu gŭ mro mrăng, Jêh ri đon hađăch kŏ mâu lĕ hôm tât n'ho ro.

Nau Hôr 30:9

Klach lah dôl rmeh ler, gâp dun Kôranh Brah, Ngơi pô aơ: “Brah Yêhôva jêng mbu nơm?” Mâu lah dôl gâp o ach mra hăn ntŭng, Jêh ri ƀư ƀơ̆ amoh Brah Ndu ma gâp đŏng.

Nơm Nti 2:24

Mâu geh nau ueh lơn ăn ma kon bunuyh jêng sa, nhêt, jêh ri dơn nau ueh maak tâm kan hŏt păng. Gâp saơ nau nây ăt tât bơh mpang ti Brah Ndu.

Yêrêmi 2:31

Hơi phung bunuyh tâm rô̆ aơ! Mĭn rvê hom nau Brah Yêhôva: Di lĕ đah phung Israel, Gâp jêng du ntŭk bri rdah, Du ntŭk n'gor neh ngo klĕng vêt vê hĕ? Mâm ƀư phung ƀon lan Gâp lah: ‘Ntŭk phung hên ŭch hăn mra hăn yơh, Phung hên mâu mra tât đah May đŏng ôh’?

Yêrêmi 49:4

Ơ kon bu ur mâu geh răp jăp ri, Mâm ƀư khân may ntưih ir ma ntŭk rlŭng, Lĕ rngôch ntŭk rlŭng geh jêng may? May rnơm nsing ma ngih bun drăp ndơ khlay may nơm, Yor nây lah pô aơ: ‘Mbu nơm nănh văch tâm lơh đah gâp?’”

Êsêkiêl 16:56

Tâm nar nau hưn, bâr mbung ay mâu nkah ôh amoh ƀon Sôdôm, oh ay.

Daniel 4:30

hađăch lah: “Mâu di hĕ aơ ƀon Babilôn dŭt toyh gâp nơm rdâk jêh ƀư ƀon hađăch ma nau dơi dŭt prêh gâp tâm rnê ma nau chrêk rmah chrat ang ma gâp ta nây lĕ?”

Ndrom Samƀŭt bơh Ôsê 13:6

Ƀiălah dôl khân păng dơi siăm tâm ndrêch gơ̆ Jêh ri dơi sa hơm ngăn pôri khân păng geh nuih n'hâm sưr rlau; Yor nây, khân păng chuêl jêh Gâp.

Mathay 12:32

Mbu nơm ngơi mhĭk ma Kon Bunuyh mra dơi yô̆ an; ƀiălah mbu nơm ngơi mhĭk ma Brah Huêng Ueh, nau tih păng bu mâu mra dơi yô̆ ôh tâm rnôk aơ mâu lah tâm rnôk pakơi taơ.”

Mathay 19:23

Brah Yêsu lah ma phung oh mon: “Nanê̆, Gâp lah ma khân may, bunuyh ndrŏng lăp tâm ƀon bri hađăch klơ trôk jêng jêr ngăn.

Mathay 25:16

Bunuyh hŏ dơn jêh prăm talâng hăn ro geh n'hao, jêh ri dơi ntop prăm talâng đŏng.

Mathay 27:57

Tât kêng măng, geh du huê ndrŏng văch tă bơh ƀon Arimathê, amoh păng Y-Yôsep, jêng oh mon Brah Yêsu,

Mathay 6:32

Yorlah lĕ rngôch ndơ nây phung bu năch tĭng joi đŏng, jêh ri Mbơ̆ khân may klơ trôk gĭt jêh moh ndơ khân may ŭch.

Markôs 10:24

Phung oh mon hih rhâl ma nau aơ. Ƀiălah Brah Yêsu lah đŏng: “Hơi phung kon, phung bunuyh rnơm nsing ma nau ndrŏng gay lăp tâm ƀon bri hađăch Brah Ndu dŭt jêr ngăn.

Luka 19:2

Ta nây, geh du huê bunuyh amoh păng Y-Sachê, jêng kôranh tâm phung riu pi jêh ri ndrŏng ngăn.

Luka 3:11

Păng plơ̆ lah: “Mbu nơm geh bar ao, pă hom ma nơm mâu hŏ geh; mbu nơm geh ndơ sông sa ƀư tâm ban lĕ.”

Kôranh Oh Mon 14:17

Nđâp lah pônây, Păng vay nkoch ƀaƀơ ma Păng nơm dôl Păng ăn nau ueh uĭn, ăn dak mih jŭr tă bơh klơ trôk, ăn ma yan geh play âk, ndơ sông sa âk rmeh, ƀư ma nuih n'hâm khân may bêng ma nau răm maak.”

Kôranh Oh Mon 14:27

Nôk tât ta nây, Y-Pôl jêh ri Y-Ƀarnaƀas kuăl rgum Phung Ngih Brah Ndu, nkoch bri lĕ kan Brah Ndu đă khân păng ƀư, jêh ri nau Păng pơk jêh mpông nau chroh ma phung bu năch.

Kôranh Oh Mon 17:25

Păng mâu đŏng ŭch ma ti bunuyh pah kan tâm ban ma Păng ŭch ti bunuyh kơl, yorlah Păng yơh jêng Nơm ăn nau rêh, n'hâm nsôr jêh ri ăp ntil ndơ ma lĕ rngôch bunuyh.

Samƀŭt Pôl Njuăl Ăn Ma Phung Nsing Ta Ƀon Rôm 11:20

Di ngăn. Bu koh lơi jêh lĕ n'gĭng nây, yorlah nuih n'hâm khân păng mâu chroh, bi may knŏng dâk nâp yor nau chroh. Lơi sưr rlau, ƀiălah klach hom.

Êphêsô 5:5

Ăn khân may gĭt rah vah ma phung bunuyh văng tĭr, mâu kloh ueh, mâu lah kơnh rlau keh — kơnh rlau keh jêng mbah rup brah — mâu geh du huê dơi dơn drăp ndơn tâm ƀon bri hađăch Brah Krist jêh ri Brah Ndu ôh.

Nau Vay Nkah Tay 33:15

Ma lĕ play kao ueh lơn bơh yôk ơm kăl e, Lĕ ndơ âk rmeh ler tă bơh mbon yôk ơm geh mro mrăng.

Nau Vay Nkah Tay 8:17

Pôri, ăn blau njrăng, lơi khân may lah tâm nuih n'hâm pô aơ: ‘Nau brah jêh ri nau dăng bơh bar đah ti gâp hŏ njêng jêh ma gâp nau ndrŏng aơ.’

Kôlôh 3:16

Ăn hom nau ngơi Brah Krist rêh bêng ler tâm nuih n'hâm khân may; sŏk hom lĕ rngôch nau blau mĭn gay ntĭm nti jêh ri tâm nkah ndrăng khân may, sŏk nau mprơ ơm, nau mprơ tâm rnê Kôranh Brah nau mprơ gay mprơ ma Brah Ndu, đah nuih n'hâm lah ueh.

I Têsalônik 1:9

Yorlah khân păng hŏ nkoch jêh bri nau khân may vơt rom hên, jêh ri mâm nau khân may hŏ plơ̆ sĭt ma Brah Ndu, chalơi jêh rup brah gay pah kan ma Brah Ndu rêh jêh ri nanê̆ ngăn,

I Timôthê 1:3

Tâm ban gâp nkah jêh ma may dôl gâp hăn ta n'gor Masêđôn, ăn may gŭ ta ƀon Êphêsô gay ntĭm nti ma du phung bunuyh mâu dơi nti du nau chroh êng,

I Timôthê 3:15

gay tơlah gâp băt tât, pô ri may gĭt đŏng nau gŭ ngao tâm ngih Brah Ndu, jêng Phung Ngih Brah Ndu rêh, ntur jêh ri meh ma nau ngăn.

I Timôthê 4:10

He jâk jêr jêh ri tâm lơh ma nau aơ, yorlah he hŏ dơm nau kâp gân tâm Brah Ndu rêh, jêng Nơm Tâm Rklaih ma lĕ rngôch bunuyh, khlay ngăn ngên ma phung chroh.

I Timôthê 5:21

Tanăp Brah Ndu jêh ri Brah Yêsu Krist nđâp ma phung tông mpăr Brah Ndu săch jêh, gâp mbơh ăn may djôt prăp lĕ nau ntĭm nti aơ, mâu dơi geh nau mĭn êng, mâu đŏng ƀư moh nau yorlah gŭ nding.

I Timôthê 6:13

Tanăp Brah Ndu jêng Nơm ăn nau rêh ma lĕ rngôch ndơ, jêh ri tanăp Brah Yêsu Krist jêng Nơm geh nau mbơh nkoch ueh nôk mbơh nkoch tanăp Pôns Pilat, gâp ntĭnh may

I Timôthê 6:9

Ƀiălah phung kơnh ma nau ndrŏng, mra tŭp tâm nau ndơm, văk tâm dăk, tŭp tâm lĕ nau kơnh nau rluk mâl jêh ri nau mhĭk, jêng lĕ nau nây ƀư ngâm kon bunuyh tâm nau ƀư rai jêh ri nau rai roh.

II Timôthê 4:10

Yorlah Y-Đêmas, yor păng rŏng ma rnôk aơ, chalơi jêh gâp jêh ri hăn ta ƀon Têsalônik; Y-Kresen hăn ta ƀon Galati, bi Y-Tit hăn ta n'gor Đalmati jêh.

Titus 2:12

Nau yô̆ nây nti ma he mƀăr lơi nau mâu blau yơk jêh ri nau kơnh ŭch ta neh ntu gay gŭ rêh tâm di keh, nau sŏng srăng jêh ri klach yơk tâm rnôk aơ,

Titus 3:6

jêng Nơm Brah Ndu nkhŭt jêh rmeh ler klơ he tă bơh Brah Yêsu Krist, Nơm Tâm Rklaih he,

II Pêtrôs 1:11

jêh ri tă bơh nĕ, trong lăp tâm ƀon bri hađăch n'ho ro Kôranh Brah jêh ri Nơm Tâm Rklaih he jêng Brah Yêsu Krist mra pơk huy ma khân may.