I Timôthê 2:15 - Nau Brah Ndu Ngơi 2023

¹⁵ Nđâp lah pônây, phung bu ur mra geh nau rklaih tâm nôk deh kon, tơlah khân păng gŭ rêh sŏng tâm nau chroh, tâm nau rŏng, jêh ri tâm nau kloh ueh.

Bunong Bible Latin Script Cambodian dialect

¹⁵ Ndri dâng phung bu ur geh nau jêr gŭ oh. Yơn ma khân păng hôm geh nau rklaih lah khân păng gŭ nâp ta nau nsing, ta nau rŏng ma bu, ta nau kloh ueh, ndrel ma ta nau gŭ ngao mâu ôh rlau keh ir.

Bunong

¹⁵ នទ្រី​ទឹង​ផូង​ឞូ​អូរ​គែស​នាវ​ជេរ​គុ​អ៝ស។ យើន​មា​ខាន់​ពាង់​ហោម​គែស​នាវ​រាក្លាយ្ស​លាស​ខាន់​ពាង់​គុ​ន៝ប់​តា​នាវ​ញឆីង តា​នាវ​រ៝ង់​មា​ឞូ តា​នាវ​ក្ល៝ស​អ្វែស នទ្រែល​មា​តា​នាវ​គុ​ងាវ​មោ​អោស​រាលាវ​កែស​អីរ។

I Timôthê 2:15 ပူးပေါင်းရင်းမြစ်များ

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Yêrêmi 31:22

Ơ bu ur druh mâu răp jăp, Ndah nâm jŏ ay nsong blêng ntŭk aơ ntŭk ri? Yorlah Brah Yêhôva hŏ ƀư jêh du ntil nau mhe ta klơ neh ntu: Nây jêng du huê bu ur mra nkŭm nking du huê bu klâu.”

Luka 2:7

Păng deh kon bu klâu bôk rah, sŏk bok nkŭm kon păng nơm jêh ri n'gân lâng tâm hip gơ̆, yor ntŭk njưh mâu hôm tŏng ntŭk ma khân păng.

I Kôrintô 12:23

Moh kô̆ săk jăn tâm nglay săk he mĭn jêng jê̆ lơn, he lơ hô yơk ngăn ma păng; moh kô̆ săk jăn mâu ueh, he lơ hô ƀư ma păng ueh âk lơn;

I Timôthê 1:14

Nanê̆ ngăn nau yô̆ Kôranh Brah he jêng bêng ler jêh ma gâp nđâp ma nau chroh jêh ri nau rŏng tâm Brah Yêsu Krist.

I Timôthê 1:5

Nau ŭch bơh nau ntĭnh nây jêng nau rŏng luh bơh nuih n'hâm kloh, bơh nuih n'hâm sŏng ueh jêh ri ma nau chroh nanê̆ ngăn.

I Timôthê 2:9

Gâp ŭch đŏng ăn ma phung bu ur ndơ nkrơ̆ pô aơ ma nau di, nkrơ̆ di keh jêh ri di đah nau vay gŭ ngao, mâu păch sŏk rlau keh ir mâu lah dok văn mah, lŭ khlay mâu lah nsoh kho ao khlay prăk,

Titus 2:12

Nau yô̆ nây nti ma he mƀăr lơi nau mâu blau yơk jêh ri nau kơnh ŭch ta neh ntu gay gŭ rêh tâm di keh, nau sŏng srăng jêh ri klach yơk tâm rnôk aơ,

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.