I Timôthê 4:13 - Nau Brah Ndu Ngơi 2023

¹³ Ăn may gơih rŏ Nau Brah Ndu Ngơi tâm dôl tâm rƀŭn, nau ntĭnh jêh ri ntĭm nti kŏ tât nôk gâp văch.

Bunong Bible Latin Script Cambodian dialect

¹³ Ăn gơyh rŏ ăn nteh Nau Kôranh Brah Ngơi ăn bu tăng, gơyh ntrôl bu, ndrel ma gơyh ntŭm nti bu, n'ho ma tât nar gâp tât a may.

Bunong

¹³ អ៝ន់​គើយ្ស​រ៝ៈ​អ៝ន់​នតែស​នាវ​កោរាញ​ឞ្រាស​ងើយ​អ៝ន់​ឞូ​តាង់ គើយ្ស​នត្រោល​ឞូ នទ្រែល​មា​គើយ្ស​នតុម​នតី​ឞូ នហ៝​មា​ត៝ត់​នារ​គ៝ប់​ត៝ត់​អា​មៃ។

I Timôthê 4:13 ပူးပေါင်းရင်းမြစ်များ

Yôhan 5:39

Khân may sek uănh joi Nau Brah Ndu Ngơi, yorlah mĭn tâm nây geh nau rêh n'ho ro. Nau Brah Ndu Ngơi nây yơh mbơh nkoch ma Gâp,

Kôranh Oh Mon 17:11

Phung Yuđa ta aơ geh nuih n'hâm ueh lơn ma phung bunuyh ta ƀon Têsalônik; khân păng sŏk dơn nau Brah Ndu ngơi ma lĕ nuih n'hâm, ăp nar ŭch nti Nau Brah Ndu Ngơi gay ma sek uănh nau nti lah di mâu lah mâu.

Kôranh Oh Mon 6:4

Bi hên, hên mra hôm djôt mro kan mbơh sơm jêh ri pah kan ma nau Brah Ndu ngơi.”

Samƀŭt Pôl Njuăl Ăn Ma Phung Nsing Ta Ƀon Rôm 12:8

bunuyh geh nau dơi ăn n'hao nuih n'hâm, n'hao hom nuih n'hâm; bunuyh geh nau dơi ăn pă drăp ndơ, pă hom drăp ndơ ma nuih n'hâm lŏng; bunuyh geh nau dơi ăn chiă uănh, gơih chiă uănh hom; bunuyh geh nau dơi ăn ƀư nau ăn ndơ yô̆, ƀư hom ma nau maak.

I Kôrintô 14:26

Hơi phung oh nâu, mâm mra ƀư? Tơlah khân may tâm rƀŭn, bunuyh geh nau mprơ kloh ueh, bunuyh geh nau ntĭm nti, bunuyh geh nau tâm mpơl, bunuyh geh nau ngơi bu năch, bunuyh geh nau gĭt rblang. Ƀư hom lĕ rngôch gay ma ndâk njêng Phung Ngih Brah Ndu.

I Kôrintô 14:3

Ƀiălah bunuyh ngơi nau mbơh lor, păng ngơi đah kon bunuyh gay ndâk njêng, tâm n'hao nuih jêh ri bonh leng.

I Kôrintô 14:6

Hơi phung oh nâu, tơlah gâp hăn ma khân may, ngơi lĕ nau bu năch, jêh ri tơlah nau gâp ngơi mâu geh tâm mpơl, mâu geh nau gĭt rbăng, mâu geh nau mbơh lor, mâu geh ntĭm nti, moh nau gâp jêng khlay ma khân may?

Nau Vay Nkah Tay 17:19

Samƀŭt nau vay nây mra gŭ ndrel ma hađăch, jêh ri ăn păng răk du njăr rêh, gay ma păng nti nau klach yơk ma Yêhôva Brah Ndu, djôt prăp lĕ rngôch nau vay jêh ri ƀư tĭng kơt lĕ nau vay dăp aơ.

I Timôthê 4:16

Njrăng hom ma may nơm jêh ri ma nau may nti lah; srôih tâm lĕ rngôch nau nây, yorlah ƀư tâm ban pônây, may nơm jêh ri phung gŭ iăt may geh nau rklaih da dê.

I Timôthê 4:6

Tơlah may mbơh lĕ nau aơ ma phung oh nâu, may mra jêng du huê oh mon ueh ma Brah Yêsu Krist, dơi mât rong jêh ma nau chroh jêh ri ma nau nti sŏng ngăn may hŏ tĭng chroh jêh.

II Timôthê 3:15

jêh ri bơh rnôk may hôm jêng kon se may gĭt jêh Nau Brah Ndu Ngơi ơm geh dơi ƀư ăn may blau mĭn gay geh nau tâm rklaih yor ma nau chroh tâm Brah Yêsu Krist.

II Timôthê 4:2

Mbơh nkoch hom nau ngơi Brah Ndu, srôih hom nđâp lah tâm mông găl mâu lah mâu mông găl, sŭk nsôr hom, nduyh, n'hao nuih ma nuih n'hâm srôih jêh ri nau ntĭm nti.

Titus 2:15

May nti hom lĕ nau nây, sŏk nau dơi gay nti nkah jêh ri nduyh. Lơi ăn du huê bunuyh mưch rmot ma may.

Yôsuê 1:8

Ndrom samƀŭt nau vay aơ lơi ăn ngai bơh bâr mbung may, ƀiălah mĭn rvê hom nau nây măng nâm nar, gay blau njrăng ƀư tĭng lĕ nau nchih jêh tâm nây. Ri mơ may chăt jêng jêh ri dơi jêng tâm trong may hăn.