I Timôthê 5:1 - Nau Brah Ndu Ngơi 2023

¹ Lơi ngơi dăng ôh nau nduyh ma bu klâu ranh, ƀiălah bonh leng păng tâm ban ma du huê mbơ̆, gŭ ngao đah phung ndăm tâm ban ma phung oh nâu,

Bunong Bible Latin Script Cambodian dialect

¹ Lơi ôh lah bu klô ranh, yơn ma ăn ntŭm nti păng tâm ban ma bơ̆ hŏ, jêh ri phung ndăm kơp tâm ban ma oh nô.

Bunong

¹ លើយ​អោស​លាស​ឞូ​ក្លោ​រាញ យើន​មា​អ៝ន់​នតុម​នតី​ពាង់​តឹម​ឞាន​មា​ឞឹ​ហ៝ៈ ជេសរី​ផូង​នទាម់​កើប​តឹម​ឞាន​មា​អ៝ស​នោ។

I Timôthê 5:1 ပူးပေါင်းရင်းမြစ်များ

Kan Lêvi 19:32

Ăn khân may dâk tanăp măt phung sŏk ndra, yơk ma phung bu ranh, jêh ri ăn khân may klach yơk ma Brah Ndu khân may. Gâp jêng Brah Yêhôva.

Mathay 23:8

Ƀiălah khân păng lơi ăn bu kuăl khân may nơm jêng nơm nti; yorlah geh knŏng du huê Nơm Nti, bi lĕ rngôch jêng oh nâu da dê.

Kôranh Oh Mon 14:23

Jêh khân păng săch phung kôranh bu ranh tâm ăp Phung Ngih Brah Ndu, bar hê kôranh oh mon mbơh sơm, ât sông sa, jêh ri jao phung nây ma Kôranh Brah jêng Nơm khân păng rnơm nsing.

Kôranh Oh Mon 15:4

Tât ta ƀon Yêrusalem, Phung Ngih Brah Ndu, phung kôranh oh mon jêh ri phung kôranh bu ranh vơt rom khân păng, jêh ri khân păng nkoch bri ma phung nây lĕ nau Brah Ndu đă khân păng ƀư.

Kôranh Oh Mon 15:6

Phung kôranh oh mon jêh ri phung kôranh bu ranh tâm rƀŭn gay ma sek uănh nau nây.

Kôranh Oh Mon 20:17

Rnôk nây, bơh ƀon Milêt, Y-Pôl njuăl bunuyh ta ƀon Êphêsô kuăl phung kôranh bu ranh tâm Phung Ngih Brah Ndu văch ta nây.

Samƀŭt Pôl Njuăl Ăn Ma Phung Nsing Ta Ƀon Rôm 13:7

Mplơ̆ hom ma lĕ rngôch bunuyh nau khân may nơm iang rnon: chê̆ hom pi ma nơm, ăn khân may nơm chê̆ hom; chê̆ kao play hom ma nơm, ăn khân may nơm chê̆; klach ma nơm khư klach; yơk ma nơm khư yơk.

Galati 6:1

Hơi oh nâu, tơlah geh du huê rhuh tâm nau tih, khân may jêng phung hăn tĭng nâm Brah Huêng Ueh, sŏk hom nuih n'hâm rdơ̆ rbăn gay nkra khân păng. Ăn khân may nơm blau njrăng, klach lah geh nau ndơm tât ma khân may tâm ban lĕ.

Nau Vay Nkah Tay 33:9

Lêvi nơm lah ma mê̆ mbơ̆ păng nơm pô aơ: ‘Gâp mâu gĭt saơ ôh ma khân păng,’ Păng mâu gĭt năl ôh phung oh nâu păng nơm, Kŏ mâu gĭt đŏng ma phung kon păng nơm. Yorlah khân păng djôt prăp nau ngơi Kôranh Brah, Mât mray nau tâm rnglăp bơh Păng.

I Timôthê 5:17

Phung kôranh bu ranh blau chiă uănh Phung Ngih Brah Ndu, lơ hô geh nau yơk âk lơn, lor lơn jêng phung srôih jâk jêr tâm nau mbơh nau chroh jêh ri nau ntĭm nti.

I Timôthê 5:2

phung bu ur ranh tâm ban ma mê̆, phung bu ur druh tâm ban ma oh ruh, ma lĕ rngôch nau kloh ngăn.

Titus 2:2

Ntĭm nti hom ma phung bu ranh gĭt di keh, ăn gŭ ngao ueh, blau mĭn, dơi nâp tâm nau chroh, tâm nau rŏng jêh ri nau srôih.

Titus 2:6

May đă hom ma phung bu klâu ndăm ăn gĭt blau mât njrăng săk.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

Yakơ 5:14

Mbu moh tâm khân may geh nau ji kuet? Bunuyh nây jă hom phung kôranh bu ranh Phung Ngih Brah Ndu văch; khân păng mra mbơh sơm an tâm amoh Kôranh Brah jêh ri mhĭng dak ngi ôlive ma bunuyh ji.

I Pêtrôs 5:1

Gâp njuăl nau ntĭnh ma phung kôranh bu ranh tâm phung khân may, yorlah gâp ăt jêng du huê kôranh bu ranh, jêng nơm mbơh nau rêh ni Brah Krist, jêh ri ăt jêng nơm mra geh kô̆ tâm nau chrêk rmah bơi tâm mpơl.

II Yôhan 1:1

Kôranh bu ranh nchih njuăl ma bu ur, nơm Brah Ndu săch jêh, ndrel ma phung kon ay jêng phung gâp rŏng tâm nau ngăn; mâu di knŏng gâp dơm ôh, ƀiălah lĕ rngôch phung gĭt năl jêh nau ngăn tâm ban lĕ,

III Yôhan 1:1

Kôranh bu ranh nchih samƀŭt njuăl ma Y-Gaius, nơm bu rŏng, nơm gâp rŏng tâm nau ngăn.

Nau Tâm Mpơl 4:4

Jŭm sưng hađăch nây gâp saơ bar jât ma puăn mlâm sưng hađăch êng, klơ sưng hađăch nây geh bar jât ma puăn kôranh bu ranh gŭ, nsoh ao nglang, bôk ndô đon hađăch ma mah.