I Timôthê 5:17 - Nau Brah Ndu Ngơi 2023

¹⁷ Phung kôranh bu ranh blau chiă uănh Phung Ngih Brah Ndu, lơ hô geh nau yơk âk lơn, lor lơn jêng phung srôih jâk jêr tâm nau mbơh nau chroh jêh ri nau ntĭm nti.

Bunong Bible Latin Script Cambodian dialect

¹⁷ Phung kôranh i mât uănh phung nsing ma Brah Yêsu Krist i jan ueh, ăn yơk ma păng, ndrel ma ăn prăk ma păng ma nau jan kar păng ta phung nsing ma Brah Yêsu Krist. Lah păng uănh Nau Kôranh Brah Ngơi đŏng, mâu lah ntŭm nti bu, ăn yơk ma păng rlau i nây jât.

Bunong

¹⁷ ផូង​កោរាញ​អី​ម៝ត់​អ្វាញ់​ផូង​ញឆីង​មា​ឞ្រាស​យេឆូ​ក្រីស  ​អី​ជាន​អ្វែស អ៝ន់​យើក​មា​ពាង់ នទ្រែល​មា​អ៝ន់​ព្រាក់​មា​ពាង់​មា​នាវ​ជាន​ការ​ពាង់​តា​ផូង​ញឆីង​មា​ឞ្រាស​យេឆូ​ក្រីស  ។ លាស​ពាង់​អ្វាញ់​នាវ​កោរាញ​ឞ្រាស​ងើយ​ដ៝ង់ មោ​លាស​នតុម​នតី​ឞូ អ៝ន់​យើក​មា​ពាង់​រាលាវ​អី​នៃ​ជឹត។

I Timôthê 5:17 ပူးပေါင်းရင်းမြစ်များ

II Phung Hađăch 2:9

Tơlah lĕ rgăn jêh kơh tê̆, Y-Êli lah ma Y-Êlisê pô aơ: “Dăn hom moh nau may ŭch ma gâp ƀư ma may, êlor ma bu leo gâp hao tă bơh may.” Y-Êlisê lah: “Gâp dăn ma may, ăn gâp ndơn bar tơ̆ rlau lơn huêng brah may.”

Êsai 40:2

Ngơi hom ma nau rdơ̆ ma Yêrusalem, Jêh ri mbơh pô aơ nau păng tâm lơh lĕ dŭt jêh, Nau tih păng yô̆ ăn jêh; Păng hŏ dơn bar tơ̆ bơh ti Brah Yêhôva, Ma lĕ rngôch nau tih păng.”

Yêrêmi 16:18

Lor lơn Gâp mra mplơ̆ nau mhĭk ma khân păng n'hao bar tơ̆ jêh ri nau tih khân păng hŏ ƀư jêh, yorlah khân păng hŏ ƀư ƀơ̆ ƀơch neh Gâp bơh săk jăn khĭt lĕ rup brah di ma nau tâm rmot, jêh ri ƀư bêng ma drăp ndơn đah lĕ ndơ di ma nau ƀơ̆ ƀơch.”

Yêrêmi 17:18

Dăn ƀư ăn ma phung ƀư mhĭk ma gâp mra geh nau bêk prêng, Ƀiălah gâp nơm mâu geh nau prêng ôh; Dăn ƀư ăn ma khân păng rdja nuih, Ƀiălah gâp mâu geh nau rdja nuih ôh! Dăn nkhŭt ta klơ khân păng nar mhĭk tât, Ƀư rai khân păng bar tơ̆!

Sakari 9:12

Hơi phung bu krŭng geh nau kâp gân, plơ̆ sĭt hom ma pôih! Nar aơ ro, Gâp mra mbơh pô aơ Gâp mra mplơ̆ ăn khân may bar tơ̆ âk lơn.

Nau Kơp Bunuyh 18:31

Khân may jêh ri phung tâm ngih khân may dơi sa lĕ ndơ nhhơr nây tâm moh ntŭk khân may ŭch, yorlah nây jêng nau nkhôm ma nau pah kan tâm Ngih Bok Nau Tâm Rƀŭn.

Mathay 24:25

Aơ, Gâp mbơh lor ma khân may jêh.

Luka 10:7

Gŭ hom tâm ngih nây, sông sa nhêt ndrel ma khân păng, yorlah bunuyh pah kan nkhôm găl geh prăk nau nkhôm păng nơm. Lơi chalơi ngih aơ trơn ngih êng.

Luka 12:42

Brah Yêsu lah: “Mbu nơm jêng bunuyh chiă uănh blau mĭn jêh ri răp jăp, kôranh jao ăn păng mât uănh ngih kôranh gay păng ăn ndơ sông sa di mông?

Yôhan 4:38

Gâp hŏ njuăl khân may hăn rek ta ntŭk khân may mâu mâp hŏt ƀư, bunuyh êng hŏ ƀư kan hŏt jêh, bi khân may lăp dơn tâm kan hŏt khân păng.”

Kôranh Oh Mon 11:30

Khân păng ƀư nau nây jêh ri njuăl ndơ ăn ma phung bu ranh tă ma ti Y-Ƀarnaƀas jêh ri Y-Sôl.

Kôranh Oh Mon 20:35

Gâp hŏ tă ntĭm nti jêh ma khân may, tâm lĕ nau kan, he gơih ƀư kan kơt nĕ gay sâm kơl phung ji kuet, jêh ri kah gĭt tay Kôranh Brah yơh jêng Brah Yêsu hŏ ntăm jêh: ‘Ăn ma bu jêng nau ueh lơn ma sŏk dơn.’ ”

Kôranh Oh Mon 28:10

Khân păng mpơl nuih n'hâm yơk ma hên hâu ngăn; dôl hên ncho kumpăn, khân păng ăn ndơ ma hên dŏng.

Samƀŭt Pôl Njuăl Ăn Ma Phung Nsing Ta Ƀon Rôm 12:8

bunuyh geh nau dơi ăn n'hao nuih n'hâm, n'hao hom nuih n'hâm; bunuyh geh nau dơi ăn pă drăp ndơ, pă hom drăp ndơ ma nuih n'hâm lŏng; bunuyh geh nau dơi ăn chiă uănh, gơih chiă uănh hom; bunuyh geh nau dơi ăn ƀư nau ăn ndơ yô̆, ƀư hom ma nau maak.

Samƀŭt Pôl Njuăl Ăn Ma Phung Nsing Ta Ƀon Rôm 15:27

Khân păng maak nuih n'hâm ƀư nau nây, ƀiălah nau di khân păng iang rnon phung nây lĕ; yorlah tơlah phung bu năch sŏk dơn jêh drăp ndơ ma nau rêh huêng, ri mơ ăn khân păng djôt leo drăp ndơ kơl an ma bu đŏng.

Samƀŭt Pôl Njuăl Ăn Ma Phung Nsing Ta Ƀon Rôm 16:12

Mbah khâl đah H'Triphena jêh ri H'Triphôsa, jêng bar hê phung yuh hŏ pah kan hŏt r'ah yor ma Kôranh Brah. Mbah khâl đah H'Pêrsit, bunuyh yuh gâp rŏng, hŏ pah kan hŏt rgănh ma Kôranh Brah.

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

I Kôrintô 16:16

Gâp nti nkah khân may tông hom ma phung bunuyh nâm nđĕ, jêh ri lĕ phung bunuyh pah kan rêh ni ndrel ma khân păng.

I Kôrintô 3:9

Yorlah hên jêng phung bunuyh pah kan ndrel ma Brah Ndu; khân may jêng mir lŏ Brah Ndu, jêng ngih Brah Ndu.

II Kôrintô 6:1

Yorlah hên pah kan ndrel ma Brah Ndu, hên vơh vơl ma khân may lơi dĭng sŏk dơn nau Brah Ndu yô̆ dơm dam ôh.

Galati 6:6

Mbu nơm tăng bu nti nau chroh, tâm pă hom lĕ rngôch ndơ ueh ăn ma nơm nti lah ma khân păng.

Nau Vay Nkah Tay 18:8

Nơm nây mra dơn kô̆ ndơ sông sa tâm ban ma lĕ rngôch oh nâu păng nơm, mâu kơp ma mpa păng geh bơh ndơ păng tăch drăp ndơ mbơ̆ păng.”

Philip 2:16

Djôt nâp hom nau ngơi rêh mro mrăng, gay tâm nar Brah Krist, gâp dơi tâm rnê êng ma gâp nơm mâu nchuăt dơm dam jêh ri mâu jâk jêr dơm dam.

Philip 2:29

Pôri, khân may răm maak hom tâm Kôranh Brah gay rom păng; jêh ri yơk hom ma bunuyh nâm nđĕ;

Philip 4:3

Gâp dăn đŏng ma may, mĭt jiăng pah kan răp jăp ndrel ma gâp, kơl hom phung bu ur nây; khân păng dâk ndrel ma gâp tâm lơh yor ma Nau Mhe Mhan Ueh, ndrel ma Y-Klêmen jêh ri phung mĭt jiăng ndrel kan êng ma gâp; amoh khân păng Brah Ndu nchih jêh tâm ndrom samƀŭt nau rêh.

I Timôthê 3:5

yorlah du huê mâu blau chiă uănh rnăk vâl păng nơm, mâm dơi păng mât mray Phung Ngih Brah Ndu?

I Timôthê 4:10

He jâk jêr jêh ri tâm lơh ma nau aơ, yorlah he hŏ dơm nau kâp gân tâm Brah Ndu rêh, jêng Nơm Tâm Rklaih ma lĕ rngôch bunuyh, khlay ngăn ngên ma phung chroh.

I Timôthê 4:14

Lơi chuêl ôh ma nau dơi ăn tâm may, jêng nau dơi ăn ma may tâm nau mbơh lor nôk mpôl kôranh bu ranh pah ti klơ may.

I Timôthê 4:16

Njrăng hom ma may nơm jêh ri ma nau may nti lah; srôih tâm lĕ rngôch nau nây, yorlah ƀư tâm ban pônây, may nơm jêh ri phung gŭ iăt may geh nau rklaih da dê.

I Timôthê 4:6

Tơlah may mbơh lĕ nau aơ ma phung oh nâu, may mra jêng du huê oh mon ueh ma Brah Yêsu Krist, dơi mât rong jêh ma nau chroh jêh ri ma nau nti sŏng ngăn may hŏ tĭng chroh jêh.

I Timôthê 5:19

Lơi dơn ôh nau bu phong ma du huê kôranh bu ranh, lah mâu geh nau mbơh tă bơh bar mâu lah pe nuyh.

I Timôthê 5:3

Yơk hom ma bu ur ndrô, n'hêl nanê̆ jêng ndrô.

II Timôthê 2:6

Nơm kan mir rgănh pah kan, mra dơn kao play lor lơn.

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

ហេឞ្រើ 13:17

Tông hom ma phung kôranh chiă uănh khân may jêh ri blau tông ma khân păng, yorlah khân păng mât mray huêng khân may nâm bu ăn phung mra mbơh nkoch rah vah. Kơl hom ma khân păng geh nau maak gay ƀư lôch nau kan jêh ri mâu geh nau njang bâr, yorlah nau nây mâu ăn ueh ôh ma khân may.

ហេឞ្រើ 13:24

Mbah ma lĕ rngôch phung chiă uănh khân may jêh ri lĕ rngôch phung kloh ueh. Phung kloh ueh ta n'gor Italy njuăl nau mbah jô̆ khâl ma khân may.

ហេឞ្រើ 13:7

Kah gĭt hom ma phung gai khân may, jêng phung mbơh nkoch jêh nau ngơi Brah Ndu ma khân may. Sek uănh hom nau tât ma nau rêh khân păng jêh ri kơt nau chroh khân păng.