I Timôthê 6:16 - Nau Brah Ndu Ngơi 2023

¹⁶ jêng Nơm knŏng nguay mâu blau khĭt, gŭ ta nklang nau ang mâu geh ôh nơm dơi hăn dăch, jêng Nơm ê hŏ geh bunuyh saơ mâu lah dơi saơ. Mbơh sơm dăn nau yơk jêh ri nau brah n'ho ro jêng ndơ Păng! Amen.

Bunong Bible Latin Script Cambodian dialect

¹⁶ Geh du huê Păng dơm mâu blao khât, Păng gŭ ta ntŭk ang. Mâu geh ôh bunuyh dơi hăn dăch ta nau ang i nây, mâu geh ôh bunuyh lĕ say Păng, mâu dơi ôh bunuyh say Păng đŏng. Ăn dâng lĕ bunuyh yơk ma Păng, ăn Păng geh nau dơi ma mât uănh n'ho ro, ơ ăn geh kơt nây ngăn ro!

Bunong

¹⁶ គែស​ទូ​ហ្វេ​ពាង់​ទើម​មោ​ឞ្លាវ​ខឹត ពាង់​គុ​តា​នតុក​អាង។ មោ​គែស​អោស​ឞូនុយ្ស​ទើយ​ហាន់​ទាច់​តា​នាវ​អាង​អី​នៃ មោ​គែស​អោស​ឞូនុយ្ស​លែៈ​ឆៃ​ពាង់ មោ​ទើយ​អោស​ឞូនុយ្ស​ឆៃ​ពាង់​ដ៝ង់។ អ៝ន់​ទឹង​លែៈ​ឞូនុយ្ស​យើក​មា​ពាង់ អ៝ន់​ពាង់​គែស​នាវ​ទើយ​មា​ម៝ត់​អ្វាញ់​នហ៝​រ៝ អើ​អ៝ន់​គែស​កើត​នៃ​ងាន់​រ៝!

I Timôthê 6:16 ပူးပေါင်းရင်းမြစ်များ

Ndrom Samƀŭt bơh Yôp 37:23

Nơm Geh Lĕ Nau Brah, he mâu dơi ôh joi tât ta Păng; Păng geh nau brah jêh ri sŏng nanê̆ ngăn, Păng sŏng srăng dŭt n'hâm, mâu tŭn jot bu ôh.

Nau Mprơ Ơm 104:2

Păng nkŭm păng nơm ma nau ang nâm bu du blah ao, Ling lĕ ndâr trôk nâm bu ngih bok.

Nau Mprơ Ơm 90:2

Êlor bu deh ma phung yôk, Neh jêh ri neh ntu dơi rhăk njêng, Bơh rnôk kăl e kŏ tât n'ho ro mâu blau lôch May jêng Brah Ndu.

Nau Ngluh Êjipt 3:14

Brah Ndu lah ma Y-Môis: “GÂP JÊNG NƠM GEH LOR JÊH RI N'HO RO.” Brah Ndu lah tay: “Lah hom ma phung ƀon lan Israel pô aơ: ‘NƠM GEH LOR hŏ njuăl gâp văch ma khân may.’”

Nau Ngluh Êjipt 33:20

Păng lah: “Ƀiălah may mâu dơi saơ ôh muh măt Gâp, yorlah mâu geh ôh nơm saơ măt Gâp hôm gŭ rêh.”

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Habakuk 3:4

Nau nchrat Păng nâm bu nau ang; Lĕ nau nchrat luh bơh ti Păng, Nây jêng ntŭk pôn nau brah Păng.

Yôhan 1:18

Ê hŏ geh bunuyh saơ Brah Ndu, knŏng Kon Dul gŭ tâm nuih n'hâm Mbơ̆ jêng Nơm tâm mpơl jêh Mbơ̆ ăn ma he gĭt.

Yôhan 14:9

Brah Yêsu lah: “Hơi Y-Philip, Gâp gŭ ndrel ma khân may hŏ jŏ jêh, ƀiălah khân may mâu gĭt năl Gâp! Mbu nơm hŏ saơ Gâp jêng saơ jêh Mbơ̆. Mâm ƀư may lah: ‘Ntĭm Mbơ̆ ma hên ƀă’?

Yôhan 6:46

Mâu geh ôh du huê bunuyh saơ Mbơ̆, knŏng Nơm hŏ văch jêh tă bơh Brah Ndu; Nơm nây hŏ saơ jêh Mbơ̆.

Yôhan 8:58

Brah Yêsu plơ̆ lah: “Nanê̆ ngăn, Gâp lah ngăn ma khân may, êlor geh Y-Abraham, Gâp hŏ geh jêh.”

Êphêsô 3:21

Ăn Păng geh nau tâm rnê tâm Phung Ngih Brah Ndu jêh ri tâm Brah Yêsu Krist găn lĕ rngôch rô̆, ma tât ƀaƀơ n'ho ro! Amen.

Nau Vay Nkah Tay 32:40

Gâp yơr ti let klơ trôk Jêh ri mbơh: ‘Gâp dơi rêh ƀaƀơ n'ho ro!’

Philip 4:20

Mbơh sơm dăn nau chrêk rmah jêng ndơ Brah Ndu, jêng Mbơ̆ he ƀaƀơ n'ho ro! Amen.

Kôlôh 1:15

Păng yơh jêng rup ma Brah Ndu mâu dơi saơ, jêng Nơm deh lor lơn ma lĕ rngôch mpa rhăk njêng.

I Timôthê 1:17

Dăn nau yơk jêh ri nau chrêk rmah n'ho ro mâu blau lôch jêng ndơ ma Hađăch lĕ rngôch rnôk, mâu blau khĭt, mâu geh rup, nâm bu ntĭt Brah Ndu, knŏng nguay! Amen.

ហេឞ្រើ 13:8

Brah Yêsu Krist nđaơ, nar aơ, jêh ri kŏ tât n'ho ro mâu blau rgâl ôh.

Yakơ 1:17

Lĕ rngôch yô̆ ueh jêh ri lĕ ndơ ăn dŭt ueh ngăn tât bơh klơ trôk, jŭr tă bơh Mbơ̆ nau ang; tâm Păng mâu geh nau rgâl ôh, mâu lĕ geh gui nau rgâl.

I Yôhan 1:5

Aơ jêng nau nti hên tăng jêh bơh Păng jêh ri mbơh ma khân may: Brah Ndu jêng nau ang, tâm Păng mâu geh nau ngo ôh.

I Yôhan 1:7

Ƀiălah tơlah he chuat hăn tâm nau ang, nâm bu Păng yơh gŭ tâm nau ang, he geh nau tâm rnglăp ndrăng he, jêh ri mham Brah Yêsu, Kon Păng, ƀư kloh lĕ rngôch nau tih he.

I Yôhan 4:12

Mâu geh du huê bunuyh mâp saơ Brah Ndu ôh; tơlah he tâm rŏng ndrăng he, Brah Ndu gŭ tâm he, jêh ri nau rŏng Păng jêng nŭm rĭng tâm he.

Yuđas 1:25

jêng Brah Ndu knŏng nguay, Nơm Tâm Rklaih he, ma Brah Yêsu Krist, Kôranh Brah he, geh nau tâm rnê, nau rnam, nau ktang jêh ri nau dơi ntơm bơh lĕ rngôch rnôk lor, aƀaơ aơ jêh ri ma tât n'ho ro! Amen.

Nau Tâm Mpơl 1:6

jêh ri ƀư ma he plơ̆ jêng ƀon bri hađăch, plơ̆ jêng phung kôranh ƀư brah ma Brah Ndu, Mbơ̆ Păng, khư geh nau tâm rnê jêh ri nau dơi n'ho ro! Amen.

Nau Tâm Mpơl 1:8

Kôranh Brah jêng Brah Ndu, NƠM AɃAƠ AƠ, HŎ GEH JÊH RI DÔL VĂCH, jêng Nơm Geh Lĕ Nau Brah lah pô aơ: “Gâp jêng Alpha jêh ri Ômêga.”

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.

Nau Tâm Mpơl 4:11

“Ơ Brah Ndu jêng Kôranh Brah hên, Kôranh Brah khư sŏk dơn nau chrêk rmah, nau yơk jêh ri nau dơi, Yorlah Kôranh Brah rhăk njêng jêh lĕ rngôch ndơ, Jêh ri tĭng nâm Kôranh Brah ŭch lĕ rngôch ndơ jêng geh jêh ri May rhăk njêng jêh khân păng.”

Nau Tâm Mpơl 7:12

lah pô aơ: “Amen! Nau tâm rnê, nau chrêk rmah, nau blau mĭn, nau lah ueh, nau yơk, nau brah jêh ri nau dơi jêng ndơ Brah Ndu he n'ho ro. Amen!”