I Timôthê 5:10 - Nau Brah Ndu Ngơi 2023

¹⁰ ăn păng dơi geh nau bu rnê nau ueh tâm ban ntĭm nti jêh phung kon, vơt rom phung bu năch, rao jâng ma phung kloh ueh, kơl an phung rêh ni, jêh ri nsrôih ƀư ăp ntil kan ueh.

Bunong Bible Latin Script Cambodian dialect

¹⁰ ndrel ma lah lĕ geh bu nkoch nau ueh ndơ păng jan, lĕ geh ntŭm nti oh kon, lĕ geh vơt rom phung bu năch ta jay păng nơm, lĕ geh kơl jan kar phung nsing ma Brah Yêsu Krist, lĕ geh kơl ma bunuyh i gŭ ta nau rêh rnhăl, lĕ nsrôyh jan dâng lĕ ndơ ueh. Ndri may nchih săk bu ur ndrô i nây.

Bunong

¹⁰ នទ្រែល​មា​លាស​លែៈ​គែស​ឞូ​ងក៝ច​នាវ​អ្វែស​នទើ​ពាង់​ជាន លែៈ​គែស​នតុម​នតី​អ៝ស​ក៝ន លែៈ​គែស​វើត​រ៝ម​ផូង​ឞូ​នាច់​តា​ជៃ​ពាង់​នើម លែៈ​គែស​កើល​ជាន​ការ​ផូង​ញឆីង​មា​ឞ្រាស​យេឆូ​ក្រីស  លែៈ​គែស​កើល​មា​ឞូនុយ្ស​អី​គុ​តា​នាវ​រេស​រាញាល់ លែៈ​ញឆ្រោយ្ស​ជាន​ទឹង​លែៈ​នទើ​អ្វែស។ នទ្រី​មៃ​ញចីស​ឆាក់​ឞូ​អូរ​នទ្រោ​អី​នៃ។

I Timôthê 5:10 ပူးပေါင်းရင်းမြစ်များ

Nau Ntơm 18:4

Dăn sŏk ma gâp djê̆ dak, gay ăn khân may rao jâng, jêh nây gŭ rlu ta nâm n'hâm tơm si aơ.

Nau Ntơm 19:2

Păng lah: “Ơ kôranh gâp ơi, dăn veh lăp ta ngih oh mon khân may, bê̆ch măng jêh ri rao jâng, jêh nây ôi taơ dĭng khân may dâk ơm ôi hăn trong.” Ƀiălah bar hê tông mpăr lah: “Mâu ôh, măng aơ hên mra gŭ padih mpâr ƀon nây.”

Nau Ntơm 24:32

Bunuyh oh mon nây lăp tâm ngih. Y-Laban doh vơng ma seh samô, sŏk gơ̆ jêh ri rhe ăn ma lĕ phung seh samô jêh nây sŏk dak ăn ma bunuyh oh mon nây jêh ri phung bunuyh ndrel ma păng rao jâng.

Nau Ntơm 43:24

jêh ri ăn khân păng lăp tâm ngih Y-Yôsep, ăn dak ma khân păng rao jâng, jêh ri ăn gơ̆ kro ma seh bri khân păng sa.

Nau Mprơ Ơm 119:4

May hŏ ntăm jêh nau vay ntăm bơh May ma hên Gay ma hên njrăng djôt prăp.

Êsai 1:17

Nti hom ƀư nau ueh, Tĭng joi nau di, Kơl an bunuyh bu tŭn jot, Phat dôih nau di ma kon đơi, Ngơi n'gang nau rlăch nchră ma bu ur ndrô.”

Kan Lêvi 25:35

‘Tơlah oh nâu khân may tŭp tâm nau o ach, mâu dơi siăm rong păng nơm ôh, ăn khân may kơl păng, nđâp lah du huê bu năch mâu lah du huê bunuyh gŭ njưh, gay ma păng dơi rêh ndrel ma khân may.

Mathay 25:17

Bunuyh dơn jêh bar talâng, dơi ntop bar talâng đŏng.

Mathay 5:16

Đŏng kơt nây, nau ang khân ay may ăn nchrat ang tra năp lĕ rngôch bunuyh, gay khân păng saơ kan ueh khân ay may jêh ri mât ton ma Mbơ̆ khân ay may gŭ ta klơ trôk.

Luka 7:38

Păng gŭ pakơi, ta jâng Brah Yêsu jêh ri nhĭm, dak măt bĕ jâng Brah Yêsu; jêh nây jut ma sŏk păng, chŭm jâng Păng, jêh ri mhĭng ma dak ƀâu kah.

Luka 7:44

Păng n'gĭl uănh ma bu ur nây jêh ri lah ma Y-Simôn: “May saơ lĕ bu ur aơ lĕ? Gâp lăp jêh tâm ngih may, ƀiălah may mâu ăn dak rao jâng; Ƀiălah bu ur nây sŏk dak măt ƀư bĕ jâng Gâp, jêh nây jut ma sŏk păng.

Kôranh Oh Mon 10:22

Khân păng plơ̆ lah, “Kôranh tahan Kôrnei jêng bunuyh sŏng srăng, klach yơk ma Brah Ndu, lĕ rngôch phung Yuđa mbơh nkoch ueh ma păng. Geh tông mpăr kloh ueh, đă kuăl may hăn ta ngih păng, ŭch iăt nau may nti lah.”

Kôranh Oh Mon 22:12

Ta ƀon nây geh Y-Ananias jêng bunuyh gơih ngăn djôt prăp nau vay, lĕ rngôch phung Yuđa gŭ ta nây mbơh nkoch ueh ma păng.

Kôranh Oh Mon 6:3

Pôri, dăn phung oh nâu săch hom tâm phung khân may pơh nuyh geh nau lư ueh, bêng ma Brah Huêng Ueh jêh ri ma nau blau mĭn, hên mra jao nau kan aơ ma khân păng.

Kôranh Oh Mon 9:36

Ta ƀon Jôpa, geh du huê bu ur oh mon, amoh păng H'Tabitha, nâm bu ntĭt Dôrkas; păng ƀư âk kan ueh jêh ri vay ăn ndơ ma phung o ach.

Kôranh Oh Mon 9:39

Y-Pêtrôs dâk hăn ndrel ma bar hê khân păng. Tơlah păng tât ta ntŭk nây, bu njŭn leo păng ta jrô klơ nây. Lĕ rngôch phung bu ur ndrô dâk ta meng păng jêh ri nhĭm da dê, jêh ri ăn Y-Pêtrôs uănh dŭm âk ao rjai jêh ri kho ao êng H'Dôrkas hŏ jĭm ma khân păng dôl păng hôm gŭ rêh.

Samƀŭt Pôl Njuăl Ăn Ma Phung Nsing Ta Ƀon Rôm 12:13

Ăn hom nau ueh ma phung kloh ueh, ndơ khân păng pưt, ăn blau vơt rom bu năch.

Êphêsô 2:10

Yorlah he jêng kan bơh ti Păng, dơi rhăk njêng tâm Brah Yêsu Krist gay ƀư lĕ nau kan ueh Brah Ndu nkra jêh bơh lor gay ma he kơt ƀư.

Kôlôh 1:10

gay gŭ rêh tâm di ma Kôranh Brah, ƀư ueh nuih n'hâm Păng tâm lĕ kan, geh play tâm lĕ rngôch nau ƀư ueh, jêh ri văch ma toyh tâm nau gĭt rbăng Brah Ndu.

I Timôthê 2:10

ƀiălah ƀư lĕ nau kan ueh, jêng nau tâm di ma phung bu ur nau yơk.

I Timôthê 3:2

Pôri, kôranh chiă uănh mâu geh nau nduyh, knŏng du huê ur du huê sai, di keh, gĭt njrăng, gŭ ngao ueh, gĭt rom bu năch, blau ntĭm nti bu,

I Timôthê 3:7

Ăn kôranh chiă uănh geh nau mbơh ueh bơh phung padih, gay mâu tŭp ôh tâm nau bêk prêng jêh ri tâm dăk brah mhĭk.

I Timôthê 5:16

Tơlah du huê bu ur chroh geh phung bu ur ndrô tâm ngih păng nơm, ăn păng kơl khân păng, lơi ta ntop nau jâk ma Phung Ngih Brah Ndu, gay ma Phung Ngih Brah Ndu dơi kơl phung ndrô ngăn.

I Timôthê 5:25

Nau ueh tâm ban lĕ: Geh kan mpơl ro, geh đŏng mâu mpơl, ƀiălah tât kăndơ̆ mâu đŏng pôn mo ƀaƀơ.

I Timôthê 6:18

Ăn khân păng ƀư kan ueh, ƀư âk kan ueh maak, geh nuih n'hâm lŏng, rơm ndrăp jêh tâm pă ma bu;

II Timôthê 1:5

Gâp ăt kah gĭt đŏng ma nau chroh may răp jăp ngăn, jêng nau chroh geh lor tâm H'Lôis, u may, jêh ri tâm H'Ơnis, mê̆ may; gâp gĭt ngăn jêh ma nau chroh nây nar aơ gŭ tâm may.

II Timôthê 2:21

Yor ri, tơlah bu ƀư kloh păng nơm bơh lĕ nau ƀơ̆ ƀơch nây, păng mra plơ̆ jêng ndô ndơ ma nau khlay, geh nau kloh ueh, geh nau khlay ma kôranh păng jêh ri rơm ndrăp jêh ma lĕ kan ueh.

II Timôthê 3:15

jêh ri bơh rnôk may hôm jêng kon se may gĭt jêh Nau Brah Ndu Ngơi ơm geh dơi ƀư ăn may blau mĭn gay geh nau tâm rklaih yor ma nau chroh tâm Brah Yêsu Krist.

II Timôthê 3:17

gay ma bunuyh Brah Ndu geh nau gĭt blau jêh ri rơm ndrăp jêh ma lĕ kan ueh.

Titus 2:14

jêng Nơm hŏ sân săk jêh yor ma he gay tâm chuai he bơh lĕ nau djơh mhĭk, jêh ri ƀư kloh he jêng du phung ƀon lan knŏng êng ma Păng nơm, jêng phung ƀon lan geh nau duh nđơr ƀư lĕ nau kan ueh.

Titus 2:7

Tâm lĕ rngôch nau, may jêng nơm leo trong tâm lĕ nau kan ueh jêh ri tâm mpơl nau di, ăn gŭ ngao ueh lah may ntĭm nti;

Titus 3:1

Nkah hom ma phung chroh blau tông phung kôranh chiă uănh jêh ri phung geh nau dơi, ăn tông bâr jêh ri rơm ndrăp jêh ri ƀư lĕ kan ueh,

Titus 3:14

Ăn phung chroh he nti nsrôih ƀư kan ueh, gay ma kơl ăn ma lĕ nau geh nau kan ndal, pôri lơi gŭ rêh du nau rêh mâu geh play.

Titus 3:8

Aơ jêng nau ngơi ngăn. Gâp ŭch ma may ƀư ngăn lĕ nau aơ, gay ma phung chroh jêh ma Brah Ndu mra nsrôih ƀư kan ueh jêh ri khlay ma lĕ rngôch bunuyh.

ហេឞ្រើ 10:24

Ăn he mĭn rvê tâm n'hao nuih ndrăng he nơm ma nau rŏng jêh ri lĕ nau kan ueh.

ហេឞ្រើ 13:2

Lơi chuêl mpơl nuih n'hâm gĭt rom bu năch, yorlah dôl ƀư nau nây, geh ƀaƀă rom jêh tông mpăr ƀiălah mâu gĭt năl khân păng ôh.

ហេឞ្រើ 13:21

ăn ma khân may lĕ nau ueh gay tĭng nau Păng ŭch, jêh ri ƀư nau ueh nuih n'hâm Păng ma he tâm Brah Yêsu Krist. Ăn nau chrêk rmah jêng ndơ Păng n'ho ro ƀaƀơ! Amen.

I Pêtrôs 2:12

Ăn khân may gŭ ngao sŏng ta nklang phung bu năch, gay ma tơlah khân păng ngơi mhĭk khân may jêng bunuyh djơh mhĭk, khân păng ăt saơ nau ueh khân may ƀư jêh ri tâm rnê Brah Ndu tâm nar Păng chop khâl.

I Pêtrôs 4:9

Tâm rom hom ndrăng khân may, lơi ngơi ƀŭk dŭk suyh ôh.

III Yôhan 1:12

Lĕ rngôch mbơh nkoch nau ueh Y-Dêmêtrius da dê, nđâp nau ngăn tâm ban lĕ. Hên mbơh nkoch đŏng ma păng, jêh ri may gĭt nau hên mbơh nkoch jêng nau di ngăn.