I Timôthê 4:12 - Nau Brah Ndu Ngơi 2023

¹² Lơi ăn bu rmot may yor may hôm druh ndăm, ƀiălah ăn may sŏk nau ngơi, nau gŭ ngao, nuih n'hâm rŏng, nau chroh jêh ri nau kloh rsang gay ma ƀư leo trong ma phung chroh.

Bunong Bible Latin Script Cambodian dialect

¹² Lơi ôh ăn bu mưch may yor ma may hôm kon se, yơn ma ta nau mbơh ngơi, ta nau gŭ ngao, ta nau rŏng, ta nau nsing, ta nau kloh ueh, ăn may leo nau ueh ma lĕ rngôch phung nsing.

Bunong

¹² លើយ​អោស​អ៝ន់​ឞូ​មឺច​មៃ​យ៝រ​មា​មៃ​ហោម​ក៝ន​ឆែ យើន​មា​តា​នាវ​មឞើស​ងើយ តា​នាវ​គុ​ងាវ តា​នាវ​រ៝ង់ តា​នាវ​ញឆីង តា​នាវ​ក្ល៝ស​អ្វែស អ៝ន់​មៃ​លែវ​នាវ​អ្វែស​មា​លែៈ​រាងោច​ផូង​ញឆីង។

I Timôthê 4:12 ပူးပေါင်းရင်းမြစ်များ

Sakari 2:4

jêh ri lah ma păng: “Hăn nchuăt hom, ngơi lah đah bu klâu ndăm nây: ‘Yêrusalem mra jêng nâm bu ƀon mâu geh ôh mpêr ƀon jŭm, yor geh âk ngăn bunuyh jêh ri mpô mpa gŭ ta nklang păng.’

Mathay 18:10

“Njrăng hom, lơi tâm rmot ma du huê tâm phung kon se jê̆ aơ! Yorlah Gâp lah ma khân may, phung tông mpăr khân păng gŭ klơ trôk saơ ƀaƀơ muh măt Mbơ̆ Gâp jêng Nơm gŭ klơ trôk.

I Kôrintô 11:1

Tĭng kơt hom gâp, nâm bu gâp nơm tĭng kơt Brah Krist.

Philip 4:8

Nau nglĕ dŭt, hơi oh nâu, moh ntil jêng nau nanê̆ ngăn, moh ntil jêng nau khư yơk, moh ntil jêng nau sŏng srăng, moh ntil jêng nau kloh rsang, moh ntil jêng nau khư rŏng, moh ntil jêng nau khư tâm rnê, lah nsum jêng moh ntil jêng nau mĭn ueh, nau khư tâm rnê, ăn khân may mĭn ma lĕ nau nây.

I Têsalônik 1:6

Khân may hŏ tĭng kơt hên jêh ri bơh Kôranh Brah, yorlah khân may sŏk dơn nau chroh ta nklang âk nau rêh ni ma nau răm maak bơh Brah Huêng Ueh.

I Têsalônik 2:10

Khân may mbơh nkoch, jêh ri Brah Ndu mbơh đŏng pô aơ ma khân may jêng phung chroh, hên hŏ gŭ ngao tâm nau kloh, nau sŏng srăng jêh ri mâu geh nau nduyh ôh.

I Timôthê 1:14

Nanê̆ ngăn nau yô̆ Kôranh Brah he jêng bêng ler jêh ma gâp nđâp ma nau chroh jêh ri nau rŏng tâm Brah Yêsu Krist.

II Timôthê 2:15

Nsrôih pah kan hom gay ma maak nuih n'hâm Brah Ndu tâm ban bunuyh pah kan mâu mra geh nau đit prêng ôh, ma nau sŏng gay ma nti lah nau ngăn.

II Timôthê 2:22

May der ngai hom lĕ nau kơnh phung druh ndăm ŭch, jêh ri tĭng joi nau sŏng srăng, nau chroh, nau rŏng, nau đăp mpăn ndrel ma phung kuăl mbơh sơm ma Kôranh Brah ma nuih n'hâm kloh.

II Timôthê 2:7

Mĭn rvê hom nau gâp lah jêh, yorlah Kôranh Brah mra ăn ma may nau gĭt rbăng tâm lĕ rngôch kan.

Titus 2:15

May nti hom lĕ nau nây, sŏk nau dơi gay nti nkah jêh ri nduyh. Lơi ăn du huê bunuyh mưch rmot ma may.

Titus 2:7

Tâm lĕ rngôch nau, may jêng nơm leo trong tâm lĕ nau kan ueh jêh ri tâm mpơl nau di, ăn gŭ ngao ueh lah may ntĭm nti;

Yakơ 3:13

Tâm phung khân may, mbu nơm jêng nơm blau mĭn jêh ri gĭt rbăng? Sŏk hom nau gŭ rêh ueh khân may nơm gay tâm mpơl lĕ nau khân may ƀư ntơm tă bơh nau dêh rhêt bơh nau blau mĭn.

Yakơ 3:17

Ƀiălah nau blau mĭn tă bơh klơ trôk, lor lơn jêng kloh, jêh nây đăp mpăn, rdơ̆ rbăn, nuih n'hâm blau iăt nau bu, nuih n'hâm bêng ma nau yô̆ jêh ri kao play ueh, mâu geh nau ngơi bar mâu lah mƀruh ndơm ôh.

I Pêtrôs 5:3

mâu dŏng nau dơi chiă uănh bu jao jêh ma khân may nơm, ƀiălah ƀư leo trong ueh ma phung biăp.