I Timôthê 3:6 - Nau Brah Ndu Ngơi 2023

⁶ Du huê mhe chroh mâu dơi jan kôranh chiă uănh, klach lah bêng ma nau sưr ƀư ma păng tŭp tâm nau phat dôih prăp ma phung brah mhĭk.

Bunong Bible Latin Script Cambodian dialect

⁶ Bunuyh mhe sât nsing, mâu ôh ăn păng jan kôranh mât uănh, klach lah păng n'hi êng săk, jêh ri jêng geh dôih tâm ban ma Satăng i kôranh mpôl brah djơh.

Bunong

⁶ ឞូនុយ្ស​មហែ​ឆឹត​ញឆីង មោ​អោស​អ៝ន់​ពាង់​ជាន​កោរាញ​ម៝ត់​អ្វាញ់ ក្លាច​លាស​ពាង់​នហី​អេង​ឆាក់ ជេសរី​ជេង​គែស​ទោយ្ស​តឹម​ឞាន​មា​ឆាតាង់  ​អី​កោរាញ​មពោល​ឞ្រាស​អ្យើស។

I Timôthê 3:6 ပူးပေါင်းရင်းမြစ်များ

II Phung Hađăch 14:10

May hŏ lơh jêh phung Êđôm jêh ri nuih n'hâm may bêng nau hưn. Gŭ hom tâm ngih gay mƀrơn ma nau chrêk rmah may. Mâm ƀư ŭch ƀư tay nau mhĭk ma may nơm, ƀư ăn ma may jêh ri lĕ phung Yuđa cha lôt?”

II Nau Rêh Jêng 26:16

Ƀiălah tơlah Y-Usia hŏ geh jêng jêh, păng geh nuih n'hâm sưr ƀư ăn ma păng nơm roh rai. Păng ƀư tih đah Yêhôva Brah Ndu păng, yorlah păng hŏ lăp tâm ngih Brah Yêhôva gŭch ndơ ƀâu kah ta Nơng ƀư brah gŭch ndơ ƀâu kah.

II Nau Rêh Jêng 32:25

Ƀiălah Y-Hêsêkia mâu kah gĭt lah ueh nau Brah Yêhôva ƀư jêh ma păng, yorlah nuih n'hâm păng sưr yor nây Kôranh Brah ji nuih tât ma păng nđâp ma phung Yuđa jêh ri Yêrusalem.

Nau Hôr 18:12

Nuih n'hâm sưr hăn lor ma nau rai lôch, Ƀiălah nau dêh rhêt hăn panăp ma nau yơk.

Nau Hôr 29:23

Nau sưr bơh du huê bunuyh mra ntrŭnh lơi nơm nây, Ƀiălah mbu nơm geh nuih n'hâm dêh rhêt mra geh nau yơk.

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Daniel 11:12

Tơlah tâm lơh dơi jêh đah phung tahan nây, hađăch mpeh pa dâng geh nuih n'hâm sưr. Păng mra nkhĭt âk rbăn, âk rmưn phung rlăng ƀiălah păng mâu dơi ôh.

Luka 10:18

Brah Yêsu lah ma khân păng: “Gâp saơ jêh Satan tŭp tă bơh trôk tâm ban ma lơp nglaih.

I Kôrintô 3:1

Hơi phung oh nâu, mpeh ma gâp, gâp mâu dơi ngơi ma khân may tâm ban ma phung rêh huêng, ƀiălah tâm ban ma phung bunuyh nglay săk, nâm bu ma phung oh bê mhe deh tâm Brah Krist.

I Kôrintô 8:1

Tât ma nau ndơ ƀư brah ma rup brah, he gĭt pô aơ “lĕ rngôch he geh nau gĭt rbăng.” Ƀiălah nau gĭt rbăng luh nau sưr, ƀiălah nau rŏng ri mơ ndâk njêng.

II Kôrintô 12:7

Gay mât gâp lơi sưr ma lĕ nau tâm mpơl khlay ngăn nây, du njăr lok tôt jêh tâm nglay săk gâp; du huê nơm mbơh bơh Satan hŏ dong gâp gay lơi ăn gâp sưr rlau.

Nau Vay Nkah Tay 17:20

Pônây nuih n'hâm păng mâu mra jêng sưr đah phung oh nâu păng ôh, jêh ri mâu hăn ngai bơh nau vay ntăm, teng pa ma mâu lah pa chiau, gay păng jêh ri phung kon sau păng mra chiă uănh jŏ nar tâm nklang n'gor Israel.”

Nau Vay Nkah Tay 8:14

nôk nây nuih n'hâm khân may sưr rlau, chuêl hêng Yêhôva Brah Ndu jêng Nơm hŏ njŭn leo khân may luh bơh n'gor Êjipt, jêng bơh vâl dĭk bu.

I Timôthê 3:7

Ăn kôranh chiă uănh geh nau mbơh ueh bơh phung padih, gay mâu tŭp ôh tâm nau bêk prêng jêh ri tâm dăk brah mhĭk.

I Timôthê 6:4

nây jêng nơm sưr rlau, mâu gĭt rbăng du ntil ndơ ôh; ƀiălah păng geh nau ŭch tâm rlăch, nau tâm djrel tâm nau ngơi, ƀư nau tâm rmot, mâu geh du ai, nau mưch rmot, nau đing djơh mhĭk;

II Timôthê 3:4

ƀlăch ƀlêr, gơnh nuih, bêng ma nau sưr, ŭch ma nau pâl maak rlau lơn ma rŏng Brah Ndu,

I Pêtrôs 2:2

Khân may ji hir hom ma dak toh brah kloh rsang nâm bu kon se mhe deh, gay tă bơh nĕ khân may văch ma toyh ma nau tâm rklaih,

I Pêtrôs 5:5

Tâm ban lĕ, phung druh ndăm tông hom ma phung kôranh bu ranh. Lĕ rngôch bunuyh nsoh hom nau dêh rhêt gay ƀư ueh ndrăng khân may; yorlah Brah Ndu tâm rdâng đah phung sưr, ƀiălah ăn nau yô̆ ma phung dêh rhêt.

II Pêtrôs 2:4

Yorlah tơlah Brah Ndu mâu yô̆ an ma phung tông mpăr nôk khân păng ƀư tih, ƀiălah klŭp lơi khân păng tâm ndrung ŭnh jêh ri krŭng prăp tâm ntŭk ngo ngăn gay gŭ kâp tât nar phat dôih;

Yuđas 1:6

Bi phung tông mpăr mâu djôt prăp tâm ntŭk khân păng, chalơi ntŭk khân păng nơm, Brah Ndu dŏng rse rvăk gay kăt khân păng n'ho ro tâm ntŭk ngo klĕng gay kâp nau phat dôih ta nar toyh.