I Timôthê 5:6 - Nau Brah Ndu Ngơi 2023

⁶ Ƀiălah mbu jêng bu ur ndrô gŭ rêh tâm nau mpŭng prăk blă blơ, nđâp lah gŭ rêh tâm ban ma khĭt đŏng.

Bunong Bible Latin Script Cambodian dialect

⁶ Yơn ma lah bu ur ndrô lĕ khât sai hôm e pơh ma rŏng ma rnglay săk ŭch, ndri păng jêng tâm ban ma bunuyh lĕ khât jêh, bol lah hôm rêh kađôi.

Bunong

⁶ យើន​មា​លាស​ឞូ​អូរ​នទ្រោ​លែៈ​ខឹត​ឆាយ​ហោម​អែ​ពើស​មា​រ៝ង់​មា​រាង្លៃ​ឆាក់​អុច នទ្រី​ពាង់​ជេង​តឹម​ឞាន​មា​ឞូនុយ្ស​លែៈ​ខឹត​ជេស ឞ៝ល​លាស​ហោម​រេស​កាដោយ។

I Timôthê 5:6 ပူးပေါင်းရင်းမြစ်များ

Nau Ntơm 2:17

ƀiălah play tơm si gĭt nau ueh jêh ri nau mhĭk, may mâu dơi ôh sa, yorlah moh nar may sa play tơm si nây, nanê̆ may mra khĭt.”

Nau Hôr 29:21

Mbu nơm rnơh ir oh mon păng ntơm bơh jê̆, Kêng dŭt păng mra jêng du huê nơm dăng bôk.

Êsai 22:13

Ntrok đah nau aơ, khân may nkhơng ma hâk răm: Chôk ndrôk, nkhĭt biăp, Sa puăch jêh ri nhêt ndrănh. Khân may lah: “Aƀaơ, sông sa nhêt hom, Yorlah nar ôi taơ he mra khĭt!”

Êsai 47:1

Ơ bu ur druh ƀon Babilôn, Trŭnh jêh ri gŭ hom tâm ndruyh neh! Ơ kon bu ur phung Kaldê! Gŭ hom ta neh, mâu hôm gŭ ta sưng hađăch ôh! Yorlah bu mra mâu hôm rnha ma may Jêng rdơ̆ rbăn ueh lăng ôh.

Yêrêmi 6:2

Gâp mra ƀư rai bu ur druh ƀon Siôn. Ueh reh, ngăn ngên.

Nau Nhĭm Vơl 4:5

Phung tă chiăm ler ndơ sa kah, Aƀaơ gŭ êng tâm trong sâng ƀon toyh; Phung văch ma toyh tâm bok rvanh chăng-krăk, Aƀaơ ri pung tâm ŭnh buh.

Mathay 8:22

Ƀiălah Brah Yêsu lah: “Tĭng hom Gâp, ăn bunuyh khĭt tâp bunuyh khĭt khân păng nơm.”

Luka 12:19

Gâp mra lah ma huêng gâp pô aơ: Hơi huêng gâp, may geh âk drăp ndơ prăp jêh âk năm jêh. Gŭ rlu hom, sông sa nhêt, jêh ri răm maak hom.’

Luka 15:13

Jêh nây mâu ir jŏ, oh nây sŏk lĕ drăp ndơ jêh ri hăn tât du n'gor ngai; ta nây, păng pâl rlưn ƀư blă blơ, ƀư roh drăp păng, mpŭng drăp ndơ păng nơm.

Luka 15:24

Yorlah kon gâp aơ khĭt jêh ƀiălah aƀaơ aơ dâk rêh đŏng, roh jêh ƀiălah aƀaơ aơ joi dơi saơ.’ Jêh nây khân păng ntơm nhêt sông sa răm maak.

Luka 15:32

Ƀiălah di ngăn ƀư nau sông sa jêh ri răm maak, yorlah oh may aơ khĭt jêh, ƀiălah nar aơ păng dâk rêh, hŏ roh jêh ƀiălah dơi saơ.’ ”

Luka 16:19

“Geh jêh du huê bunuyh ndrŏng nsoh ao chăng krăk jêh ri ao bok mhay rhên, ăp nar nhêt sa răm maak ngăn.

Luka 7:25

Moh ndơ khân may hŏ uănh jêh? Du huê bunuyh nsoh ao dŭt ueh? Aơ, phung nsoh ao dŭt ueh jêh ri sông sa kah gŭ tâm ngih hađăch!

Êphêsô 2:1

Khân may khĭt jêh yor lĕ nau ƀư tih jêh ri nau tih khân may nơm,

Êphêsô 2:5

pôri nôk he lĕ khĭt jêh yor lĕ nau tih he, Păng ƀư ăn he dâk rêh tay ndrel ma Brah Krist — nây jêng tă bơh nau yô̆ yơh khân may dơi geh nau tâm rklaih —

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

Nau Vay Nkah Tay 28:54

Nđâp ma bunuyh bu klâu mơih rmên lơn tâm khân may, tâm nôk mâu hôm geh ntŭk joi yor nau phung rlăng nchueng jŭm lam ăp ƀon, bunuyh nây mra uănh ma oh nâu păng nơm, ma ur păng rŏng ngăn ngên jêh ri ma phung kon hôm e ma păng nơm đah muh măt janh hâr ngăn,

Nau Vay Nkah Tay 28:56

Bu ur ueh mơih rmên lơn ta nklang khân ay may, nau ueh mơih rmên kŏ tât mâu janh dơm ôh mpang jâng păng ta neh, tâm nôk mâu hôm geh ntŭk joi yorlah phung rlăng nchueng jŭm lam ăp ƀon, păng mra uănh đŏng ma sai păng rŏng ngăn ngên, ma kon bu klâu jêh ri kon bu ur păng đah muh măt janh hâr,

Kôlôh 2:13

Nôk khân may khĭt jêh tâm nau tih jêh ri tâm nglay săk mâu koh ntâu, Brah Ndu ƀư ăn ma khân may rêh ndrel ma Brah Krist, yor Păng yô̆ an jêh lĕ nau tih he.

II Timôthê 3:6

Tâm phung khân păng geh ƀaƀă lăp ntŭng tâm ngih bu, ndơm phung bu ur geh nau mĭn tŭp tâm nau tih, geh nau nchâp ăp ntil bơh nau nglay săk ŭch,

Yakơ 5:5

Khân may gŭ rêh sa kah vah ngi, răm maak tâm neh ntu nây; khân may mât rong lay nuih n'hâm khân may nơm tâm nar sreh nkhĭt;

Nau Tâm Mpơl 18:7

Păng tâm rnê êng ma păng nơm jêh ri gŭ rêh dŭt ndrŏng dŭt maak, Ri mơ ƀư hom ma păng dơn nau rêh ni jêh ri nau klâng ndrê kơt nây đŏng. Yorlah păng lah tâm nuih n'hâm pô aơ: ‘Gâp gŭ jêh tâm ban ma hađăch bu ur! Gâp mâu di jêng bu ur ndrô, Gâp mâu mra geh nau klâng rvê ôh.’

Nau Tâm Mpơl 3:1

“Nchih hom ma phung tông mpăr ma Phung Ngih Brah Ndu ta ƀon Sardis pô aơ: Aơ jêng nau ngơi Nơm geh pơh huêng Brah Ndu, jêh ri pơh mănh mbing: ‘Gâp gĭt lĕ kan may; may geh nau lư rêh ƀiălah may jêng khĭt.

I Samuel 15:32

Jêh nây, Y-Samuel lah: “Njŭn leo Y-Agak, hađăch phung Amalek ma gâp.” Y-Agak văch tât ma păng ma nau maak yorlah păng mĭn pô aơ: “Nanê̆ ngăn nau rngot ma nau khĭt lĕ rlau jêh.”

I Samuel 25:6

jêh ri lah pô aơ: ‘Ăn nau đăp mpăn gŭ ndrel may, ăn nau đăp mpăn gŭ ndrel ma ngih vâl may jêh ri ma lĕ rngôch ndơ may geh!