I Timôthê 1:14 - Nau Brah Ndu Ngơi 2023

¹⁴ Nanê̆ ngăn nau yô̆ Kôranh Brah he jêng bêng ler jêh ma gâp nđâp ma nau chroh jêh ri nau rŏng tâm Brah Yêsu Krist.

Bunong Bible Latin Script Cambodian dialect

¹⁴ Yơn ma nau yô̆ Kôranh Brah ŏk rmeh ler ngăn, Păng jan ăn gâp geh nau nsing, geh nau rŏng ma bu. Lĕ ndơ i nây jêng tă bơh Brah Krist Yêsu nơm ăn.

Bunong

¹⁴ យើន​មា​នាវ​យោៈ​កោរាញ​ឞ្រាស​អ៝ក់​រាមែស​លែរ​ងាន់ ពាង់​ជាន​អ៝ន់​គ៝ប់​គែស​នាវ​ញឆីង គែស​នាវ​រ៝ង់​មា​ឞូ។ លែៈ​នទើ​អី​នៃ​ជេង​តាៈ​ឞើស​ឞ្រាស​ក្រីស​យេឆូ  ​នើម​អ៝ន់។

I Timôthê 1:14 ပူးပေါင်းရင်းမြစ်များ

Nau Ngluh Êjipt 34:6

Brah Yêhôva hăn rgăn panăp păng jêh ri mbơh: “Yêhôva! Yêhôva! Jêng Brah Ndu geh nau ueh, yô̆ nđach, Mâu gơnh ji nuih ôh, Rmeh ler nau ueh uĭn jêh ri nau n'hêl nanê̆ ngăn,

Mathay 20:9

Phung văch pah kan ntơm prăm mông măng, ăp nơm dơn du huê du đơniê.

Kôranh Oh Mon 15:11

Ƀiălah, he chroh yor nau yô̆ Kôranh Brah jêng Brah Yêsu yơh, he geh nau tâm rklaih tâm ban ma khân păng lĕ.”

Samƀŭt Pôl Njuăl Ăn Ma Phung Nsing Ta Ƀon Rôm 16:20

Brah Ndu nau đăp mpăn mra gơnh jot Satan tâm dâng jâng khân may. Mbơh sơm dăn nau yô̆ bơh Kôranh Brah he jêng Brah Yêsu gŭ ndrel ma khân may!

I Kôrintô 15:10

Ƀiălah yor ma nau yô̆ Brah Ndu gâp dơi jêng nâm bu nar aơ, jêh ri nau yô̆ Păng ăn ma gâp mâu di jêng dơm dam ôh. Ƀiălah, gâp pah kan âk lơn ma lĕ rngôch bunuyh êng; nau nây mâu di gâp, ƀiălah jêng nau yô̆ Brah Ndu gŭ ndrel ma gâp.

I Kôrintô 3:10

Tĭng nâm nau yô̆ Brah Ndu ăn jêh ma gâp, gâp n'gân mbon jêh tâm ban ma du huê bunuyh blau kan, bi bunuyh êng ndâk ngih ta klơ. Ƀiălah ăp nơm njrăng ma nau păng ndâk ta klơ mbon nây.

II Kôrintô 4:15

Lĕ rngôch nau nây tât yor khân may, gay ma nau yô̆ lơ hô văch ta âk bunuyh jêh ri lơ hô geh âk bunuyh nhhơr nau tâm rnê lah ueh, gay djôt leo nau chrêk rmah ma Brah Ndu.

II Kôrintô 8:9

Yorlah khân may gĭt jêh nau yô̆ Kôranh Brah he jêng Brah Yêsu Krist, Păng ndrŏng ngăn, ƀiălah plơ̆ jêng o ach yor khân may, gay yor nau o ach Păng, khân may plơ̆ jêng ndrŏng.

Galati 1:13

Na nê̆ khân may tăng jêh ma nau gâp rêh rnôk kăl e dôl gâp hôm tĭng nau phung Yuđa chroh jêng mâm nau. Gâp ƀư mhĭk hâu ngăn jêh ri ŭch ƀư rai Phung Ngih Brah Ndu.

I Têsalônik 1:3

Tanăp măt Brah Ndu, jêng Mbơ̆, hên kah gĭt ƀaƀơ ma kan nau chroh khân may, ma kan nau rŏng khân may, nau srôih tâm nau khân may kâp gân tâm Kôranh Brah he jêng Brah Yêsu Krist.

I Têsalônik 5:8

Ƀiălah he jêng kon nôk nar, pôri ăn di keh hom, nsoh ao loih ma nau chroh jêh ri nau rŏng, sŏk nau kâp gân ma nau tâm rklaih ƀư môk tâm lơh.

I Timôthê 2:15

Nđâp lah pônây, phung bu ur mra geh nau rklaih tâm nôk deh kon, tơlah khân păng gŭ rêh sŏng tâm nau chroh, tâm nau rŏng, jêh ri tâm nau kloh ueh.

I Timôthê 4:12

Lơi ăn bu rmot may yor may hôm druh ndăm, ƀiălah ăn may sŏk nau ngơi, nau gŭ ngao, nuih n'hâm rŏng, nau chroh jêh ri nau kloh rsang gay ma ƀư leo trong ma phung chroh.

I Timôthê 6:11

Ƀiălah hơi Y-Timôthê may jêng bunuyh Brah Ndu, der ngai hom lĕ nau nây jêh ri tĭng joi nau sŏng srăng, nau klach yơk, nau chroh, nau rŏng, nau srôih, nau rdơ̆ rbăn.

II Timôthê 1:13

Ma nau chroh jêh ri nau rŏng tâm Brah Yêsu Krist, djôt prăp hom lĕ nau ntĭm nti sŏng may nti jêh tă bơh gâp gay ma ƀư nau bu kơt.

II Timôthê 2:22

May der ngai hom lĕ nau kơnh phung druh ndăm ŭch, jêh ri tĭng joi nau sŏng srăng, nau chroh, nau rŏng, nau đăp mpăn ndrel ma phung kuăl mbơh sơm ma Kôranh Brah ma nuih n'hâm kloh.

Titus 2:2

Ntĭm nti hom ma phung bu ranh gĭt di keh, ăn gŭ ngao ueh, blau mĭn, dơi nâp tâm nau chroh, tâm nau rŏng jêh ri nau srôih.

I Pêtrôs 1:3

Mât ton ma Brah Ndu, Mbơ̆ Kôranh Brah he jêng Brah Yêsu Krist! Yor nuih n'hâm yô̆ nđach rmeh ler tă bơh Păng, phung he dơi deh mhe tay gay geh nau kâp gân rêh, yor nau dâk rêh tay Brah Yêsu Krist tă bơh nau khĭt,

I Yôhan 4:10

Nau rŏng gŭ tâm nau aơ: Mâu di he rŏng jêh ma Brah Ndu ôh, ƀiălah Brah Ndu rŏng jêh ma he jêh ri njuăl Kon Păng ƀư ndơ nau ƀư brah tâm chuai nau tih he.

Nau Tâm Mpơl 22:21

Dăn nau yô̆ bơh Kôranh Brah jêng Brah Yêsu gŭ ndrel ma lĕ rngôch phung bunuyh!