I Timôthê 2:4 - Nau Brah Ndu Ngơi 2023

⁴ jêng Nơm ŭch ma lĕ rngôch bunuyh dơi klaih jêh ri gĭt năl nau ngăn.

Bunong Bible Latin Script Cambodian dialect

⁴ Păng ŭch dâng lĕ bunuyh geh rklaih, nđâp ma gĭt năl nau ngăn.

Bunong

⁴ ពាង់​អុច​ទឹង​លែៈ​ឞូនុយ្ស​គែស​រាក្លាយ្ស នអ៝ប់​មា​គឹត​នាល់​នាវ​ងាន់។

I Timôthê 2:4 ပူးပေါင်းရင်းမြစ်များ

Êsai 45:22

Ơ lĕ rngôch mbu nơm gŭ ntŭk dŭt bri dŭt neh, Sĭt hom ma Gâp jêh ri geh nau tâm rklaih! Yorlah Gâp jêng Brah Ndu, mâu geh Brah êng ôh.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 53:11

Tă bơh nau rêh ni huêng Păng, Păng mra saơ play kao jêh ri maak. Oh mon sŏng srăng Gâp mra sŏk nau gĭt rbăng păng nơm Ƀư ăn âk bunuyh dơi kơp sŏng srăng, Yorlah Păng tuy nau tih khân păng.

Êsai 55:1

“Ơ, ăp nơm ji hir, Văch hom ta tu dak! Mbu nơm mâu geh prăk ôh, Rvăt hom jêh ri sa! Văch rvăt hom ndrănh jêh ri dak toh ndrôk Mâu ŭch ma prăk, mâu kêh rnoh ôh.

Êsêkiêl 18:23

Kôranh Brah Yêhôva lah: ‘Di lĕ Gâp geh nau maak yor nau khĭt phung ƀai? Mâu di Gâp maak yor păng chalơi trong păng gay dơi rêh lĕ?

Êsêkiêl 18:32

Kôranh Brah Yêhôva lah: ‘Ngăn yơh, Gâp mâu maak djê̆ lê̆ ôh ma nau khĭt phung mra khĭt. Pôri khân may rmal hom gay ma rêh!’”

Êsêkiêl 33:11

Lah hom ma khân păng pô aơ: ‘Kôranh Brah Yêhôva lah: Tĭng nâm Gâp gŭ rêh mro mrăng, Gâp mâu maak ôh ma nau khĭt nơm mhĭk, ƀiălah maak yor nau păng chalơi trong păng jêh ri dơi rêh. Khân may chalơi hom, chalơi trong djơh mhĭk khân may! Mâm ƀư khân may ŭch khĭt, hơi ngih Israel?’

Habakuk 2:14

Yorlah gĭt năl nau chrêk rmah Brah Yêhôva Mra bêng ler lam neh ntu Nâm bu dak nkŭm bêng dak mƀŭt.

Mathay 28:19

Pôri, hăn hom ƀư ăn lĕ rngôch ntil mpôl bunuyh dơi jêng phung oh mon Gâp, amoh Kôranh Brah Ndu Mbơ̆, Kôranh Brah Ndu Kon, jêh ri Kôranh Brah Huêng Ueh ƀư ƀaptem ma khân păng

Markôs 16:15

Păng lah ma khân păng: “Hăn hom lam neh ntu, mbơh nkoch Nau Mhe Mhan Ueh ma lĕ rngôch bunuyh.

Luka 1:77

Gay ma phung ƀon lan Păng bơh nau yô̆ an nau tih Gĭt ma nau tâm rklaih.

Luka 14:23

Kôranh ngih lah ma oh mon: ‘Hăn luh hom padih trong jêh ri rgŏ n'gar nchâp jă bu lăp ăn bêng ngih gâp.

Luka 24:47

bu sŏk amoh Păng gay mbơh nkoch ma lĕ rngôch bri dak ma nau rmal tih gay dơi nau yô̆ an ma nau tih, ntơm bơh ƀon Yêrusalem.

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 17:17

Dăn Mbơ̆ sŏk nau ngăn ƀư kloh ueh khân păng. Nau Mbơ̆ ngơi jêng nau ngăn.

Yôhan 6:37

Lĕ rngôch bunuyh Mbơ̆ Gâp ăn ma Gâp, văch ma Gâp da dê; mbu nơm văch ma Gâp, Gâp mâu mra mƀăr padih ôh.

Samƀŭt Pôl Njuăl Ăn Ma Phung Nsing Ta Ƀon Rôm 11:14

gay tâm nsônh nuih n'hâm tâm rlong ma phung ndŭl mpôl gâp, jêh ri ma nau tâm rklaih ƀaƀă tâm phung khân păng.

I Timôthê 4:10

He jâk jêr jêh ri tâm lơh ma nau aơ, yorlah he hŏ dơm nau kâp gân tâm Brah Ndu rêh, jêng Nơm Tâm Rklaih ma lĕ rngôch bunuyh, khlay ngăn ngên ma phung chroh.

II Timôthê 2:25

nkra nti phung tâm rdâng đah păng nơm ma nau rdơ̆ rbăn, ŭch ma Brah Ndu kơl khân păng rmal nau tih, gĭt năl nau ngăn,

II Timôthê 3:7

nti ƀaƀơ, ƀiălah mâu mâp gĭt năl ma nau ngăn.

Titus 1:1

Y-Pôl, oh mon Brah Ndu jêh ri kôranh oh mon Brah Yêsu Krist, geh nau pah kan njŭn nau chroh jêh ri nau gĭt rbăng ma nau ngăn tât ta phung bunuyh Brah Ndu săch jêh, jêng nau tâm di ma nuih n'hâm klach yơk,

Titus 2:11

Yorlah nau yô̆ tâm chuai tâm mpơl jêh tă bơh Brah Ndu prăp ma lĕ rngôch bunuyh.

ហេឞ្រើ 10:26

Yorlah tơlah he gĭt năl nau ngăn jêh, ƀiălah hôm mĭn ŭch ƀư tih, mâu hôm geh mpa ƀư brah ma nau chuai nau tih đŏng ôh,

Yakơ 3:14

Ƀiălah tơlah khân may geh nau tâm rmot ma nau rngot ngăn ngên jêh ri tâm djrel tâm nuih n'hâm, lơi ta rnê êng nơm mâu lah sŏk nau ngơi mƀruh tâm rdâng đah nau ngăn.

II Pêtrôs 3:9

Kôranh Brah mâu mbrĕ mbrơi ma nau Păng ton tĭng nâm ƀaƀă mĭn, ƀiălah Păng srôih đah khân may, mâu ŭch ôh du huê khĭt roh, ƀiălah ŭch ma lĕ rngôch rmal nau tih da dê.

II Yôhan 1:1

Kôranh bu ranh nchih njuăl ma bu ur, nơm Brah Ndu săch jêh, ndrel ma phung kon ay jêng phung gâp rŏng tâm nau ngăn; mâu di knŏng gâp dơm ôh, ƀiălah lĕ rngôch phung gĭt năl jêh nau ngăn tâm ban lĕ,

Nau Tâm Mpơl 14:6

Jêh nây gâp saơ du huê tông mpăr êng mpăr ta nklang trôk, geh Nau Mhe Mhan Ueh n'ho ro gay mbơh ma phung gŭ ta neh ntu, ma lĕ rngôch bri dak, phung ndŭl mpôl, lĕ rngôch nau ngơi, lĕ rngôch phung ƀon lan.