I Timôthê 6:10 - Nau Brah Ndu Ngơi 2023

¹⁰ Yorlah nau rŏng ma prăk jêng tơm reh ma lĕ rngôch nau mhĭk, ƀaƀă bunuyh yor ma tĭng joi prăk hŏ chalơi nau chroh, sŏk dơn êng ma khân păng nơm âk nau rêh ni hâu ngăn.

Bunong Bible Latin Script Cambodian dialect

¹⁰ Tơm si geh yor ma i reh păng, kơt ndri đŏng ŏk ntil nau djơh geh yor ma nau rŏng ir ma prăk. Bunuyh aƀă yor ma lĕ rŏng ma prăk hô ir, n'ho ma jêng hiơt ƀah ngai bơh nau nsing ma Brah Krist, jêh ri lơh êng săk păng nơm geh nau jêr jŏt hô ngăn.

Bunong

¹⁰ តើម​ឆី​គែស​យ៝រ​មា​អី​រែស​ពាង់ កើត​នទ្រី​ដ៝ង់​អ៝ក់​នតីល​នាវ​អ្យើស​គែស​យ៝រ​មា​នាវ​រ៝ង់​អីរ​មា​ព្រាក់។ ឞូនុយ្ស​អាបាៈ​យ៝រ​មា​លែៈ​រ៝ង់​មា​ព្រាក់​ហោ​អីរ នហ៝​មា​ជេង​ហ្យើត​បាស​ងាយ​ឞើស​នាវ​ញឆីង​មា​ឞ្រាស​ក្រីស  ជេសរី​លើស​អេង​ឆាក់​ពាង់​នើម​គែស​នាវ​ជេរ​ជ៝ត់​ហោ​ងាន់។

I Timôthê 6:10 ပူးပေါင်းရင်းမြစ်များ

Nau Ntơm 29:14

Y-Laban lah: “Di ngăn mon jêng noi deh du mham đah gâp.” Y-Yakôb gŭ ndrel ma păng du khay.

Nau Ntơm 29:26

Y-Laban ơh: “Ta n'gor aơ mâu vay ôh ăn oh lor đah ăn nur.

Nau Ntơm 34:27

Phung kon bu klâu Y-Yakôb jot ta phung khĭt jêh ri pit in ƀon nây, yorlah bu hŏ ƀư ƀơ̆ jêh oh bu ur khân păng.

Nau Ntơm 38:16

Y-Yuđa hăn prot ta păng ta pĭt trong jêh ri lah: “Ăn gâp gŭ ndrel ay,” yorlah păng mâu gĭt ôh nơm nây jêng ƀăn păng nơm. Bu ur nây ôp: “Moh ndơ may mra ăn gâp lah may tât gŭ ndrel ma gâp?”

I Phung Hađăch 2:40

Y-Simei dâk ro, dăp ưn seh bri jêh ri hăn tât ta Gat mâp Y-Akis gay joi bar hê bunuyh oh mon păng. Y-Simei hăn jêh ri djôt phung oh mon păng plơ̆ sĭt tă bơh Gat.

II Phung Hađăch 5:27

Yor ri, ji phŭng Y-Naaman mra tưp ma may jêh ri ma phung kon sau may n'ho ro.” Y-Gêhasi luh tă bơh Y-Êlisê, jêh ri tưp ji phŭng nglang nâm bu pler.

Nau Mprơ Ơm 32:10

Phung mhĭk geh âk nau rngot Ƀiălah mbu nơm rnơm nsing ma Brah Yêhôva Mra geh nau ueh nkŭm bunuyh nây.

Nau Mprơ Ơm 62:10

Lơi ta rnơm ma nau tŭn jot, Mâu kâp gân ma nau dơm dam tâm nau ntŭng; Tơlah drăp ndơ ntop âk, lơi ăn nuih n'hâm khân may rnơm ta nây ôh.

Nau Hôr 1:19

Nây jêng nau ơm nal ma phung kơnh sa drăp ndơ mâu geh nau sŏng; Phung geh drăp ndơ nây mra ƀư roh nau rêh khân păng nơm.

Nau Hôr 1:31

Yor nây, khân păng dơn play nau mhĭk tĭng nâm kan khân păng ƀư, Jêh ri dơn sŏk lĕ nau păng mĭn kan,

Nau Hôr 15:27

Bunuyh kơnh sa drăp tih ƀư uh ah ma ngih păng nơm, Bi nơm rmot ma drăp bu blŏl mra dơi geh nau rêh.

Nơm Nti 2:19

Mbu nơm dơi gĭt đŏng bunuyh nây blau mĭn mâu lah rluk? Nđâp tơlah păng mra mât uănh lĕ rngôch nau kan gâp hŏt rgănh jêh ri blau mĭn ƀư tâm dâng nar. Nau nây ăt jêng nau dơm dam.

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 56:11

Khân păng jêng so ŭch sa, Mâu blau hơm ôh. Khân păng jêng phung rmăk biăp mâu gĭt rbăng; Lĕ rngôch khân păng plơ̆ tĭng trong khân păng nơm, Ăp nơm rvê joi drăp ndơ ma păng nơm da dê.

Êsêkiêl 13:19

Khân may ƀư bêk jêh Gâp ta nklang phung ƀon lan Gâp yor lĕ mbăt ba ôrgơ jêh ri lĕ rlat piăng let. Khân may ndơm phung ƀon lan Gâp jêng phung ŭch iăt lĕ nau mƀruh nây gay ŭch nkhĭt bunuyh mâu khư đah nau khĭt ôh jêh ri om rêh phung mâu khư ma nau rêh ôh.’

Êsêkiêl 16:33

Lĕ rngôch phung bu ur văng tĭr dơn prăk nkhôm da dê, ƀiălah ay ăn ndơ ma lĕ rngôch tĭr ay, ndơ blŏl ăn ma khân păng gay khân păng tă bơh lam ntŭk văch tât ƀư nau văng tĭr đah ay.

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Malachi 1:10

Brah Yêhôva ma phung tahan lah: “Ŭch ma du huê bunuyh tâm khân may nchăng lơi lĕ rngôch mpông ngih brah gay khân may mâu mpoh ôh ŭnh dơm dam ta nơng ƀư brah Gâp.” Brah Yêhôva ma phung tahan lah: “Nuih n'hâm Gâp mâu maak ôh ma khân may, jêh ri kŏ mâu dơn đŏng bơh ti khân may du ntil ndơ ƀư brah.

Mathay 13:22

Grăp ntil tŭp ta nklang pŭm lok jêng nơm tăng nau ngơi ƀiălah nau rvê ma rnôk aơ, nau kơnh ma nau ndrŏng ƀư ma nau ngơi in nu jêh ri mâu dơi geh play ôh.

Mathay 23:13

Rêh ni ngăn ma khân may, phung kôranh nchih samƀŭt jêh ri phung Pharisi, jêng phung nuih n'hâm nklă! Yorlah khân may nchăng mpông ƀon ueh klơ trôk tanăp măt bu; khân may nơm mâu dơi lăp tâm ƀon nây ôh, ƀiălah khân may nơm buay mbu nơm ŭch lăp ta nây đŏng.

Mathay 6:19

“Lơi khân may bun prăp drăp ndơ ta neh ntu aơ, ntŭk geh nchiăr mbon, geh ek găm ƀư rai, jêh ri geh bunuyh ntŭng kuyh ntơng mpông, lôk mpir lăp ntŭng.

Markôs 4:19

ƀiălah mĭn rvê ma nau rêh rnôk aơ, kơnh tâm nau ndrŏng, jêh ri kơnh drăp ndơ êng êng pit in nuih n'hâm khân păng, ƀư nu nau ngơi, mâu dơi geh play ôh.

Nau Vay Nkah Tay 16:19

Khân may mâu dơi ôh ƀư tih đah nau di, mâu gŭ nding, mâu dơn ôh drăp bu blŏl, yorlah drăp bu blŏl mra ƀư chieh măt phung blau mĭn jêh ri nsak nau ngơi bơh phung nơm sŏng srăng.

Nau Vay Nkah Tay 23:18

Khân may mâu dơi ôh djôt leo lăp ta ngih Yêhôva Brah Ndu rnoh prăk nkhôm kan bơh du huê bu ur văng tĭr, mâu lah rnoh khlay du mlâm so, nđâp lah jêng rnoh ƀư nanê̆ nau ton, yorlah lĕ bar ntil ndơ nây jêng nau Yêhôva Brah Ndu khân may tâm rmot da dê.

Kôlôh 3:5

Pôri nkhĭt lơi lĕ nau kơnh ŭch tâm neh ntu nâm bu nau văng tĭr, nau mâu kloh ueh, nau kơnh nglay săk ŭch, nau ŭch djơh mhĭk jêh ri nau kơnh rlau ir; yor nau kơnh rlau ir jêng tâm ban ma nau mbah rup brah;

I Timôthê 3:3

mâu vay mơng nhêt ndrănh, mâu hăt janh, ƀiălah đăp mpăn, mâu tâm lah tâm djrel, jêh ri mâu kơnh ir ma prăk.

I Timôthê 6:21

yorlah ŭch geh nau gĭt rbăng nây, geh ƀaƀă lơh roh nau chroh. Mbơh sơm dăn nau yô̆ gŭ ndrel ma khân may!

I Timôthê 6:9

Ƀiălah phung kơnh ma nau ndrŏng, mra tŭp tâm nau ndơm, văk tâm dăk, tŭp tâm lĕ nau kơnh nau rluk mâl jêh ri nau mhĭk, jêng lĕ nau nây ƀư ngâm kon bunuyh tâm nau ƀư rai jêh ri nau rai roh.

II Timôthê 3:2

Yorlah bunuyh mra jêng mbeh nkrêp, rŏng ma prăk, blau khư êng, sưr rlau, ngơi djơh, mâu tông bâr mê̆ mbơ̆, mâu kah gĭt tôr, mâu kloh ueh,

II Timôthê 4:10

Yorlah Y-Đêmas, yor păng rŏng ma rnôk aơ, chalơi jêh gâp jêh ri hăn ta ƀon Têsalônik; Y-Kresen hăn ta ƀon Galati, bi Y-Tit hăn ta n'gor Đalmati jêh.

Titus 1:11

Yor ma drăp ndơ jê̆ jănh, khân păng hŏ ƀư lĕ nau mâu dơi nti, nau ƀư rai lĕ rnăk vâl bunuyh ƀa bă.

Yakơ 5:19

Hơi phung oh nâu gâp, tơlah du huê tâm phung khân may vĭ nhhơt ƀah ngai bơh nau ngăn, jêh ri geh du huê êng leo păng plơ̆ tay,

Yôsuê 7:21

Nôk Gâp saơ tâm ndơ pit in geh du blah ao rjai Sinar, ueh ngăn, prăk klăp lah bar kilô, jêh ri mah klăp lah prao rhiăng gram, gâp hŏ kơnh ir jêh ri lĕ sŏk ndơ nây. Ta ri, gâp pôn jêh lĕ ndơ nây tâm trôm neh tâm ngih bok gâp jêh ri prăk ăn tâm dâng.”

Yuđas 1:11

Rêh ni ngăn ma khân păng! Yorlah tĭng trong Y-Kain; yor drăp ndơ dĭng tŭp tâm nau tih Y-Balam; jêh ri geh nau roh rai yorlah nau tâm rdâng nâm bu Y-Kôrê.

Nau Tâm Mpơl 18:13

ma sinamôn, ndơ ƀâu kah, dak ƀâu kah, dak si tăng jêh ri ntăk si ƀâu kah; ndrănh jêh ri dak ngi ôlive, rnih môi jêh ri ba ƀlê; mpô mpa rong jêh ri biăp, seh jêh ri ndeh seh; dĭk bu jêh ri huêng kon bunuyh.