I Têsalônik 5:6 - Nau Brah Ndu Ngơi 2023

⁶ Pô nây, he mâu bê̆ch nâm bu phung êng ôh, ƀiălah ăn he rngeh njrăng jêh ri di keh.

Bunong Bible Latin Script Cambodian dialect

⁶ Kơt ndri ăn bân gŭ rngeh njrăng săk mro, mâu ôh jêng tâm ban ma bunuyh aƀă êng i nhŭl ndrănh hăk bêch.

Bunong

⁶ កើត​នទ្រី​អ៝ន់​ឞ៝ន់​គុ​រាងែស​ញជ្រាង់​ឆាក់​មរ៝ មោ​អោស​ជេង​តឹម​ឞាន​មា​ឞូនុយ្ស​អាបាៈ​អេង​អី​ញុល​នទ្រាញ់​ហាក់​ឞិច។

I Têsalônik 5:6 ပူးပေါင်းရင်းမြစ်များ

Nau Hôr 19:15

Nau ƀlao ƀư ăn khân păng lêt bê̆ch, Jêh ri nơm sa gŭ dơm mâu pah kan mra ji ngot ji hir.

Êsai 56:10

Lĕ rngôch phung gak Israel Chieh măt da dê, mâu geh nau gĭt rbăng ôh. Lĕ rngôch khân păng jêng so mlo, Mâu blau groh ôh; Knŏng mbơi, bê̆ch jong Jêh ri rŏng bê̆ch.

Yônais 1:6

Kôranh kumpăn văch dăch ma păng jêh ri lah: “Dơi lĕ may gŭ bê̆ch? Hăn dâk hom! Kuăl hom ma brah may. Klăp lah brah nây mra kah gĭt tay he pôri he mra klaih khĭt.”

Mathay 13:25

Ƀiălah dôl lĕ rngôch bunuyh bê̆ch, bunuyh rlăng păng văch nsrih gơ̆ mhĭk tâm ba jêh ri păng du.

Mathay 24:42

Yor ri, rngeh njrăng hom, yorlah khân may mâu gĭt ôh moh nar Kôranh Brah khân may mra văch.

Mathay 25:13

Pôri, rngeh njrăng hom, yor khân ay may mâu gĭt nar, mâu lĕ gĭt mông đŏng.”

Mathay 25:5

Yorlah bu klâu gŭ ur văch jŏ ngăn, lĕ rngôch khân păng ji bê̆ch jêh ri hăk bê̆ch.

Mathay 26:38

Păng lah: “Huêng gâp rngot rvê ngăn kŏ tât khĭt; khân may hôm gŭ ta aơ jêh ri rngeh njrăng ndrel Gâp.”

Markôs 13:37

Lĕ nau Gâp lah ma khân may, Gâp lah ma lĕ rngôch bunuyh đŏng: Gŭ rngeh njrăng hom!”

Luka 12:37

Ueh maak yơh ma phung oh mon nây, tơlah kôranh sĭt tât jêh ri saơ khân păng gŭ rngeh! Nanê̆ ngăn, Gâp lah ma khân may, kôranh mra rêt rse bŭt păng nơm, jă phung oh mon gŭ ta sưng sông sa jêh ri văch pah kan ma khân păng.

Luka 12:39

Gĭt hom nau nây, tơlah du huê kôranh ngih gĭt moh mông bunuyh ntŭng văch, păng mâu mra ăn ôh bunuyh ntŭng lăp tâm ngih păng.

Luka 21:36

Pôri, rngeh njrăng jêh ri mbơh sơm ƀaƀơ hom, gay khân may tŏng n'hâm suan der luh bơh lĕ nau mra tât geh jêh ri dâk tanăp Kon Bunuyh.”

Luka 22:46

Păng lah: “Mâm ƀư khân may bê̆ch? Dâk mbơh sơm hom gay ma khân may mâu mra tŭp tâm nau ndơm.”

Kôranh Oh Mon 20:31

Pôri, rngeh njrăng hom, kah gĭt tay dôl tâm pe năm, măng jêh ri nar, gâp mâu rlu ôh hoch dak măt gay ntĭm nti ma lĕ rngôch bunuyh.

I Kôrintô 15:34

Ăn rgâl nuih n'hâm jêh ri lơi ƀư tih ôh, yorlah ƀaƀă tâm phung khân may mâu gĭt năl Brah Ndu ôh. Gâp lah kơt nây gay ƀư bêk khân may.

I Kôrintô 16:13

Ăn khân may gŭ njrăng hơm, gŭ nâp tâm nau chroh, ăn khân may nănh nuih n'hâm jêh ri ktang.

Êphêsô 2:3

Lĕ rngôch he gŭ tâm phung nây, hŏ geh tơ̆ he gŭ rêh tĭng lĕ nau nglay săk kơnh ŭch, tĭng groi lĕ nau nglay săk ŭch jêh ri nau mĭn. Pônây, tĭng nau ơm geh ta nglay săk, he jêng kon ma nau ji nuih tâm ban lĕ rngôch bunuyh êng.

Êphêsô 5:14

Yor nây, geh nau lah pô aơ: “Hơi nơm dôl bê̆ch, kah rngăl hom, Dâk hom may tă bơh nklang phung bunuyh khĭt, Ri mơ Brah Krist mra nchrat ang may.”

Êphêsô 6:18

Dŏng ƀaƀơ nau mbơh sơm, vơh vơl, jêh ri mbơh sơm tâm Brah Huêng Ueh. Gay dơi geh nau ntrâng aơ, srôih hom, rngeh njrăng, jêh ri mbơh sơm ma lĕ rngôch phung kloh ueh.

Philip 4:5

Ăn hom lĕ rngôch bunuyh gĭt nau rdơ̆ rbăn khân may. Kôranh Brah văch dăch jêh!

Kôlôh 4:2

Nsrôih mbơh sơm hom ma lĕ nuih n'hâm, njrăng hom tâm nôk mbơh sơm jêh ri lah ueh.

I Têsalônik 4:13

Hơi phung oh nâu, hên mâu ŭch ôh ma khân may mâu gĭt rbăng ma nau phung bê̆ch jêh, gay ma khân may lơi rngot rvê nâm bu phung êng mâu geh nau kâp gân.

I Têsalônik 5:10

jêng Nơm hŏ khĭt yor ma he gay ma he gŭ rngeh mâu lah bê̆ch, dơi gŭ rêh ndrel ma Păng.

I Têsalônik 5:8

Ƀiălah he jêng kon nôk nar, pôri ăn di keh hom, nsoh ao loih ma nau chroh jêh ri nau rŏng, sŏk nau kâp gân ma nau tâm rklaih ƀư môk tâm lơh.

I Timôthê 2:15

Nđâp lah pônây, phung bu ur mra geh nau rklaih tâm nôk deh kon, tơlah khân păng gŭ rêh sŏng tâm nau chroh, tâm nau rŏng, jêh ri tâm nau kloh ueh.

I Timôthê 2:9

Gâp ŭch đŏng ăn ma phung bu ur ndơ nkrơ̆ pô aơ ma nau di, nkrơ̆ di keh jêh ri di đah nau vay gŭ ngao, mâu păch sŏk rlau keh ir mâu lah dok văn mah, lŭ khlay mâu lah nsoh kho ao khlay prăk,

I Timôthê 3:11

Phung bu ur tâm ban lĕ, ăn gŭ ngao ueh, mâu ngơi mhĭk, ƀiălah di keh jêh ri gŭ răp jăp tâm lĕ rngôch ndơ.

I Timôthê 3:2

Pôri, kôranh chiă uănh mâu geh nau nduyh, knŏng du huê ur du huê sai, di keh, gĭt njrăng, gŭ ngao ueh, gĭt rom bu năch, blau ntĭm nti bu,

II Timôthê 4:5

Ƀiălah ma kô̆ may, di keh hom tâm lĕ rngôch ndơ, srôih dơn nau hŏt rgănh, pah kan du huê nơm mbơh nkoch Nau Mhe Mhan Ueh jêh ri ƀư rĭng nau kan may nơm.

Titus 2:12

Nau yô̆ nây nti ma he mƀăr lơi nau mâu blau yơk jêh ri nau kơnh ŭch ta neh ntu gay gŭ rêh tâm di keh, nau sŏng srăng jêh ri klach yơk tâm rnôk aơ,

Titus 2:6

May đă hom ma phung bu klâu ndăm ăn gĭt blau mât njrăng săk.

I Pêtrôs 1:13

Pôri, khân may ndrăp lor hom nau mĭn, di keh hom, dơm nau kâp gân tâm nau yô̆ mra ăn ma khân may nôk Brah Yêsu Krist tâm mpơl.

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

I Pêtrôs 5:8

Ăn gŭ di keh jêh ri gŭ rngeh njrăng; phung rlăng đah khân may jêng phung brah mhĭk, nâm bu yau mŭr ngrông, ndăch nsong jŭm khân may joi mbu nơm păng dơi sa hêk,

Nau Tâm Mpơl 16:15

“Aơ, gâp văch nâm bu du huê bunuyh ntŭng, ueh maak yơh ma mbu nơm gŭ njrăng jêh ri mât mray ma kho ao păng nơm, gay ma lơi ăn păng rhôk, lơi ăn bu saơ nau bêk păng nơm!”

Nau Tâm Mpơl 3:2

Pôri, rngeh njrăng hom jêh ri ƀư nâp lĕ rngôch ndơ hôm e, nâm bu ntĭt lĕ rngôch ndơ bơi ma khĭt, yorlah Gâp mâu saơ ôh lĕ nau kan may jêng nŭm rĭng tanăp Brah Ndu Gâp.