I Timôthê 5:8 - Nau Brah Ndu Ngơi 2023

⁸ Tơlah mbu nơm mâu kơl ma phung ndŭl mpôl păng, khlay lơn ma rnăk vâl păng nơm, pôri bunuyh nây dun jêh nau chroh, jêh ri păng jêng mhĭk lơn ma du huê mâu chroh.

Bunong Bible Latin Script Cambodian dialect

⁸ Lah bu moh i mâu uănh geh ôh ma ndŭl mpôl păng nơm, rlau ma nây jât mâu uănh geh ma rnăk vâl păng nơm, nơm i nây lĕ mƀăr nau nsing jêh, jêh ri păng i nây djơh rlau ma bunuyh i mâu nsing ma Brah Yêsu jât.

Bunong

⁸ លាស​ឞូ​ម៝ស​អី​មោ​អ្វាញ់​គែស​អោស​មា​នទុល​មពោល​ពាង់​នើម រាលាវ​មា​នៃ​ជឹត​មោ​អ្វាញ់​គែស​មា​រានាក់​វ៝ល់​ពាង់​នើម នើម​អី​នៃ​លែៈ​មអារ់​នាវ​ញឆីង​ជេស ជេសរី​ពាង់​អី​នៃ​អ្យើស​រាលាវ​មា​ឞូនុយ្ស​អី​មោ​ញឆីង​មា​ឞ្រាស​យេឆូ  ​ជឹត។

I Timôthê 5:8 ပူးပေါင်းရင်းမြစ်များ

Nau Ntơm 30:30

Êlor gâp tât, mpô mpa may rong geh djê̆ dơm, ƀiălah aƀaơ păng bĭk jêng âk râk. Ta moh ntŭk mbang jâng gâp tât, Brah Yêhôva ăn nau ueh uĭn ma may ta ntŭk nây. Pôri, ndah jŏ gâp dơi geh ndơ gay mĭn ma rnăk sa gâp nơm?”

Êsai 58:7

Mâu di hĕ jêng nau tâm pă ndơ sông sa khân may ma nơm ji ngot, Njŭn leo phung o ach mâu geh ngih ôh plơ̆ sĭt tâm ngih khân may nơm, Lah khân may saơ nơm rhôk, sâm soh an păng, Jêh ri lơi dun ma ndŭl mpôl dăch khân may ôh?”

Mathay 18:17

Tơlah păng dun, mâu ŭch dơn nau khân păng, mbơh nau nây ma Phung Ngih Brah Ndu; jêh ri tơlah păng dun mâu ŭch dơn, nau Phung Ngih Brah Ndu, may mra kơp păng nâm bu bunuyh padih mâu lah nơm riu pi.

Mathay 7:11

Kơt nây, tơlah khân may jêng bunuyh mhĭk, hôm gĭt ăn lĕ ndơ ueh ma phung kon khân may nơm, rlau lơn ma Mbơ̆ khân may gŭ klơ trôk mâu mra ăn ndơ ueh ma mbu nơm dăn ma Păng mâm ƀư?

Yôhan 15:22

Lah Gâp mâu văch jêh ri mâu lah ôh ma khân păng, khân păng mâu geh nau tih ôh. Ƀiălah aƀaơ khân păng mâu dơi koh dŏng ma nau tih khân păng.

I Kôrintô 6:6

Ƀiălah khân may phong dôih ndrăng khân may, jêh nây djôt leo văch tanăp phung mâu chroh!

II Kôrintô 12:14

Aơ jêng tơ̆ rơh pe gâp rơm ndrăp hăn chop khâl ma khân may; gâp mâu mra ƀư jâk khân may ôh, yorlah gâp mâu joi drăp ndơ khân may ôh, ƀiălah joi khân may yơh. N'hêl nanê̆ ngăn, mâu di phung kon ôh bun prăp drăp ndơ ma mbơ̆ mê̆, ƀiălah mê̆ mbơ̆ bun prăp drăp ndơ ma phung kon.

II Kôrintô 6:15

Brah Krist jêh ri Bêlial geh tâm rnglăp lĕ? Mâu lah moh phung chroh dơi geh ndrel ma phung mâu chroh?

Galati 6:10

Pôri, dôl geh mông găl, he ƀư hom nau ueh ma lĕ rngôch bunuyh, lor lơn jêng ma phung oh nâu tâm nau chroh.

II Timôthê 2:12

Tơlah he srôih dơn nau rêh ni, He mra chiă uănh đŏng ndrel ma Păng; Tơlah he dun Păng, Păng mra dun he đŏng;

II Timôthê 3:5

tâm mpơl nau klach yơk padih, ƀiălah dun lơi nau brah ma nau klach yơk nây. Ăn may der ngai bơh phung kơt nây.

Titus 1:16

Khân păng kơp êng khân păng nơm jêng gĭt năl Brah Ndu, ƀiălah nau kan khân păng ƀư jêng dun Păng. Khân păng khư tâm rmot, mâu tông bâr, mâu dơi ƀư du ntil kan ueh ôh.

II Pêtrôs 2:1

Ƀiălah geh jêh âk phung mbơh lor nklă mpơl tâm phung ƀon lan, jêh ri mra geh đŏng kôranh nti nklă tâm khân may; khân păng mra mbơh nkoch ndâp lĕ nau chroh nklă blau hâu ngăn, dun ma Kôranh Brah jêng Nơm tâm chuai jêh khân păn nơm, sŏk dơn nau ƀư rai gơnh ro ma khân păng nơm.

Yuđas 1:4

Yorlah geh ƀaƀă phung bunuyh mŭt ntŭng tâm nklang khân may, jêng phung kăl e hŏ tâm nal ma nau phat dôih, jêng phung mâu klach yơk, phung rgâl nau yô̆ Brah Ndu he jêng nau dơi ƀư tih, dun ma Nơm Chiă Uănh knŏng nguay jêh ri Kôranh Brah he jêng Brah Yêsu Krist.

Nau Tâm Mpơl 2:13

‘Gâp gĭt ta ntŭk may gŭ; ntŭk nây jêng sưng hađăch Satan. May djôt nâp amoh Gâp jêh ri may mâu dun ôh nau chroh ma Gâp, nđâp tâm lĕ nar Y-Antipas, bunuyh mbơh răp jăp ma Gâp, bu hŏ nkhĭt păng ta ntŭk khân may, ta nây Satan gŭ.

Nau Tâm Mpơl 3:8

‘Gâp gĭt lĕ nau kan may. Aơ, Gâp hŏ pơk jêh du mlâm mpông tanăp măt may mâu geh nơm dơi nchăng ôh, yorlah may geh djê̆ nau ktang ƀiălah may ăt djôt prăp jêh nau Gâp ngơi jêh ri mâu dun ôh ma amoh Gâp.