I Timôthê 6:11 - Nau Brah Ndu Ngơi 2023

¹¹ Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

Bunong Bible Latin Script Cambodian dialect

¹¹ Yơn ma may nây, may jêng nơm jan kar ma Kôranh Brah, ăn may du ngai hŏm bơh nau i nây. Jêh ri tâng joi nau sŏng, nau ŭch iăt ma Kôranh Brah, nau nsing, nau rŏng ma bu, nau ăt nuih nâng ta nau jêr, ndrel ma nau mleh.

Bunong

¹¹ យើន​មា​មៃ​នៃ មៃ​ជេង​នើម​ជាន​ការ​មា​កោរាញ​ឞ្រាស អ៝ន់​មៃ​ទូ​ងាយ​ហ៝ម់​ឞើស​នាវ​អី​នៃ។ ជេសរី​តឹង​ជ៝យ​នាវ​ឆ៝ង់ នាវ​អុច​អ្យាត់​មា​កោរាញ​ឞ្រាស នាវ​ញឆីង នាវ​រ៝ង់​មា​ឞូ នាវ​អ៝ត់​នូយ្ស​នឹង​តា​នាវ​ជេរ នទ្រែល​មា​នាវ​មលែស។

I Timôthê 6:11 ပူးပေါင်းရင်းမြစ်များ

I Phung Hađăch 13:1

Nôk nây, tĭng nâm nau Brah Yêhôva ntăm, geh du huê bunuyh Brah Ndu luh bơh Yuđa hăn tât ta Bêthel tâm nôk Y-Jêrôbôam dâk dăch nơng ƀư brah gay su ndơ ƀâu kah.

I Phung Hađăch 13:26

Tơlah nơm mbơh lor bu ranh, nơm hŏ ƀư ăn ma bunuyh Brah Ndu plơ̆ tay, tăng nau nây, păng lah pô aơ: “Nây jêng bunuyh Brah Ndu, hŏ mâu tông nau Brah Yêhôva ngơi. Yor ri, Brah Yêhôva hŏ jao bunuyh nây ăn yau mŭr sa hêk săk jăn jêh ri nkhĭt lơi păng, di tĭng nâm nau Brah Yêhôva ngơi jêh ma păng.”

I Phung Hađăch 17:18

Bu ur nây lah ma Y-Êli: “Hơi bunuyh Brah Ndu, moh nau gâp ƀư rsuak ma may? Di lĕ may hŏ văch tât ma ngih gâp gay ŭch nkah tay lĕ nau tih gâp jêh ri ƀư ăn kon bu klâu gâp khĭt?”

I Phung Hađăch 17:24

Bu ur nây lah ma Y-Êli: “Aƀaơ aơ gâp gĭt ngăn ma may jêng bunuyh Brah Ndu, jêh ri nau Brah Yêhôva ngơi tâm trôm mbung may jêng nau nanê̆ ngăn.”

I Phung Hađăch 20:28

Nôk nây, geh du huê bunuyh Brah Ndu hăn văch dăch hađăch Israel jêh ri lah pô aơ: “Brah Yêhôva lah: Yorlah phung Aram hŏ lah: ‘Brah Yêhôva jêng brah yôk mâu di brah rlŭng,’ yor nây Gâp mra jao phung tahan âk râk aơ tâm ti may, jêh ri khân may mra gĭt ma Gâp jêng Brah Yêhôva.”

II Phung Hađăch 1:13

Hađăch prơh đŏng du huê kôranh ma prăm jât nuyh tahan rơh pe djôt leo prăm jât bunuyh tahan păng hăn. Kôranh aơ hăn hao, jêh ri tơlah văch ta ntŭk, chon kômâk panăp Y-Êli, vơh vơl: “Hơi bunuyh Brah Ndu, gâp dăn ma may uănh khlay nau rêh gâp jêh ri nau rêh prăm jât bunuyh aơ, jêng phung oh mon may.

II Phung Hađăch 1:9

Hađăch prơh du huê kôranh ma prăm jât bunuyh tahan djôt leo prăm jât bunuyh tahan păng hăn hao tâm mâp đah Y-Êli. Nôk nây, Y-Êli dôl gŭ ta klơ du n'gơn yôk. Kôranh nây lah ma păng: “Hơi bunuyh Brah Ndu, hađăch lah ma may: ‘Jŭr hom!’”

II Phung Hađăch 23:17

Hađăch ôp: “Mbu moh môch gâp saơ đah ri?” Phung bunuyh tâm ƀon nây lah: “Nây jêng môch bunuyh Brah Ndu, văch tă bơh n'gor Yuđa, mbơh lor lĕ nau hađăch Jêrôbôam ƀư jêh ma nơng ƀư brah ta ƀon Bêthel.”

II Phung Hađăch 5:20

oh mon Y-Êlisê, bunuyh Brah Ndu, jêng Y-Gêhasi mĭn tâm nuih n'hâm: “Aơ, kôranh gâp hŏ njrăng jêh mâu ŭch dơn ôh ndơ Y-Naaman, bunuyh Aram, bơh ti păng nơm djôt tât. Gâp sŏk amoh Brah Yêhôva gŭ rêh mro mrăng gay sơm ton pô aơ gâp mra nchuăt tĭng Y-Naaman gay sŏk dơn ndơ păng!”

I Nau Rêh Jêng 23:14

Bi ma Y-Môis, bunuyh Brah Ndu, phung kon bu klâu păng mra kơp ndrel ma ndŭl mpôl Lêvi.

II Nau Rêh Jêng 8:14

Tĭng nâm nau mbơ̆ păng Y-Đavit ntĭnh, păng pă kan ma phung kôranh ƀư brah tĭng nâm di tâm ndăch; pă kan phung Lêvi tâm nau kan mât ton Kôranh Brah jêh ri kâp kơl phung kôranh ƀư brah tâm nau kan ăp nar. Hađăch ăt pă kan ma phung mât mray mpông pêr tĭng nâm di tâm ndăch tâm ăp mpông pêr ngih brah, yorlah aơ jêng nau ntĭnh bơh Y-Đavit, bunuyh Brah Ndu.

Nêhêmi 12:24

Phung kôranh ndŭl mpôl ma phung Lêvi geh: Y-Hasabia, Y-Sêrêbia jêh ri Y-Jêsua, kon bu klâu Y-Katmiêl jêh ri ma phung oh nâu khân păng dâk tâm tra năp tĭng mbŭch, tĭng mpôl, gay tâm rnê jêh ri lah ueh, tĭng nâm nau ntăm tă bơh Y-Đavit, bunuyh Brah Ndu.

Nêhêmi 12:36

jêh ri phung oh nau păng jêng Y-Sêmaya, Y-Asarel, Y-Milalai, Y-Gilalai, Y-Mai, Y-Nêthanel, Y-Yuđa jêh ri Y-Hanani, djôt dĭng mprơ Y-Đavit, bunuyh Brah Ndu. Kôranh nchih samƀŭt Y-Êsra chuat hăn panăp khân păng.

Nau Mprơ Ơm 34:14

Du hom đah nau mhĭk jêh ri ƀư nau ueh. Tĭng joi hom nau đăp mpăn jêh ri hăn tĭng păng.

Nau Mprơ Ơm 38:20

Bi phung mplơ̆ nau mhĭk ntrok nau ueh gâp tâm rdâng đah gâp, Yorlah gâp ŭch hăn tĭng nau ueh.

Nau Hôr 15:9

Brah Yêhôva tâm rmot trong phung mhĭk, Ƀiălah Păng rŏng ma bunuyh tĭng joi nau sŏng srăng.

Êsai 51:1

“Ơ phung tĭng joi nau sŏng srăng, Jêng phung tĭng joi Brah Yêhôva, iăt hom Gâp! Uănh hom ma lŭ toyh tă bơh ntŭk nây yơh khân may lôk, Jêh ri ma ntu lŭ jru tă bơh ntŭk nây yơh ntŭk khân may kuyh!

Yêrêmi 35:4

lăp tâm Brah ngih Yêhôva. Gâp njŭn leo khân păng lăp tâm jrô phung kon bu klâu Y-Hanan, kon bu klâu Y-Igdalia, bunuyh Brah Ndu, gŭ êp jrô phung kôranh, ta klơ jrô Y-Maseya, kon bu klâu Y-Salum, jêng nơm chiă njrăng mpông.

Samƀŭt Pôl Njuăl Ăn Ma Phung Nsing Ta Ƀon Rôm 14:19

Pônây yơh, ăn he tĭng joi lĕ nau djôt leo tât nau đăp mpăn jêh ri ndâk njêng ndrăng phung he.

I Kôrintô 10:14

Yor ri yơh, hơi phung gâp rŏng ơi, du ngai hom đah nau mbah rup brah.

I Kôrintô 14:1

Tĭng joi hom nau rŏng. Ŭch hom lĕ nau yô̆ tâm nau rêh huêng, ƀiălah khlay lơn ma nau mbơh lor.

I Kôrintô 6:18

Der hom nau văng tĭr. Lĕ rngôch nau tih bu ƀư tih jêng padih săk jăn, ƀiălah nơm ƀư nau văng tĭr jêng ƀư tih ma săk jăn păng nơm.

Nau Vay Nkah Tay 16:20

Ăn khân may tĭng nau di jêh ri knŏng nau di, gay ma khân may dơi rêh jêh ri dơn n'gor Yêhôva Brah Ndu khân may ăn ma khân may.”

Nau Vay Nkah Tay 33:1

Aơ jêng nau ueh uĭn Y-Môis, bunuyh Brah Ndu, ăn jêh nau ueh ma phung ƀon lan Israel êlor ma păng khĭt.

I Timôthê 1:14

Nanê̆ ngăn nau yô̆ Kôranh Brah he jêng bêng ler jêh ma gâp nđâp ma nau chroh jêh ri nau rŏng tâm Brah Yêsu Krist.

I Timôthê 4:12

Lơi ăn bu rmot may yor may hôm druh ndăm, ƀiălah ăn may sŏk nau ngơi, nau gŭ ngao, nuih n'hâm rŏng, nau chroh jêh ri nau kloh rsang gay ma ƀư leo trong ma phung chroh.

I Timôthê 5:10

ăn păng dơi geh nau bu rnê nau ueh tâm ban ntĭm nti jêh phung kon, vơt rom phung bu năch, rao jâng ma phung kloh ueh, kơl an phung rêh ni, jêh ri nsrôih ƀư ăp ntil kan ueh.

I Timôthê 6:20

Hơi Y-Timôthê, djôt prăp hom lĕ nau bu jao jêh ma may, der lĕ nau ngơi lă lêng mâu geh nau khlay jêh ri nau tâm rlăch âk nau bu ntôn lah jêng nau gĭt rbăng;

II Timôthê 2:21

Yor ri, tơlah bu ƀư kloh păng nơm bơh lĕ nau ƀơ̆ ƀơch nây, păng mra plơ̆ jêng ndô ndơ ma nau khlay, geh nau kloh ueh, geh nau khlay ma kôranh păng jêh ri rơm ndrăp jêh ma lĕ kan ueh.

II Timôthê 2:22

May der ngai hom lĕ nau kơnh phung druh ndăm ŭch, jêh ri tĭng joi nau sŏng srăng, nau chroh, nau rŏng, nau đăp mpăn ndrel ma phung kuăl mbơh sơm ma Kôranh Brah ma nuih n'hâm kloh.

II Timôthê 3:10

Bi ma may, may tĭng jêh nau ntĭm nti, nau gŭ ngao, nau ŭch gŭ rêh, nau chroh, nau srôih, nau rŏng, nuih n'hâm gâp nâp;

II Timôthê 3:17

gay ma bunuyh Brah Ndu geh nau gĭt blau jêh ri rơm ndrăp jêh ma lĕ kan ueh.

ហេឞ្រើ 12:14

Joi hom nau đăp mpăn ma lĕ rngôch bunuyh jêh ri tĭng joi nau kloh ueh; yorlah tơlah mâu gŭ kloh ueh, mâu geh du huê dơi saơ Kôranh Brah ôh.

I Pêtrôs 3:11

Der hom nau mhĭk, ƀư nau ueh, Joi hom nau đăp mpăn jêh ri hăn tĭng păng.

I Samuel 2:27

Geh du huê bunuyh Brah Ndu hăn tât gay lah ma Y-Êli: “Brah Yêhôva hŏ lah jêh kơt aơ: ‘Mâu hĕ gâp hŏ tâm mpơl rah vah jêh ma phung chô yau may, dôl khân păng hôm gŭ ta Êjipt, tâm dâng ngih hađăch Pharaôn?

I Samuel 9:6

Oh mon lah ma păng: “Aơ! geh du huê bunuyh Brah Ndu tâm ƀon aơ, jêng du huê bu yơk; Lĕ nau păng lah lor tât da dê mâu tih ôh. Pônây, he hăn hom ta nây, klăp lah păng mra ntĭm an trong ma he.”