I Timôthê 3:16 - Nau Brah Ndu Ngơi 2023

¹⁶ Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

Bunong Bible Latin Script Cambodian dialect

¹⁶ Mâu geh bunuyh dơi tâm rlăch ndơ bơh dŏng dja, dŭt kuŏng ngăn ndơ i Kôranh Brah lĕ nhhơ ăn bân ta nau nsing, ndơ i ndŏp a lor nơh: Kôranh Brah lĕ nhhơ jêh ăn bân gĭt năl Brah Krist i jêng bunuyh ngăn, Brah Huêng Ueh lĕ nhhơ Păng sŏng ngăn, Phung tông păr lĕ say Păng. Bu mbơh nkoch Păng lam phung i mâu di phung Israel, Bu nsing ma Păng ta lam neh ntu dja, Jêh ri Kôranh Brah n'hao Păng gŭ ndrel Păng nơm ta kalơ trôk.

Bunong

¹⁶ មោ​គែស​ឞូនុយ្ស​ទើយ​តឹម​រាលាច់​នទើ​ឞើស​ទ៝ង់​អ្យា ទុត​ក្វ៝ង់​ងាន់​នទើ​អី​កោរាញ​ឞ្រាស​លែៈ​ញហើ​អ៝ន់​ឞ៝ន់​តា​នាវ​ញឆីង នទើ​អី​នទ៝ប់​អា​ល៝រ​នើស៖ កោរាញ​ឞ្រាស​លែៈ​ញហើ​ជេស​អ៝ន់​ឞ៝ន់​គឹត​នាល់​ឞ្រាស​ក្រីស  ​អី​ជេង​ឞូនុយ្ស​ងាន់‌ ឞ្រាស​ហ្វេង​អ្វែស​លែៈ​ញហើ​ពាង់​ឆ៝ង់​ងាន់‌ ផូង​តោង​ពារ់​លែៈ​ឆៃ​ពាង់។ ឞូ​មឞើស​ងក៝ច​ពាង់​លាម​ផូង​អី​មោ​ទី​ផូង​អីឆ្រាអែល  ‌ ឞូ​ញឆីង​មា​ពាង់​តា​លាម​នែស​នតូ​អ្យា‌ ជេសរី​កោរាញ​ឞ្រាស​នហាវ​ពាង់​គុ​នទ្រែល​ពាង់​នើម​តា​កាលើ​ត្រោក។

I Timôthê 3:16 ပူးပေါင်းရင်းမြစ်များ

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Mathay 1:23

“Aơ, du huê bu ur druh mra bă ntreo, jêh ri deh du huê kon bu klâu, Jêh ri bu mra ntơ amoh kon bu klâu nây jêng Êmanuel,” nâm bu ntĭt Brah Ndu gŭ ndrel he.

Mathay 13:11

Brah Yêsu lah: “Bu ăn jêh ma khân may gĭt rbăng ma nau ndâp ƀon bri hađăch klơ trôk, ƀiălah ma khân păng bu mâu ăn nâm bu pônây.

Mathay 28:2

Ri, nau n'găr neh ntu hâu ngăn, yorlah du huê tông mpăr Kôranh Brah jŭr tă bơh klơ trôk, rlă lŭ jêh ri gŭ ta klơ.

Mathay 3:16

Dôl geh ƀaptem jêh, dôl Brah Yêsu dâk tă bơh dak, uănh ri, lĕ ndâr trôk pơk mpơl, Păng saơ Brah Huêng Ueh Brah Ndu jŭr nâm bu sĭm plŭk drâm ta klơ Păng.

Mathay 4:11

Brah mhĭk du bơh Păng, jêh ri ri, geh phung tông mpăr hăn tât gay pah kan Păng.

Markôs 1:13

Păng gŭ tâm bri rdah puăn jât nar, geh Satan ndơm, gŭ ndrel ma mpô mpa bri, jêh ri phung tông mpăr pah kan Păng.

Markôs 16:19

Jêh ngơi kơt nây, Brah Ndu chông Păng hao klơ trôk, gŭ mpeh pa ma Brah Ndu.

Markôs 16:5

Lăp tâm trôm môch, khân păng saơ du huê bu klâu ndăm nsoh ao jong nglang, gŭ mpeh pa ma, khân păng hih rhâl hâu ngăn.

Luka 2:32

Jêng nau ang sol trong ma phung bu năch, Jêh ri jêng nau chrêk rmah phung Israel, jêng phung ƀon lan May.”

Luka 20:44

Kơt nĕ, hađăch Đavit kuăl Păng jêng Kôranh Brah, mâm ƀư Brah Yêsu dơi jêng kon hađăch nây?”

Luka 22:43

Geh du huê tông mpăr tă bơh trôk tâm mpơl jêh ri ntop n'hâm suan ma Păng.

Luka 24:4

Tâm dôl khân păng mĭn rvê ma nau nây, nôk aơ geh bar hê bu klâu nsoh ao nglang nchrat ral ngăn dâk êp ta meng khân păng.

Luka 24:51

Dôl ăn nau ueh uĭn, Păng du tă bơh phung oh mon jêh ri dơi djôt leo hao klơ trôk.

Yôhan 1:14

Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Yôhan 13:3

Brah Yêsu gĭt jêh Mbơ̆ ăn lĕ rngôch ndơ tâm ti Păng, jêh ri Păng văch tă bơh Brah Ndu, jêh ri bơi plơ̆ sĭt đŏng ma Brah Ndu,

Yôhan 15:26

Ƀiălah dôl Nơm Bonh Leng văch, jêng Nơm Gâp mra njuăl văch ma khân may tă bơh Mbơ̆, jêng Brah Nau Ngăn luh tă bơh Mbơ̆, Păng yơh mra mbơh ma Gâp.

Yôhan 16:28

Gâp luh jêh tă bơh Mbơ̆ văch ta neh ntu, jêh ri Gâp du tă bơh neh ntu gay plơ̆ sĭt ma Mbơ̆.”

Yôhan 17:5

Ơ Mbơ̆! Aƀaơ aơ, dăn sŏk nau chrêk rmah Gâp ơm geh ndrel ma Mbơ̆ nơm êlor njêng neh ntu gay tâm rnê Kon tanăp Mbơ̆.

Yôhan 20:12

saơ bar hê tông mpăr ueh nsoh ao nglang gŭ ta ntŭk hŏ n'gân săk Brah Yêsu, du huê gŭ ta bôk, du huê gŭ ta jâng.

Yôhan 6:62

Pôri, tơlah khân may saơ Kon Bunuyh hao ta ntŭk Păng gŭ bơh saơm mâm mêh?

Kôranh Oh Mon 1:19

Nau nây lĕ rngôch bunuyh ƀon Yêrusalem gĭt rah vah, kŏ tât khân păng rnha mir lŏ nây tĭng nau ngơi khân păng nơm lah Hakêlđama, nâm bu ntĭt, mir mham.

Kôranh Oh Mon 10:34

Y-Pêtrôs ntơm ngơi: “Nanê̆, gâp gĭt năl ma Brah Ndu mâu gŭ du ding ôh,

Kôranh Oh Mon 14:27

Nôk tât ta nây, Y-Pôl jêh ri Y-Ƀarnaƀas kuăl rgum Phung Ngih Brah Ndu, nkoch bri lĕ kan Brah Ndu đă khân păng ƀư, jêh ri nau Păng pơk jêh mpông nau chroh ma phung bu năch.

Kôranh Oh Mon 20:28

Khân may njrăng hom ma khân may nơm jêh ri ma lĕ rngôch phung biăp Brah Huêng Ueh hŏ njêng jêh khân may jêng nơm mât uănh, gay chiăp leo Phung Ngih Brah Ndu Kôranh Brah, rvăt jêh ma mham Kon Păng nơm.

Samƀŭt Pôl Njuăl Ăn Ma Phung Nsing Ta Ƀon Rôm 10:12

Mâu geh kơp rnglah êng ta nklang phung Yuđa jêh ri phung Grek, yorlah nsum ndrel nguay Kôranh Brah jêng Kôranh Brah ma lĕ rngôch bunuyh, Nơm ăn nau yô̆ âk rmeh ma lĕ rngôch bunuyh kuăl Păng.

Samƀŭt Pôl Njuăl Ăn Ma Phung Nsing Ta Ƀon Rôm 10:18

Ƀiălah gâp ôp: Bu mâu hŏ mâp tăng hĕ? Ngăn khân păng lĕ tăng jêh, yorlah: “Bâr phung mbơh hŏ huy lam neh ntu, Jêh ri nau khân păng hŏ mbơh jêh tât ta dŭt bri dŭt neh.”

Samƀŭt Pôl Njuăl Ăn Ma Phung Nsing Ta Ƀon Rôm 16:25

Mprơ tâm rnê Nơm geh nau dơi ƀư nâp ktang ma khân may tĭng nâm Nau Mhe Mhan Ueh gâp jêh ri ma nau nti lah ma Brah Yêsu Krist, tĭng nâm nau tâm mpơl ma nau khlay ndâp hŏ pôn ndâp jêh ntơm bơh rbăn kăl e,

Samƀŭt Pôl Njuăl Ăn Ma Phung Nsing Ta Ƀon Rôm 16:26

ƀiălah aƀaơ, tĭng nau Brah Ndu ntăm gŭ rêh mro mrăng jêh ri bơh tâm lĕ ndrom samƀŭt nau mbơh lor, nau khlay ndâp dơi mpơl ma lĕ rngôch mpôl băl bunuyh gĭt, gay djôt leo khân păng tât ta nau chroh tâm nau tông bâr,

Samƀŭt Pôl Njuăl Ăn Ma Phung Nsing Ta Ƀon Rôm 3:4

Mâu mâp tâm ban pônây ôh! Brah Ndu jêng nanê̆ ngăn, nđâp tơlah lĕ rngôch bunuyh mƀruh da dê, nâm bu nchih jêh: “Gay ma Kôranh Brah uănh dơn may sŏng srăng tâm nau Păng ngơi, Jêh ri geh nau dơi tơlah bu phat dôih may.”

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

Samƀŭt Pôl Njuăl Ăn Ma Phung Nsing Ta Ƀon Rôm 9:5

jêng phung ƀon lan luh tă bơh phung chô yau jêh ri ntơm bơh noi deh nây, tĭng nâm nglay săk, hŏ deh jêh Brah Krist, Nơm klơ lơn ma lĕ rngôch, jêng Brah Ndu khư dơn nau tâm rnê n'ho ro. Amen.

I Kôrintô 15:47

Bunuyh lor lơn luh tă bơh neh jêng ndơ neh ntu; bunuyh rơh bar luh tă bơh trôk.

I Kôrintô 2:7

Ƀiălah hên mbơh nkoch ma nau blau mĭn, nau khlay ndâp jêh ri pôn ndâp tâm Brah Ndu, jêng lĕ nau Brah Ndu tâm nal jêh bơh lor lĕ rngôch rnôk ma nau chrêk rmah he.

II Kôrintô 1:19

Yorlah Brah Yêsu Krist, Kon Brah Ndu, hên jêng Y-Silvan, jêh ri Y-Timôthê hŏ mbơh nkoch ta Păng nklang khân may, mâu ôh geh tơ̆ lah “Ơ” geh tơ̆ lah “Mâu” ôh, ƀiălah tâm Păng “Ơ” mro.

Galati 2:8

yorlah Brah Ndu, Nơm pah kan tâm Y-Pêtrôs gay njuăl păng ƀư kôranh oh mon ma phung koh ntâu, Nơm nây pah kan tâm gâp gay njuăl gâp ƀư kôranh oh mon ma phung bu năch —

Galati 4:4

Ƀiălah tơlah tât nar tâm nal, Brah Ndu njuăl Kon Păng tât, tă bơh ma du huê bu ur deh, deh luh tâm dâng nau vay,

Êphêsô 1:9

Păng ƀư ăn he gĭt nau khlay ndâp tâm nau Păng ŭch, tĭng nâm nau ŭch ueh Păng hŏ nal jêh tâm Brah Krist,

Êphêsô 6:19

Dăn mbơh sơm đŏng ma gâp, gay tơlah gâp hă mbung, Brah Ndu ăn ma gâp geh nau nti lah, jêh ri gâp nănh mbơh nau khlay ndâp bơh Nau Mhe Mhan Ueh;

Kôlôh 1:23

knŏng ma khân may nau gŭ nâp tay tâm nau chroh, mâu rdja nuih ôh, mâu trơn chalơi bơh nau kâp gân Nau Mhe Mhan Ueh khân may tăng jêh, jêng Nau Mhe Mhan Ueh hŏ mbơh nkoch jêh ma lĕ rngôch bunuyh tâm dâng trôk; jêh ri gâp, Y-Pôl, hŏ jêng bunuyh pah kan ma Nau Mhe Mhan Ueh nây.

Kôlôh 1:27

Yor Brah Ndu ŭch khân may mpơl nau rmeh ler jêh ri nau chrêk rmah nau khlay ndâp nây ta nklang phung bu năch, nây jêng Brah Krist gŭ tâm khân may, jêng nau kâp gân ma nau chrêk rmah.

Kôlôh 1:6

Nau Mhe Mhan Ueh nây dôl play kao jêh ri văch ma toyh tâm lam neh ntu nâm bu ta nklang khân may, bơh nar khân may tăng jêh ri gĭt rbăng ngăn nau yô̆ Brah Ndu.

Kôlôh 2:2

gay ma nuih n'hâm khân păng geh nau n'hao nuih n'hâm, tâm rnglăp tâm nau rŏng, tâm ban đŏng geh âk nau gĭt rbăng rmeh ler jêh ri n'hêl nanê̆ gay gĭt năl nau khlay ndâp Brah Ndu, nâm bu ntĭt Brah Krist;

II Têsalônik 1:10

tơlah Păng plơ̆ văch tâm nar nây, gay geh nau tâm rnê ta nklang phung kloh ueh Păng jêh ri lĕ rngôch phung chroh geh nau n'gơr uănh, tâm nây geh khân may, yor ma khân may chroh jêh ma nau hên mbơh tanăp măt khân may.

II Têsalônik 2:7

Yorlah nau dăng ndâp bơh nau tih mhĭk ntơm pah kan jêh; ƀiălah Nơm nkân păng aƀaơ aơ ăt pah kan kŏ tât nar Bunuyh bu dơi sŏk.

I Timôthê 3:9

ƀiălah djôt prăp nau khlay ndâp bơh nau chroh tâm nuih n'hâm sŏng kloh ueh.

ហេឞ្រើ 1:3

Kon jêng chrat ang nau chrêk rmah Brah Ndu jêh ri jêng rup di ngăn ma Brah Ndu nơm. Păng sŏk nau brah Păng gay ma kơl lĕ rngôch ndơ. Jêh Păng ƀư kloh nau tih, Păng gŭ mpeh pa ma Nơm Dŭt Prêh ta klơ trôk.

ហេឞ្រើ 12:2

Uănh hom ma Brah Yêsu, Nơm ntơm bơh saơm jêh ri lôch nau chroh, jêng Nơm yor nau răm maak dơm jêh tanăp măt Păng nơm, maak dơn si tâm rkăng, tâm rmot ma nau bêk prêng, jêh ri gŭ jêh mpeh pa ma sưng hađăch Brah Ndu.

ហេឞ្រើ 7:7

Nơm toyh lơn ăn nau ueh uĭn ma nơm jê̆, nây jêng nau mâu hôm geh nau tâm rlăch ôh.

ហេឞ្រើ 8:1

Nau khlay dôl he lah jêng: He geh du huê kôranh ƀư brah toyh lơn dŭt khlay, gŭ jêh mpeh pa ma sưng hađăch Nơm Dŭt Prêh ta klơ trôk,

I Pêtrôs 1:12

Geh nau tâm mpơl ma phung mbơh lor gĭt năl pô aơ khân păng mâu di pah kan ma khân păng nơm ôh, ƀiălah pah kan ma khân may yơh ma lĕ nau aƀaơ aơ mbơh jêh ma khân may tă bơh phung bunuyh, rnơm jêh Brah Huêng Ueh jêng Nơm dơi njuăl jŭr tă bơh trôk, mbơh nkoch Nau Mhe Mhan Ueh ma khân may. Phung tông mpăr yơh ŭch uănh saơ lĕ nau nây lĕ.

I Pêtrôs 1:20

tâm nal jêh êlor rhăk njêng trôk neh ntu, ƀiălah tâm mpơl tâm rnôk nglĕ dŭt aơ yorlah khân may.

I Pêtrôs 1:21

Yor ma Păng, khân may chroh ma Brah Ndu, jêng Nơm ƀư ăn Păng dâk rêh tay tă bơh nau khĭt jêh ri ăn ma Păng nau chrêk rmah, gay ma nau chroh jêh ri nau khân may kâp gân mra dơm tâm Brah Ndu.

I Pêtrôs 3:18

Brah Krist hŏ yor ma nau tih, khĭt du tơ̆ rĭng jêh, jêng Nơm sŏng srăng tâm tang an ma phung mâu sŏng srăng, gay ma njŭn leo he văch ma Brah Ndu; bu nkhĭt jêh Păng tâm nglay săk, ƀiălah tâm huêng Păng dâk rêh jêh;

I Pêtrôs 3:22

jêng Nơm hao jêh ta klơ trôk, dôl gŭ pa ma Brah Ndu, geh phung tông mpăr, phung chiă uănh jêh ri lĕ rngôch nau ktang yơk tâm Păng da dê.

I Yôhan 1:2

Nau rêh nây tâm mpơl jêh; hên saơ jêh ri mbơh jêh, pôri hên mbơh ma khân may nau rêh n'ho ro ơm gŭ ndrel ma Kôranh Brah Mbơ̆, jêh ri bu mpơl jêh păng ma hên.

I Yôhan 3:5

Khân may gĭt Păng tâm mpơl jêh gay sŏk lơi nau tih; tâm Păng mâu geh nau tih ôh.

I Yôhan 3:8

Mbu nơm ƀư tih jêng bunuyh brah mhĭk; yorlah brah mhĭk ƀư tih jêh ntơm bơh saơm. Yor nĕ Kon Brah Ndu tâm mpơl jêh gay ƀư rai kan brah mhĭk.

Nau Tâm Mpơl 17:5

Ta ndăr kleng păng geh nchih du amoh bêng ma nau ndâp: “BABILÔN DŬT TOYH, MÊ̆ PHUNG BU UR VĂNG TĬR JÊH RI LĔ NAU ɃƠ̆ ɃƠCH TA NEH NTU.”

Nau Tâm Mpơl 17:7

Ƀiălah tông mpăr lah ma gâp pô aơ: “Mâm ƀư may hih rhâl? Gâp mra ngơi ma may gĭt ma nau ndâp mpôn tâm bu ur nĕ jêh ri tâm mpô mpa dŭt janh pơh mlâm bôk, jât mlâm nke rdeng jêh păng.

Nau Tâm Mpơl 7:9

Jêh nau nây gâp uănh, ri, geh du mpôl bunuyh âk ngăn mâu hôm dơi kơp ôh, bơh lĕ rngôch lĕ bri dak, lĕ rngôch ndŭl mpôl, lĕ rngôch ƀon lan, lĕ rngôch nau ngơi, dâk tanăp sưng hađăch jêh ri tanăp Kon Biăp, nsoh jêh ao jong nglang, ti djôt n'ha đung.